[دلع الطفوله]

بقولكم قصتي المأساويه اليومَ ،
اول مـآ أذن الفجر صحيت لأن معدتي تعورني !! >.<"
مآدري وش سالفتها الموهم قمت وشلت مخدتي وحطيتها تحت بطني وإنبطحت فوقها "
وكذا مـآ أمداني أرجع أنام إلا ويزيد الوجججع ، !!
قمت وطلعت من الغرفه لقيت أبوي كان واقف بالصاله ويشرب مويه و كان رايح المسجد يصلي الفجر ،
قلت له معدتي تعورني ، ! قام يطالعني بطرف عينه حسيته بيصك الكاس إلي بيده في وجهي
قال وش أكلتي أمس ؟
يووه وش أكلت أمس يبيني أتذكر مسكين أبوي والله مايدري إن بنته مصقوع دماغها ماتتذكر شيء ،
قعدت شوي أتذكر وتذكرت والحمد لله
كنت صايمه أمس علشـآن أقضي آخر يوم علي لأن رمضان قرب ،
<أدري إنه بدري بس شسوي متكاسله ،
قلت تمر ومويه وربي ولا شيء دخل معدتي غيرهم ، !!
قال لي يـآسلاااام علييك من أمس مـآ أكلتي إلا تمر بسس وجايه إنتي ووجهك تقولي معدتي !!!
بسرعه يالله روحي سوي لك شيء تاكلينه

خييييير الساعه 3 و عشر الصباح أروح آكل لي شيء آخر عمري ، ؟
الموهم تركني وراح المسجد و أنـآ قعدت في الصاله ماسكه بطني و متلويه فوق الكنب ،
وكذا مر الوقت ورجع أبوي ولقاني بالصاله قال يـآآآآآآ بنت ،
يمممه طار عقلي ،
قال روحي غرفتك نامي مو تنامين ع الكنب ، !
قلت له والله معدتي تعورني شلون أنام ، ؟
قال طيب روحي بدلي وإلبسي عباتك يالله وأنـآ أنتظرك بالسياره ،
قلت له على وينْ ؟
قال ع الملاهي يعني على وين أكيد المستشفى ، !
وأنا رحت لبست وطلعت و إنطلقنا للمستشفى ،

المهم دخلت عند النيرس وسألتني كم من سؤال و قالت لي عندك تسمم !!
خييييييييييير تسمم ياخي قلت ما أكلت إلى تمر وشلون تسمم ؟
يـآ بعد قلبي أنا والله إني مسكينه ،
قالت لي يمكن المويه فيها فطريات ، !!
نعم !! و شو فطريات أنـآ أشرب من البراده مو من البحر !!

المهم طلعنا وعطوني عشرين طعش حبوب و أدويه أتوقع خلصت الصيدليه ما بقى فيها شيء !
ورجعنا البيت بسلام وبلعت كل الحبوب ونمت
و صحيت قبل شوي و الحمد لله خف بس يجي الوجع ويروح ، < يستهبل مع وجهه
وخلاص قررت مـآ أشرب مويه صرت أخاف فيها فطريات ، < بتتكفخ ،

يالله شكراً على متابعة السماجه إلى النهايه