1- الدولة ؟
الاردن
2- الجامعة ؟
جامعة الزرقاء
3- التخصص ؟
صيدلة
4- هل هذا التخصص كان برغبة منك ؟ و أي تخصص كنتِ تتمنين ؟
بصراحة في رغبه بس ما كنت متوقعة اني ادخله ماكان حلم طفولة ابدا بس سبحان الله نصيب
5- أعطنا فكرة عامة موجزة عن تخصصك ؟
بداية من التأسيس المواد العلمية الاساسيه اللي بنبني عليها اساسات الصيدلة كل انواع الكيمياء وبعدين بعد التأسيس بندخل بمواد التخصص الممتعه من ادوية طريقة عمل كل دوا فعلا فعلا شيء ممتع نعرف ليش صار المرض وكيف عكسنا مفعوله بالدوا مادة العقاقير مثلا كلها نباتات طبية رائعه للي بيحبو طب الاعشاب بناخد النباتات وشو بتعمل كدواء والتداخلات الدوائيه اللي ممكن تعملها ... احلى شيء صناعة الادوية الكريمات ومراهم بالمختبر :)
6- بأي سنة جامعية الآن ؟
سنة تالتة
7- ما هي لغة الدراسة ؟ ( اللغة العربية – الإنجليزية )
كلا اللغتين بحكم انه فيه مواد عامة ندرسها
8- ما هي أصعب المواد في هذا التخصص ؟
البيوكمستري بس جداا ممتعه رغم صعوبتها ... العقاقير :/
9- ما هي أسهل المواد ؟
هلأ مافي اشي سهل صراحة بس الفسيولوجي كان الدكتور مسهلها علينا كتير :)
10- هل دراسته أسهل مما توقعتِ ؟ أو العكس ؟ و لماذا ؟
لااااا مش سهله ابدا بدها جهد خراااافي صبر خراافي وارادة لانه طول السنه امتحانات كويزات يعني ناادرا جدا ما نعيش يوم طبيعي بدون امتحانات ههههه لدرجة اليوم اللي مابيكون علينا فيه امتحان بنحسه عطله :p
11- ما رأيك بالمعلومات و المادة العلمية التي تدرسينها ، هل كانت كتصورك عنها ؟
الصراحة ماكان عندي ولا تصور لمواد التخصص كنت احب الخلطات والكريمات وتوقعت الاقي هالاشي يعني صح صنعنا كريمات بالمختبر وادوية بس كمان ما ارضت طموحي :)
12- بماذا تنصحين الطالبة التي تُقبل على مثل تخصصك ؟
اهم اشي يكون عندها صبر ورغبه وقدرة قبل كل هدا
لانه التخصص مش سهل وبدو طاقة جبارة وكمان قدرة ع الحفظ والفهم
13- هل توجد دكتورة أو دكتور معين تنصحين به ؟
خلينا نقول دكاترة رائعين ما بنساهم د.بسام البطوش
د.عبد الله ابراهيم د.انتصار د.بسام عمر د.مهند حسن د.جميلة
14- ما هي مجالات العمل التي يتيح لك تخصصك العمل فيها بعد التخرج ؟
كتييييرة ويمكن هدا الاشي اللي بيميز التخصص ممكن اشتغل بمصنع ادوية ممكن اشتغل بصيدلية ممكن اشتغل مشرفة مختبر بجامعة ومجالات واسعه كتير :)
15- نقطة أو كلمة أخيره تودين إضافتها ؟
الجامعه نقطة مهمة بحياتنا بحلوها ومرها وذكرياتها عشوها بكل لحظاتها :) موفقااات