[بتلات الندى]

» Ҝ ї š α м έ • Ĉ н ά η «, ‏بتلات الندى +, ‏Ms.abeer +, ‏رَفال+ يَ حلوكمَ ،منورينَ خلوناِ ندردشُ و الله مللَ بشكل فضيعُ ! أممممَ ، خلونا نتكلم عنَ أصدقاءناَ , كيف حياتناَ معاهمَ .. أو نحكي بعض المواقفَ إلا نتضايق منهاَ ، أو من تصرفاتهمَ و هكذا !

 

 

النور نورك يا قلبي ،

زي ما يقولوا " لقد وضعت يدك عالجرح "

يقولوا إنو ممكن تلاقي ناس يشبهوا بعضهم بس في ناس عمرك ما حتلاقي زيهم

ناس لما تكوني معاهم يحسسوكِ إنك جزء منهم ؛

لما تكوني جالسة لحالك يجلسوا معاكِ مو يقولوا : هذه شكلها عندها توحد !

ناس لما يشوفوك محتاجتهم يساعدوك حتى لو كانوا مو قادرين يساعدوا نفسهم ؛

مرة كان عندنا اختبار أدب وكنت محتاجة التأشير فاتصلت على وحدة من صحباتي وسألتها : إنتِ فاضية ولا مشغولة ؟ قالت أنا فاضية فطلبت منها التأشير ،

فكإنها ما صدقت أحد يطلب منها شي عشان تطلع اللي فيها ،
" وحضرتك ليش ما أشرتِ ؟؟ أكيد كنتِ نايمة ، طبعاً أنا أأشر وأبقى منتبهة وإنت في النهاية تأشري ولا كإنوا شي ، إنت تعرفي اللي عندي وأنا من لما رجعت من المدرسة ما اتخمدت زيك "

^^
هذا اللي أتذكره من كلامها ،
طبعاً في النهاية بعد ما ترجيتها ومسحت كرامتي بالأرض رضيت وأعطتني التأشير في 5 دقايق إذا ما كانت أقل !


المشكلة إنو لما تلاقي ناس ينفعوا يكونوا من جد ( أصدقاء ) تلاقي إنو العلاقة تنتهي بينكم بسرعة !

يعني فجأة تلاقي إنكم ما تقدروا تتواصلوا مع بعض !

بس زي ما يقولوا " المنحوس منحوس ولو سبح ببحر فلوس "