شعر أعجبني 
ماعاد فيها للأمام .. وماورى ..
ركضت بدروبك إلين إني حفيت
تشهد لخطواتي مساحات العرى
من حضرموت لرابع أسوار الكويت
ودك بمن يجهل موادعنا درى ؟!
يكفيني أنت لحالك بهجري دريت
من خاين العشرة وش اللي يشترى
ويافاقد الإخلاص دونه وش عطيت
حان الفراق .. ومثل ماعينك ترى
من عقب ماخذلتني في ما هقيت
واللي تعنّى لك عنا عنك وسرى
جيتك غلا ومن الغلا شفني مشيت
والهاجس بليل إشتياقي لا طرى
أقوم بالواجب معه .. لوّي نسيت
والله نسيتك .. وأقدْم جروحي برى
وآبشرك من ضيقة الذكرى شفيت
وماعاد دمعي من حنيني لك جرى
جعل الرمد يلعب بالأعيان إن بكيت
والدمعة اللي طاحت بقاع الثرى
أكبر دليل إني تساميت ورقيت