[I can]

ماينبنى حاضر مجيد ].. الا على ماضي تليد ]..
وعذوبة آخر جدول الما ../ من عذوبة منبعه

[ وانا وحيد ] وميزتي في هالحياة اني وحيد
احيـان يتبعني ظلالي وان تراجعت اتبعـه

يجوز ما ادري وش هي اهدافي ولا ادري ويش اريد
بس اعرف اني منفرد لايمكن اكون إمعــه

عندي يقين ان الحياة اضداد و الشي الاكيد
ان احتكام الضيق مهما طال مفتاح السعـه

وان البشر بذرة قدر مابين مزروع وحصيد
وان القدر في ظرف لحظة يحصد اللي يزرعة

وان الخسارة حمق متضرر وحنكة مستفيد
وان الفتى يجمع لعمـره وان عمره يجمعه

وان افضل المعروف مايفرج به الكرب الشديد
والخير درء الشر واقصاء المضرة ../ منفعـه

عقدين وانا استعبد الاحرار واحـرر عبيد
في مملكـة فكري وقدراتي جيوش موزعـه

اعيش ما عاشوا ملوك الارض في ثوب الزهيد
في زحمة الشارع وكني في سكون الصومعـه

فراستي تكشف قناع ابلـد ذكي واذكى بليد
المشكلة ,, في هالزمن حتى للاصوات [ اقنعه ]!




=) من أحد المنتديات