SMS : الله يجمعنا بجنتهـ يآرب ..
أشوف البنوتات يحطون بمدوناتهم قصص ومواقف معع إنها جزء من بوح خاطري عالعموم ما علينا بأحكيلكم أختي التحفة وش سوت أختي جزاها الله خير راحت السوق بتشتري لي هدية العيد وعلى أساس إنها مفاجأة راحت سنتربوينت ~~> ستي بلازا سابقة وهناك انعفس مخها وما دريت وش تجيب لي انتهى بها الأمر متصلة على جوالي تقولي سارة نفسك بشي ؟؟ إيش تبغي هدية للعيد ؟؟ في شي معين نفسك بيه ؟؟ المهم قلت لها لا أي شي بيعجبني وشكرا ومن هالكلام يعني ما أفدتها من الآخر وخربت المفاجأة وبس وأختي الرهيبة اتصلت كمان مرة تانية تقولي أختار شي وأريحها لأنها مو دارية وكذا سألتها إنتي فين ؟؟ ولمن دريت إنها بسنتربوينت قلت لها جيبيلي من دفاترهم الضخمة عاد أموت بدفاترهم قالت لي لأ هذي نفس هديتي السنة الي فاتت الي هي جابتها لي تبغى شي غير قلت لها يا دفتر أو شنطة للمدرسة أو شنطة ضخمة للتابلت حقي المهم قالت لي إنها حتختار بس ما حتقول لي قال يعني عشان ما تخرب المفاجأة بس أختي التحفة كما قلت سابقا اتصلت بعد عشر دقايق تقولي شبري لوحة التابلت بيدك وشبرت وأعطيتها المقاسات بعدين قفلت وطبعا كذا عرفت هدية العيد بس أختي التحفة مرة ثانية لمن رجعت البيت جلست تكلمني تقول لي انها جابت شي رهييب ومن كثر ماهو عاجبها نفسها توريني اياه الحين وتعطيني اياه عاد أنا حاولت أخفف حماسها عشان ما تخرب المفاجأة عالآخر قلت لها فرغي حماسك في أختي وأمي وكذا واليوم الي بعده جات عندنا وأشوفها تحكيهم والإبتسامة من الأذن للأذن بعدين راحت البنت تقول لي بس ترى الشنطة أكبر من اللوحة يعني توسع اللوحة واللابتوب أنا هنا أغمى علي ~~> أغمى علي من جوا يعني خربت المفاجأة بس يلا المهم ما شفتها يا خوفي تجيبها بكرة معها وشكرا مقدما يا أختي التحفة الله يخليتس لي