[حلوة الإحساس]

اللؤلؤه الفضيه ..

ههههههههههـ يا حلوة اني اساساً مو فاهمتها خخ

 

 

معقول ..

خلاص حصل خير

حياك الله خليتي الصفحة الثانيه تنور..

.


.


Panadoola..

يا هلا وغللا ...

تسلمييين حبووبه ..اسلوبي حلو يوم اشوف ردودكم الحلوة

نورتي المطرح



.


.


.





خلوني اتكلم شوي عن الصاله ...


الصاله ..من الداخل على شكل نصف دائره وفيها بابين ..باب من بدايه نصف الدائره والثانيه بنهايته
يعني يوم تدخلين ما تشوفين الناس اللي على الجهه الثانيه لان في النص في بوفيه على شكل نص دائره

وانا طبعا الاحسن اني اخلي الكوشه ..بالنص بينهم ...بعني بنص ..نصف الدائره

يعني بيكون على يميني وعلى يساري المعازيم ..وقدامي ...البوفيه

والصاله تقريبا تكفي 150 ل 200 بس



[COLOR="rgb(139, 0, 0)"]نرجع للموضوع ...[/COLOR]



هذي الخيمه ..اللي قلتلكم عنها ..لين الحين ما شالوها ...

[COLOR="rgb(139, 0, 0)"]رحت قريب لعندعهم واخذت كم من صوره ..بس الترتيب مو نفس ما كان في يوم عرسي ..
[/COLOR]

http://www11.0zz0.com/thumbs/2011/09.../723504908.jpg



[COLOR="rgb(139, 0, 0)"]وهذي الصاله من الداخل ..بس مش نفس الترتيب حق[/COLOR]ي

http://www11.0zz0.com/2011/09/12/08/466301940.jpg


http://www11.0zz0.com/2011/09/12/08/870276966.jpg


تصدقون ..



اول ما حطيت رجولي عن فتحة الباب ...

وطالعت الناس والاهل والاصدقاء ..الكل بس يناظرني ..مش مشغول غير انه بس يناظرني ..والاصوات العاليه اللي اسمعها من صديقاتي ..ويظهرن تعبيرات اني واااو ..وشكلي واستايلي ..اللي غير عن العروسات اللي مروا عليهم ..من مسكه وتسريحه وفستان

هنا انا ...حسيت اني ..دخلت عالم ..استمتع فيه وراح كل مخاوفي وتوتري ..ذيك اللحظه ...

كنت لما امشي ..ابتسم واطالعهم كلهم ...ومساكين اللي بالجهة الثانيه ..مو قادرين يشوفوني ..لان البوفيه مغطي عليا ..لين ما اوصل قريب الكوشه

كانوا الكل قريب مني ..يعني لو يتكلمون بسمعهم ...


كانوا ورا اللي ماسكه الكاميرا



[COLOR="rgb(139, 0, 0)"]هذي كلمات الزفه ...دمجت قبلها بآهات ومؤثرات ...والصلاة على النبي ..[/COLOR]


ماحلى العروسة .. ماحلى طليتها ..مشيت ودنيت ..صوب طالبها
ضحكت وارتبكت..ماحلى ضحكتها ..نهبت وسلبت ..عيون شافتها
احلى واغلى ..ماسه لبستها .. طيبه وحبيبه ..لامها وخالتها
دانه مزدانه..دينها حشمتها ..تسلم وتغنم..ايد ربتها
يالله والله ..تمم فرحتها ..يالله والله تمم فرحتها



وبعدين دمجت نهايه هالزفه مع مقدمة انشوده ثانيه .. بصوت اسامه الصافي ..



الحمد لك يا من على في شانه يوم ارزقتني دره المرجانه
ربي عطاني من جميل احسانه
زين الحلى نور الفخر برهانه ..

يا زينها يوم اقبلت هالدانه نور تلأ لأ والحلى عنوانه
هذا البدر..هذا البدر فوووووق السحب نيشانه
علم وفكر دين ارسخت اركانه ..





...وانا ماشيه ...وخلاص بطلع هالدرجتين حق الكوشه..

ما كان موجود هالممر الطويل علشان توصلي للكرسي ..يالله يالله درجتين وخطوتين ووصلت . ..فجاة طلع دخان ...افتزيت الفزه الكبرى وما كنت ادري ان في دخان لان اساسا ما طلبنا ..وسوولي اياها هديه .. قالولي ان في دخان بس ما اتوقعت اسمع هالصوت تشششششششششش ..لو اتشغل من بعيد ..بس هذا وانا قريبه


والكل صار يضحك عليا


هذا صوره الاستيج اللي كان الكرسي فيه ... بس مش الكرسي اللي بالصوره ..


http://www11.0zz0.com/2011/09/12/08/154808808.jpg


احلى شي ..اني كنت قريبه من اللي حوليني ..يعني كنت اضحك واتفاعل معاهم ..


