[لُجين]

سلااامون من الله عليكم يا عرب

اسسسمحولي احط تجربتي معاكم انا كمان.. مع اني مادري والله من وين ابدا ووين انتهي بس ان شاء الله يمديني احط كل شي
أووول حاجه انا طالعه ثالث الحين يعني ربما يكون عندي معلومات اكثر شويا وان شاء الله تفيد


احنا في البدايه فهمونا زي زارا انو احنا نسوي الجداول ونختار ونحذف بكيفنا بس بحكم انو احنا اول دفعه في المدرسه ندرس المقررات فـ للأسف انو اشياء كثيره ما مشت زي المفروض
في اولى كنا 5 فصول وسووا لنا جدولين 3ف جدول و2 جدول غير والترم الثاني بدلو الجداول احنا ناخذ جدولهم وهما ياخذون جدولنا
كان عندنا مرشدتين اكاديميات لكل فصل وبصراحه مر الترم الاول صعب شويا لأنو كان كل شي جديد علينا وع المعلمات خااصة انو المدرسه ما جاها خبر انها بتصير نظامها مقررات الا قبل الدراسه باسبووع تخييييلوو

بالنسبه للمواد كانت كل مشكلتي في الفيزياء لسبب واحد بس :: انو الأبلا شرحها باااايخ بقووه تشرح تعبي السبوره بعدين ترجع تقول : لا دقيقه .. في شي غلط " وتعيد الشرح من جديد .. تلخببببط وبلشنا فيها بفيزيا2 وشكلو حتى ب3 مالنا غيرها الله يستر بس
الانقلش كان حلو نوعا ما و اختبار السبيكنق كان يجيب لي رعععب مع انو سهل بس كنت اخاف منه كانو يختبرونا كل وحده وحدها يطلعونها برا وتجلس مع ابلتين للماده وتختار ورقه وتشوف اش يجيها اسئله يسألونها وتجاوب لكن في ثاني صارو يخلونا نسوي برزنتايشن طالبتين او مجموعه عرض عن اي شي ونتكلم عنه او مرات تكون كونفرزايشن واصعب كورس كان ال3 لأنو كان رايتينق وعاد دينه ودينه الشي ذا

الاحياء صح كان حفظ كثير وانا اكككره الحفظ بس الأبلا بجد كانت محليته الله يسعدها تأشيرها كان صعب لكن اختباراتها سهله.. وعموووما احياء2 وماده ثانيه اسمها علم البيئه والتربيه البيئيه أسهل بكثير من احياء1

الرياضيات1 و2 والاحصاء كلها حلوه بس يبغالها تركيز في الحصه >> انا عن نفسي ما اقدر اركز ووقت الاختبار افهم في البيت من نفسي بس تعبني الطريقه هذي لأنو يكون كثير عليا

الاجتماعيات ما حبيته ابببدا طول عمري اكره التاريخ والجغرافيا وزاد الطين بله المعلمه الله يسامحها مرررا اسلوبها معانا مو حلو الحمدلله ريحت حاالي ودخلت علمي

حاسب2 مو مرا صعب بس يمكن لأنها اشياء جديده علينا .. انتبهي للشرح وبس .. فيه بور واكسل وبرمجه واشياء حلوه وممتعه بجد .. ابلتنا قالت لنا مره وهيا تمزح لا تختارو حاسب4 ترا صعب .. بس ممادري صراحه اذا جاده ولا تستهبل

البازار كان مشروع لمادتين مع بعض اللي هيا التربيه المهنيه والمهارات الاداريه بجد كان يوم جدددا ممتع مع اني انا وصاحباتي سوينا مشروعنا غير عنهم لكن البنات اللي اشتغلو مرررا انبسطووو

بالنسبه للفنيه والتفصيل خيرونا الترم الثاني من ثاني بين مادتين البحث ومصصادر المعلومات وبين التربيه الفنيه بس انا دخلت بحث ما حبيت الفني شغلته كثيره ومعلمة البحث الله ييسرلها كل صعب ياااارب مررا طيووبه ومشت المااده بكل سهوووله

اختبارات الوزاره هذي ما سمعت فيها صرااحه ممادري اش ساالفتها

احنا مشكلتنا انو المدرسه فيها اداره ذاتيه يعني المديره تسوي اللي تبغى بكيفها عشان كذا النظام مو مطبق تمام مرا .. السنتين اللي فاتت كلها درسناها في فصول وما اخترنا الا المره الليي قلت لكم يقولون عشان المدرسه باقي فيها بنات نظام عام وصعبه يطبقونه كامل بس يقولون السنه هذي بيكون فصول متحركه يعني يمكن اولى وثاني يقدرون يختارون بكيفهم مو زينا
لكن بجد بجد النظام روووووعه قالو لنا بتتغيرون ويتطور تفكيركم ومادري ايه وما صدقتهم ولا استوعبت حتى كنت اقول كيف يعني بيغرونا كلها دراسه زي بعض بس من جد صار تفكيرنا كله ابداااع ما نعرف نسوي شي فكرته عاديه نتنافس اش اغرب شي احلى شي وفي بنات وصلت معاهم سوو اختراعات وربي.. صح ع قدهم بس عملو حاجه يعني
اللي باقي عندها فرصه تدخل انصحها بقوووه تدخل.. كل المطلوب منك حاولي اشياءك تخلصينها كل يوم بيومه عشان ما تتراكم >> وهذي اللي ودتني ف داهيه أأجل بكثره واندم في الاخير ... وتهتم انها تركز في الحصه وبيبقالك وقت كافي تستانسين فيه واتمنالكم كل خيير وتوفيق ياارب

زارا يا قلبي وكلكم سسسسامحووني والله اعرف زودتها بقوه تكلمت ولا سكت بس حسيتها امانه عندي ولازم اتكلم فيها

الله ييسر امورنا ويوفقنا ياارب