[الوان الطيف]

اليوم الاثنين 5\11
السلام عليكم كيفكم اليوم ان شاء الله تمام ؟ اليوم صحيت متاخرة عن كل يوم ب 10 دقايق تقريبا انا واختي رحت الحمام تجهزت وكلش عادي واختي اليوم مدري ايش جاها كل يوم تخلص قبلي و تنزل طبعا هيا في الابتدائي يعني مالو داعي تتاخر المهم شوية تتفرج مع اخويا الصغير وتمشط بطريقة تنرفز المهم بابا قال بروح اوقع واجي -يوقع ف عمله- ودق بابا وقال يلا انزلو والاخت لسا تمشط قلتلها بابا تحت ماكانها سمعت شي عصبت وصرخت فيها بسرعة بابا مستني تحت وانتي لسا ماخلصتي تمشيط قالتلي شفتي كلو بسبب صراخك بابا جا وانا ما خلصت كان ودي اديها بكس نزلت في السيارة استتنينا استنينا ما جت دق بابا و ردت ماما قالها اللي عندك بتنزل ولا امشي طبعا بابا عصب لانو فمدرستنا طلعو نظام اللي تتاخر عن 7 وربع يكتبو اسمها وتنقص وانا في السيارة والساعة 7 والمدرسة بعيدة والشارع ملياان سكان خخ وبابا بيروح لعمله نزلت الاخت طبعا بابا خاصمها مشينا
وصلت المدرسة تقريبا 7 ونص الا 5 دقايق احسبوها خخخ طلعت كتبو اسمي قلتلها كم انقص قالت اول بندق ع امك ولا دقو ولا شي دخلت الفصل 2 من صاحباتي في و2 ما جو كان علينا قواعد شوية وجات وحدة من صاحباتي اليوم كانت اذاعة فصلنا وكنت ابا اشوف صحبتي فيها بس للاسف اتاخرت مرت الحصة الاولى الحصة الثانية كان علينا E برضو الحصة كانت عادية بعدين جات فوفة اللي عرفتكم عليها حبيبتي نزلنا اشترينا وجلسنا طبعا احنا كل يوم لازم لما ننزل ناس تبا الكرسي وناس تبا الارض المشكلة انو احنا كلنا 5 بنات المهم قلنا نجلس اليوم عالكرسي جلسنا فطرنا وسولفنا رحت ابا اسمع طبعا التسميع اليوم كان مشي حالك طلعنا كان علينا علوم حصة العلوم دايما اصوات البنات تعلا ورججه وكمان كانت الحصة اللي بعد فوفة يعني اتخيلو كيف كانت الاصوات لانو الحصة الثالثة دايما رججه قبل ما تجي الابلة انا كنت قاعدة عند الباب وفاتحته عالاخير وقلتلهم لحد يصكه واطل عالرايح والجاي من الفضاوة وكل شوية تجي المراقبة تدخلني وتقفل الباب وهيا تروح من هنا وانا افتحه وترجع سويتها عناد باب فصلي وانا حرة جات ابلة العلوم والبنات رجة وهيا تتكلم ما خلصت كلامها البنات يردو عليها قالت الحصة الجاية اللي هيا بكرة اذا سويتو كذا بحطلكم اسئلة لحالكم المشكلة انو هذي ثالث ابلة تقول كذا بس اتوقع انهم يخوفونا الدرس كان عن الزلازل والابلة كاتبة ع السبورة الموجات الزالزالية قامت بنت وقالتلها ما فهمت الابلة ايش تقول البنت المهم قامت البنت ومسحت الالف الثانية من الكلمة قالتلها ممتازة منتبهه عالسبورة بعدين قالتلنا هيا كيف تنكتب قلنالها بدون الالف قالتلها وحده من البنات هذا خطا املائي وراحت بنت توريها في الكتاب انها مكتوبة بدون قامت قالتلها طيب شوفي نفس الكلمة في الكتاب كاتبينها بالالف وبدون وطال النقاش وبدا الوقت يضيع قالت خلاص نسال ابلة العربي ونشوف قالتلها صاحبتي واذا فزنا قالت مسوينها مسابقة ماشاءالله خلصت الحصة كان علينا دين حصص الدين من اكثر الحصص اللي نحبها لانو الابلة شرحها يجنن وتاشيرها حلو ما كان في شي غريب بعدها كان علينا رياضيات والدرس كان سههل الحصة السادسة كان علينا تاريخ دخلت الابلة وكانت تعبانة قالت ناخذ درس قصير بعدين قالت تفهمو لو شرحت وانا جالسة طبعا محا نقول لا لانو كانها قالت انا بشرح وانا جالسة بدات تشرح دخلت ابلة العربي وقالتلها الدرس طوييل احنا خفنا تاخذنا لانو ما عندنا اليوم ولا حصة فاضية ابلة التاريخ استغربت منها قلنالها لااااااااا ما نبااااا قالت محا اخذكم او ما اباكم فرحنا لانو حصص العربي مقرفة ومافي يوم كانت تبا تكلم وحدة من البنات يخلو منها راحت كملت الابلة شرحها شوية دقت ابلة الفني والتفصيل تقول اللي تبا تشترك ف دورة الكروشيه تكتب اسمها فورقة وجيبولي الورقة انبسطنا لانو لو اشتركنا ممكن نطلع من الفصل هع كتبت اسمي بثقة مع انو الكروشيه احسو معقد بس اهم شي انو اطلع طبعا قلت انا اللي بوديلها الورقة وبالمرة اتمشى خلص الدرس قلت للابلة بودي الورقة قالتلي استني في بنتين طلعو صاحبتي قالت بتروح معايا شوية جات وحدة من البنات ورحنا طبعا طلعنا من الفصل بثقة المراقبة مكتبها قدام الدرج واحنا نازلين قالت وين رايحين قلنالها نودي الورقة قالت وليش اثنين طبعا قلتلها انا باديها الورقة وهيا تكلمها خخخخ قالت طيب بس وصلنا اخر نزل الدرج الاولى وقعدنا نضحك عالعذر اللي قلته يعني مثلا وحده ما تتكلم والثانية يدها مكسورة بس انا ما كان قصدي لما قلتلها نزلنا اديتها الورقة وصاحبتي كلمتها عشان ما نكذب هع قالتلي ايش رايك ننزل نشتري قلتلها يلا واحنا رايحين دق الجرس للحصة الاخيرة وكان عينا E فرحت لانو هذي ثاني حصة ناخذها اليوم فقلت خليها تفوتني شوية نزلنا نشتري اللي جالسة عند الاستقبال قالت وين قلنا بنشتري قالت لا قلنالها نحنا نازلين من فووق ودحين تقولين لا الابلة هذي راسها يابس جو بنتين 1 ث بيشترو قالتلهم لا محد حيشتري قالولها احنا نزلنا من فوق قلتلهم واحنا فوقكم لانو نحنا اخر دور طلعنا للاسف ما اشترينا دخلنا الفصل ابلة الE كانت لسا ما جات فرحنا لانو محد حس علينا دخلت الابلة قرانا محادثة وباقي الحصة كات ترتب لاذاعتها ودق الجرس ونزلنا ورحت ع البيت اليوم كان ممل اعذروني بس ترى انا احب اكتب التفاصيل ولا تنسو تقييمي