قبل يومين في الفيس بوك الغيت الصداقة يعني كانت معنوياتي مو زينة لاني احسه حباب واني الشريرة بس هو همين ماسح مالتي الكومنت على احد صورة وكنت ابارك له واليوم طلب مني الصداقة مرة ثانيه طبعا اني طرت من الفرح لان حسيت ان اخلاقه كلش عاليه موافقت حتى الان على طلب الصداقة بس ارسلت له رسالة وقلت ( السلام عليكم ممكن اسالك سؤال ) هو قال ( وعليكم السلام اي عادي اتفضلي ) وبديت اكتب واكتب وحطيت رابط الصورة وقلت له ليش مسحت الكومنت مالتي وانت ما باقي الناس الغرباء مبقيهم هو ما قصر همين طنش وما رد وهسه الزعل دااااااااااااااااااايم بيننا وبعد اسبوع او اثنين يجي هو وخالي وما اعرف موقفي من هذا اللقاء شلون راح يصير ...!!!!!!!!!!