SMS : على قدرِ طمُوحنا نحصدْ !
وضعي مستقر والنت مضبوط واخباري تسمعونها كل يوم ~> هُو ما مستقر مستقر بمعنى الكلمة خذت أكثر من ساعة أحاول اشبك النت ع اللاب بينما شبك ع الموبايل في أقل من 3 ثوان بس متيسرة إن شاء الله * وكل يوم تعبير مجازي ترا قبل 10 ساعات وصلت إلى هذه المدينة الجميلة عاد كل حد هيأني نفسياً أول يوم بتجيج ضيقة وتحسين خاطرج تصيحي بس شوي وتتعودي وتحسينه مريح وكذا بس أبد ماجتني من هالخواطر أي شي الحمدُ لله أحس اني في بيتي والناس طيبة بشكل كبيير . . والحياة حياة قرية بيوت صغيرة وخضرة وحديقة خلفية <-- تنفع للمذاكرة ووحدة من رفيقاتي اللي سافروا معي صارت جارتي بينا بيتين فقط هذا حمسني ندور ونلعب لين يبدأ دوامنا خصوصاً الجو منعش جداً يثلج الصدر :$ ايه صح وحدة من الطفلتين الموجودتين بعائلتي عندها ( الحصبة / المحميقة / Chicken pox ) حالياً قامت من نومها وتصيح =( ما شاء الله على البنتين على طول تأقلموا معي وما حسسوني بالغربة أبداً ^^ أتوقع إني بنحف . . من البيت لين أقرب محطة باص مشي 10 دقايق بمعدل سكان البلد أما بمعدلي يوصل ربع ساعة + البيت رغم انه صغيرووون جداً وفيه ألفة وكذا إلا إنه أربع طوابق + واحد تحت الأرض وكل طابق فيه غرفة بالكثير 2 . . يعني البيت ماخذ شكل طولي وما عنده عرض وبالتالي الكثير والكثير من السلالم أما الدوام فنبدأه الجمعة إن شاء الله بمعهد ELA وبس ما بقى شي الا وقلته بالتوفيق لكم شخصاً شخصاً وتحصلون كل المقررات اللي تبونها وتوصلون للمحاظرات في وقتها بطريقة أو بأخرى وتاخذ الأقسام اللي تبونها وتحصلون الأساتذة اللي يستحقون هالاسم وتحصلون وظائف وايش بعد ؟ وشكراً لكل من دعا لي * إيه صح درنا تايلند بعد بس الجو ما كان يساعد =\ * كنا مجموعة مكونة من 7 أشخاص واحنا مسافرينْ . . يومين ما عندنا غير بعضنا أنواع السوالف والمواقف صارت بس للأسف اثنين راحوا منطقة بعيدة جداً جداً :( لهم وحشة كبييييرة :( واحنا الخمسة بنفس المنطقة بس ما أدري عن مكان بيوتهم لأني أنا وجارتي أول اثنين وصلوهم :$ * شمايل نسخت جملتج وتلقائياً خذ التنسيق تبعه يعني ريحتيني وسهلت مهمتي p= < من كثر ما تنسقين مثلاً
مُشتَاقة لي يا جميلَة . . ؟