[@ المها @]

قوم علم الصبح ويش إلبارحه قلنا
خله يقول لعواذلنا تصافينا

حتي يعرفون يوم إنه تزاعلنا
نبغي نزود قهرهم إليا تراضينا

حنا شربنا الغلا حتى تمايلنا
من نشوة الحب تدفعنا خطاوينا

نكسب تعاطف أهل الحب بتعاملنا
وهروج حسادنا ما أثرت فينا

يا ما وياما حكو ولكن تجاهلنا
تلامس إحساسنا يسبق خطاوينا

من بدهم في الوفاء حنا تأهلنا
كسرت يدين التجافي من تسامينا

يا بحر كان أنته في موجك تساهلنا
في الحب نبحر ونمسي في موانينا

روض المحبين محمي في مداهلنا
وزهور الأشوق تنبت في مراعينا

حنا الشرف والنقا ونشرف أهلنا
عن الرذيله على النايف تعلينا

يا ضامي الحب أروتنا مناهلنا
إذا طوانا هجير البعد تسقينا

والسالفه كلها يوم إنا تزاعلنا
قوله علشان نقهرهم تراضينا