هذي سوالف بعض البنات في المدرسه
البداية مع التفتيش :
1- ليش مريولك موديله كنه فستان عرس ؟
أبله هذا ستايلي ..
2- ليش حاطة عدسات زرق ؟
أبلة عيوني هذي .. امي اوروبية .
3- ليش كل هذا الكحل ؟
أبلة عيوني كحلية طبيعيا .. .
4- ليش المناكير ؟
أبلة هذي حنة سوداني مو مناكير .
5- ليش ما ترددين تحية العلم ؟
أبلة بلاعمي تعورني .ومن الجهة الثانية صوتها ويا سوالفها واصل لآخر صف ..
6- ليش تسولفين بدل ما تستفيدي من الإذاعة ؟
أبلة مو انا بس كل الصف ..بعدين الإذاعة مكررة هي وفقرة هل تعلم السخيفة
7- ليش كل هذا المكياج ؟
أبلة امس كان عرس ولد عمي للفجر .ومالقيت وقت عشان أشيله ....!!
و طبعا في بنت رقيقة تصيح .. وفي بنت دفشة بكرة تجيب القبيلة كلها تشتكي .
وما ننسى حركة التنقلات المستمرة .. مثلاً :
- فلانه الدبة لما كانت بالثانوية كل يوم تتنقل طابور غير حتى يمكن طابورها ما تدلة.نمر للبنات اللي مبققات عيونهم على الأبلوات ..
- وين أبله سيتوبلازم ؟ ما هي واقفة جنب العمود أكيد غايبة اوكي الحصة الأولى فاضيين . يا سلااااااام
- وين أبله"قد اعذر من انذر" ؟ هذي عندها مناعة طبيعية ماتمرض عشان تغيب هي و ربيعتها نو بودي...
- وين أبله الحجم العائلي ؟ اوف كمان جاية ..
- شوفوا معلمة عطيات تنورتها تحفة .. خيالية.. آخر موضة .....من وين اشترتها ؟
- عاد معلمة دراكولا مشترية دمعة بدل أرنوبها القديم وتتكلم مع زوجها في الطابور لتضمن أكبر عدد من الناس شافوها ..تنزل اعلان بالجريدة يكون أحسن .
والحين قبل لا نخلص نشوف سوالف الدلوعات :
-- أمس رحت عرس جيراننا لبست فستاني الجديد الكشخة التركواز والاكسسوارات اللي توني مشتريتهم من كليرز وصندل فرساتشي اللي اشترالي إياه أخوي من لندن .. وكل الناس تشوفه علي كأني انا العروسة
و نخلص بالبنات اللي اختصاصهم الحش :
--- شفت فلانة امس فاتحة شعرها كنه خرطوم حريقه.
--- ولا علانة اللي كانت عايشة في ماليزيا اليوم ياية بقميص صوف والحرار 40 درجة وحدة غبية .
--- ولا مجموعة "شغالات الصف " هذيلا اللي يلمون الدفاتر و يجيبون المسجل أو اللوحة للأبلة " الصباح لقيتهم ينظفو السبورة .. والله ينرحمون .
و في النهاية تجي معلمة قلم ماشي و تقول : وين انتوا في سوق سمج ؟ وضحك كالعادة ...
ولازم كل سبت واربعاء باقي الشله عند المديره" دايما نلبس نعال رياضي وهذا ممنوع " وبعد اسبوعين استدعاء ..
s,hgt hgfkhj Hdhl hgl]vsm!!
الموضوع الأصلي :
سوالف البنات أيام المدرسة!!
||
القسم :
مواضيع منقوله
||
المصدر :
منتديات بنات دوت كوم
||
كاتبة الموضوع :
(شمالية)