وبعدها جت امي ربي يحفظها ويشفيها ..ووحده تمسكها ..عشان توصلها لعندي ..وجلست على الاستيج ...انا هنا اتغير وجهي واتاثرت ..شكل امي كان حزين ..

ومدت امي يدها ..عشان اصافحها ..

وانا قمت من مكاني ورحت قبلت راسها ...هذي اكثر موقف كان مؤثر للجميع ..


اما الاحداث الحلوه ..وقت لما جو الاهل والمعازيم والاصدقاء..اللي من بينهم ناس ما شفتيهم من سنوات يسلموا عليا ..طبعا ..انا وقفت ..عشان اسلم عليهم ..احتراما لهم ..وعشان يعرفوا اني مهتمه فيهم ...



ومر الوقت ..بين رقص وتهاني ...وفي وحده طلعت لعندي ووقفنا الديجي ..
وسوت مثل الشاميين ....ما ادري شو يسموونها ..

آآآويييها ..وفلانه جاها مدري شو ..

آوييها ..الخ الخ


انا من النوع اللي ما احب اكون كذا ثابته وصامته ..لازم اتحرك اتكلم ..اضحك ...
لما اشوف العرايس ايام اول كنت اقول ليش ما تتحرك تضحك..تتفاعل ...

اما عااد انا ...كانت حركاتي كثييره ...لان الكل قريب مني ..

في مره اذكر كان كاس زجاجي فوق الاستيج ..فأنا انادي واقول الكاس الكاس ..شيلوه ..


وكنت اريد موبايلي ..وكنت لما اشوف وحده من بنات خالتي ..اناديلها بكل ما اتاني الله من قوة عشان تسمعني او تنتبه لي ...

انادي على يميني يااا فلاااانه .. ما انتبهت وراحت

واشوف على شمالي ..انادي بنت خالتي الثانيه يااااا فلاااااااااااااااااااااااااانه ...

انادي وانادي ...لين ما طاالعت على الكاميرا وضحكت ...

رجعت شفت وحده ثانيه ..ناديت فلانه فلانه ..الحمد لله انتبهت ..وجابتلي الموبايل ...


والله انا حتى ما انتبهت لحركاتي الا يوم رجعت البيت وشفت الفيديو ههههههه




اما الصغاار يا عيني عليهم ...

اكثر شي يحبوه انهم يسلمون على العروسه ...في وحده اذكر سلمت عليا اكثر من مرتين ..وكل شوي تجيب ورده ..مدري من وين ..وانا احطها جنبي .. كثير اعطوني ..وانا احطها جنبي ..صار حديقه جنبي وانا مادري ..

آخر وحده جت قلتلها خلااص حبيبتي ..كفاايه ..ورميت الورده رمي ..واضحك


بعدين البنات اخذوني عشان ارقص معاهم ..كان في رقص يمني وخليجي وشامي


حتى صاحبة الدي جي ..المصريه قامت ترقص يمني

وجا لحظت ان البنات يودعوني بروحون ..هنا انا انتبهت انه خلص العرس بح خلااص ...رجعت لسالفه التوتر ..وشوي ابتلت عيوني ..وانا اسلم على حبيبات قلبي ...


وشوي شوي فضى المكان ..وجا دور العريس يدخل ...


جا المعرس ...واتصورنا ...وبعدها جا ابوي..ونزلت انا وزوجي من الاستيج ..
عشان نسلم على ابوي ونتصور ..وبعدها رحت عشان ابدل واتجهز عشان نروح للفندق

زعلوني اهلي ..قالولي انتي رحتي من هنا ..وابوكي زعل واتاثر كثيير ..

انصدمت وقلتلهم ابووبي انا



العرس كان واايد حلو ..مع اللمه ..ولان الصاله صغيره ..خلت القلوب متقاربه ..وتفاعل وضحك ..

حتى في وحده قالت ..انا ولا عمري شفت عرس مثل هالعرس ..

عجبها ..بتواضعه ..والحب الصادق اللي فيه ..

وحتى اصدقائي كانوا يرحبون بالضيوف ويستقبلونهم كانهم من اهل العرس ..

صراحه انا قبل العرس نبهتهم وارسلت لهم ايميل ..انهم يقفون جنبي ..ويرحبون بالضيوف ..

وماشاء الله مع اني ما شفتهم ..بس لاحظت وسمعت ...


انا عن نفسي ..لما اروح اعراس ..وتكون الصاله كبيييره ..والناس كثيير ..
ما استمتع ..يوم لما تكون الصاله صغيره والناس متقاربين





المهم شو صار وقت ما رحنا الفندق ..وشو صار لما زفونا في الشارع ..

هذا ان شاء الله بكمله المره الجايه








..