يا صاحبي .. يا قاطع خْطاك عنّا
في غيبتك يا خوي .. غيّبت ضيّي .. !!
القلب لا سالي ولا هو تهنّا
من غبت والله كاره ٍ كل شيّي .. !!
طالبْك دام الدرْب يا خوي منّا
تعال منّا صاحبي لا تعيّي
أدري بظرف الوقت قلبك تعنّا
وقلبي مثل قلبك تعنّا ياخيّي
يا خوي شفني بالهموم آتغنّى
ومحد ٍ يغنّي ليله اليوم زيّي
يا ليت ندرك كلّ شيّ انتمنّى
الله يزيّن حالنا يا خويّي
قلبي بصكّات الزمن ما تثنّى
بالله صبرت وْ صابر ٍ ومْتهيّي
بس انت لا تبطي علي وتّجنّى
ولا جيت تلقى كلّ نبض ٍ يحيّي .. !!
لـ الشاعر : سيف الخالدي