[حلوة الإحساس]

يالله ...تعبت وانا اكتب ..وبالنهايه ..بنتي مسكت الماوس وجا على الريفرش وضغطت وراح كل شي



امري لله ..






أشواق اللقا ...

حيا الله بالاخت الغاليه ..

فرحت والله يوم شفت ردك ...



من ترك شيئا لله عوضه الله خيرا منه

ربي يصبرنا ويثبتنا ..كلنا ...آمين ..



اتذكرتيني ...





.




.





.






نرجع يوم كنت انتظر اخوي يوصلني ....


صارت 8 ونص ..وما وصل اتصلت له ...طلع ان سيارته اتخربت في الشارع ..
وراح ياخذ سيارة صاحبه عشان يوصلني...


وانا تمييت انتظر وانتظر ..صار 9 وانا انتظر..والناس طلعوا من الصالون وكل اللي يشتغلوا ..
..وصار وقت انهم يسكروا ..وانا انتظر....



طبعا وقت الانتظار اللي انتظرته ...خلاني افتكر كل مخاوفي وقلقي ..وتميت اتخيل ...وافكر...

اقول الحين خلااص كل شي استوى ..ما ظل غير اشوف المعازيم وصاحباتي في العرس ..



وفجأة قالتلي صاحبه الصالون ..متى بتجي السياره ..عشان في واحد من الصيانه ..يبي يدخل الصالون ..


طبعا انا على اعصابي وحدي متوتره ...

واتصلت باخوي عشان يستعجل ...وبعدين تميت انتظر...


وفجأة....وانا كنت في حاله صمت ..وإذ بكومه دموع تمتلىء في داخل عيوني..

وانا خفت على مكياجي ..وما في حد راح يعدله لان ما في حد ...

رحت طالعت فووق..علشان ما تنزل الدموع ...واحاول اغير الموضوع اللي افكر فيه عشان ما انزل دموع


ما قدرت امسك حالي ..ولا قدرت اخبي مشاعري ...


راحت ربيعتي خافت وقالت بلهجتها السوريه ...أوووليييي ..حلوة عم تبكي ....

انت عرووس ....شو فيكي ...قلتلها ما في شي ..بس هيك كنت عم بفكر..وجت هالدمعه..



ولللا صاحبة الصالون خااافت ..عليا ..وقاالت لييش ؟؟
شو فيك ..خلاص حبيبتي ..عادي خلي اخوك على راحته يتاخر ..ما تخافي ...

هي تحسبني ابكي عشان يريدوني اطلع بسرعه ..

وبعدين راحت ياحليلها هدتني ..واعطوني عصير اشربه ...




اتاخرت واايد ...واتصلوا ربيعاتي يسالوني ..

خلصتي؟؟ ..

الصاله امتلت وانا متأخره ...


صارت 9 ونص ..واخوي وصل ..


وصلنا الصاله ....بس قبل لا اوصل نبهت وحدده من ربيعاتي انهم يسكرون باب القاعه ..عشان ما يشوفوني ....لان القاعه ..بداخل بنايه ...وداخل المدينه وزحمه في الطريق ...راح يعرفوني اني العروسه ..


المهم وصلت ..ودخلت الخيمه اللي انا طلبت منهم يسووها ..
لان تخيلو ما في مكان اتخبى فيه عشان اغير ..واتعدل ...



هي الصاله جديده ..حتى كنت انا اروح لها واشوفهم كيف يعدلونها ويبنوها ..كاني اشرف على بيتي ...



والحلو انها كانت العماره اللي جنب عمارتنا ..لين الحين لما اروح بيت اهلي
اطالع عليها واتذكر ...

بس لو تعرفوا شو سويت ..رحت لصاحب الصاله .. صاله المطعم الابراهيمي ...


وطلبت منهم اني آخذ كم صوره ..للصاله ..فقلتلهم حلو اني آخذها عشان تكون دعايه وكذا ..كل هذا عشان بس يخلوني اشوفها خخخ..واصور لكم كم صوره ..



المهم..نرجع للموضوع ...

بسسرعه بسسرعه عدلت نفسي ..ولبست هذي الكوشه اللي تحت الفستان .. بس كوشتي كانت خفيفه ..مش واايد منفوشه ..وهذا احسن ..


وبعدين اتعطرت ..وحطيت جل على اللثه ..علشان الريحه... تعرفون ذيك اليوم بتكوني مثل الصايمه ...فلازم يوم يسلمون عليك تنتبهي لهالشغله ..


لما كنت اريد استخدم العلكه ..الكوافيره ..قالت احسن
ما تاخذيها عشان ما يطلع خطوط على وجهك..ويعلم في المكياج ...
بس احسه اذا علكنا من غير تحريك قوي يعني خفييييف ..يعني
حطيها كذا من خير تحريك عشان النكهه..او اي بوبوني نحييف ..بس ما انصح بطعم النسكافيه ..ابدن


المهم..طبعا ربيعاتي الله يجزاهم خير ساعدوني واايد..اللي تسويلي ..

واللي تلبسني الاكسسوار..واللي تنبه العامله حق الدي جي اني وصلت ..

ووصلت لعند الباب ..طبعا الباب ..اذا فتحووه يتسكر ..صاروا يدوروا على اي شغله يثبتوا الباب ما يخلوه يتحرك ..واللي تدور وين الضوء عشان يسكروه ..




وانا خلف الباب انتظر متى يتجهز كل هذا ..

وساامعه اصوات ربيعاتي من داخل ..فرحاانين..

وبدت الآهات والأصوات المؤثره حق الزفه وانا طبعا متخبيه ورا الباب ...وصلطوا الاضواء..وقاعده اركز مع الزفه عشان اعرف متى ادخل ..ويوم جا وقت الدخوول ..


قلبببببببببببببببببببي ...كاان يدقدق يدقدق ...



اكتفي بالقدر اللي كتبته ..

بكمل المره الجايه ...عن تفاصيل العرس ...وكيف كانت تصرفاتي الغريبه ..وانا داخل القاعه