جودي موضوعك روعه والله
الصراحه انا الي 4 سنوات تقريبا ما اروح المدرسه ابدا
والحين انا ادرس معهد بالبيت يعني خلصانه من حكاية المعلمات
و اعرف وحاسه بكل الي تحسون بيه
وفعلا في معلمات زمان كانو بيدخلون الصف اذا شافت واحدة بتمضغ تهزقها و تخليها ترميه او تلزقه بشعرها
و هيا نفسها بتمضغ
يعني هيا حلال ونحنا حرام
و الي تبغا تروح الحمام ممنوع
طب ليه اذا هيا حست انها تبي تروح الحمام تمنع نفسها؟
ليه تمنعنا احنا ليه؟
و شغلات وايد انا مقهورة منها الصراحه
انا في المانيا رحت المدرسه سنتين تقريبا
و عمري ما شفت تعامل مثل الي شوفتها في بلدي
بالرغم اننا مسلمين و لازم قلوبنا تعم بيها الرحمه
بس انا الصراحه شفت العكس
التعامل ولا احلى
و المعلمه تحسيها مثل صديفتج كاي واحدة من الفصل وعمرها ماتحسسك انها اعلى منك واي سؤال و اي تجريح تتقبلها بصدرها الرحب
يعني اتخلاف كبير
بس صدقوني بنات الحين المعلمات كذي بس قلوبهم طيبه
و كل ماكانت الطالبه مجتهدة و شاطرة كل ما حبتها المعلمه اكثر
الحين انا بحكيلكم حكايتين حصلت معاي
واتمنى اني ما اطول عليكم
في كانت عندنا مدرسة الكيمياء شريرة جدا مثل ما كنا نسميها
و عصبيه لابعد الحدود
عمري ما شفتها تضحك
حتى واهي جالسه مع المعلمات
وانا كنت الصراحه ومن غير ما امدح نفسي اشطر واحدة بالفصل بهالمادة لاني كنت احبها
ومامقصرة معاها ابدا من واجبات و تحصير دروس و درجات عاليه الخ
في يوم اجت وقالت لنا يوم الخميس جاي الموجه وابي الكل يكون موجود و اظن كلامي واضح
اجه يوم الخميس و انا ربي مرضني و نمت اسبوع في البيت
يوم الي رحت المدرسه كان اول درسين كيمياء
و انا كنت بكلم صديقتي بقولها اووووف على حصة الكيماء على قد ما احبها على قد ما اكره المعلمه
و كل الفصل سمعوني وانقهرو وايد قالو ليش تقولين كذي؟
قولت والله الحين انا بس الي بتكلم عليها كذي؟
قالو لا انتي بالذات لا
قولت ليه
قالو ماتعرفين انه الموجه اجه ومافي ولا واحد جاوب ووقت طلع بكت معلمة الكيماء وقالت خسارة ريما غايبه كنت اتمناها تجي و فضلت تمدح فيك
انا من يومها صرت احب هالمعلمه اكثر واحدة
مش عشان انها مدحتني
لالا
بس مشان قدرت تعبي و كتمته في قلبها وطلعته في اليوم الي لازم تقوله فيه
يعني حسيت انها طيبه
لو ماكانت طيبه ما كانت تقول
الحكايه الثاني وعارفه اني طولت عليكم كانت مع معلمة الفيزياء
كانت العن من الكيمياء
وكانت غنيه جدا وشايفه نفسها علينا ما اعرف ليه
في يوم قالت بروح واجي و وقت طلعت من الباب في طالب قالها ان شا الله وانتي طالعه تدعمك شاحنه وتموتي ونخلص منك
في واحدة قالت له حرام عليك عندها طفل
وهالمعلمه كنا نسميها جبارة من كثر ماقلبها قوي
لما رجعت قالت انا سمعت الكلام الي انقال عليه بس ابي اعرف مين الي قاله
و ما سمعت اي رد كلنا سكتنا
لما شافتنا ساكتين فضلت تبكي وتقول ليه يارب انا شو عملت عشان انتو هنتوني كذي وتبوني امو
الطالب اعترف وراح باس ايدها و قالها انتي مثل امي وسامحيني
و من يومها المعلمه اتغيرت مش مع فصلنا بس لالا مع كل الفصول
والي اقوله الحين كل واحدة تشوف معلمتها كذي تحاول تتفق مع الفصل و يروحون يكلموها او يعني تخصصون يوم وتعطوها فيه هديه عشان تفرح و راح تشوفون طيبة قلبها
واسفه جدا عالاطاله
اختكن في الله
روزاريما