منتديات بنات دوت كوم - عرض مشاركة واحدة - مُدوَنَة (الأُنثى) لِاحتِضان المَشاعِر . .

**I can** · منذ /03-08-2011, 05:30 AM

أنا : أقولج لازم أشوفج اليوم ضروروي ، عندي سالفة مهمة

هي : أوكى ، وبنتلقي ف المنتزه ع العصر إن شاء الله ..

أنا : أوكيك بإذن الله ..

~ صار العصر ~ ..

حركنا ووصلنا في الوقت تقريبا ، بس أول ما وصلنا أنصدم انها يابت

عيال أخوها وياها ، والمشكلة ان ماحد وياهم عشان يلعب وياهم وهم مستحيل

يلعبون بروحهم ومن النوع اللي لاصقين فيها وايد ، قعدت أطالعها بنظرة

وأنا أسلم وهي تضحك علي

أنا : ليش يبتيهم وانتي تعرفين اني أبيج فسالفة مهمة وعيال أخوج ما يخلونج

تسولفين مع حد عدل ، 10 كلمات لهم وكلمة لي !!

هي : شسوي تموا يصيحون يبون وياي

أنا : قلتله أوكى وأنا فخاطري مضايجة وتميت أسولف عادي أما موضوعي طبعا خلاص

نسيته ، لأن ما في مجال من هاليهال بيقاطعوني 50 مرة !!

فقعدنا نلعب اليهال وعقب قالتلي سامحيني والله أحسج مضايجة وخاطرج ترمسيني

بس شسوي مب بايدي !!

بنت أخوها : عموووه شو فيها ربيعتج ؟؟ ليش جي تقوليلها ؟؟!!

هي : ربيعتي يباني أحطها ع راسي من فوق

بنت أخوها : عموووه كيف بتحطينها ع راسج ؟؟ ثجيلة عموووه ما بتقدرين

أنا وهي : انفجرنا ضحك

يحليلهم اليهال يسون جوووو وخيالهم واسع

ايييييييييييييييييييييه ، ياهي أيام كانت حلوة لنا فهالمكان