[I can]

وفجأة حست حد حط ايده ع جتفها من ورا .. ولفت تبى تطالع منو وهي في
داخلها مستحيه حيل من هالشخص اللي شافها وهي فهالحاله فأول ما لفت شافت الحرمة
الي كانت وي الريال عند باب الكلاس من شوي .. وتمت اطالعها تترياها شو بتقول بلهفه
" تقول فخاطرها يمكن طرشوها تناديني أمتحن ، يمكن غيروا رايهم " ..



فقالت لها الحرمه وهي مبتسمه ولكن كان واضح فويها إن سلامة كاسره خاطرها :
معليش يا اختي معليش الله فوء ، أنا لفيت الجامعه كلها عم بدور عليكي مشان اوول إلك
شغله مهمه ..! بس بدياك توعديني بالأول ما تئولي لحدا ،، ولا والله بنيخرب بيتي يا اختي ..!

سلامه : قولي اختي واطمني لج عهد مني وربي الشاهد إن هالرمسة بتم امبينا
ليوم الدين ..

فقالت لها :بأن ماشي قرار يديد يخص النقاب ولا هم يحزنون واللهم إن الأستاذ
متفق وي ذاك الريال وهددوها يسوون الها مصيبة لو ما ساعدتهم ب اللي يبونه .. !!
فخطتهم كانت أول ما يقرب دورج أختفي أنا ، وهو يقولج جذبته وهم عارفين انج مستحيل
توافقين ، فقاولوا أكيد بتسير تشتكي عند المدير ، فبطريقتهم الخاصة رتبوا وقت الامتحان
في وقت يكون المدير عنده اجتماع ، عشان ع ما يخلص منه يكون خلص الامتحان وطافج ،
واذا يابهم المدير عقب بينكرون أشد الانكار إن هالشي صار وبيقول الريال ما طاعت تخليني
أشيك ع ويها وعشان جيه ما سمحتلها تحدر القاعه ..! هدفهم يسكرون عليج كل الفرص
لتقديم هالامتحان في وقته أو حتى اعادته عقب ونصحت سلامة انها تسير عند المدير
أحين وتحاول بأي طريقه توصل له .. وكانت سلامه تسمعها بصمت رهيب
وعيون مصدومة ومستنكره من دناءة هالناس ..!

وعقب ما خلصت الحرمة رمستها قالت لها سلامه : يزاج الله خير وما بنسالج هالجميل أبد

الحرمة : أنا ما بدي اشي يا اختي غير إنو ما تؤولي لحدا الله يخليكي ..أنا بس بدي ريح ضميري ..

سلامة : أفااااااا عليج مستحيل أوهقج وانتي ساعدتيني فلا تحاتيتن وكثر الله من أمثالج ،
ويلا من رخصتج بسير أتصرف عشان ألحق ع الامتحان ..

الحرمه : الله يوفئك ِوميسره إن شاء الله يا اختي ..



وسارت سلامة ع طول صوب مكتب المدير وهي محتاره وتقول فخاطرها :

شو أسوي ؟؟ يالله ياااااااااااااااا الله ساعدني يارب ساعدني وكانت دموعها تسابق كلماتها ...

وأول ما وصلت عند الباب بدت تمسح دموعها وبدت تفكر شو بتسوي ؟؟

ودقت الباب ...

مساعد المدير : اتفضلي اختي اتفضلي

سلامة : لو سمحت ممكن أشوف المدير " الموضوع مهم ما يتحمل التاجيل أبد "

المساعد : لا والله يا اختي المدير هلى عندو اجتماع مهم كتير ..!!

سلامة : الله يرضى عليك الموضوع كبير كبير ولازم أشوفه أحين ..!!

المساعد : طيب ما بينفع اخدمك انا ؟؟!

سلامة : يزاك الله خير ولكن لازم المدير شخصيا وصوتها كان يرتجف ومخنوق ..!!..

المساعد : ويهه اعتفس وعوره قلبه عليها لان واضح إن وراها مصيبة كبيره

وقالها طيب انتي بس أولي الي وازا ما ئدرت ساعدك ما بتخسر اشي وإزا طلع بايدي
بتنحل مشكلتك اختي ..

سلامة : فجأة بدت تشهق ولصوتها نحيب واضح إنها كاتمته من مدة..

قالها : ازكري الله يا اختي وهدي حالك الدنيا ما بتسوى والله موجود
وما بيتخلى عن عباده شو ما صار ..!!

سلامة : ونعم بالله ونعم بالله .. أستاذ أنا عندي امتحان وما خلوني أحدر القاعه

و .... وزاد شهيقها وانبح صوتها : ما خلوني أحدر ما خلوني عشان شو ؟؟

بس عشان النقاب ؟؟ أبى أفهم شو مشكلتهم ؟؟ والله اني اخليهم يشيكون ع ويهي

عمري ما اعترضت ولا نطقت بحرف واحد .. برغم إني هالشي يضايجني

ولكن أطوف وأقول ما عليه .. الله عليم بالنوايا ..!!

ولا وبعد أقوله أبى اكلم صاحب الشأن يقولي ما قدر أقولج منو هو ؟؟

ليش ؟؟ ليش ؟؟؟

ويت تبى تشرح له خطتهم وقالت : ولا بعد ............. ولكن اذكرت انها وعدت الحرمة ..!!
فسكتت ..

المساعد : ولا بعد شو ؟؟؟

سلامة : حست بغصة طعمها مر وحطت راسها ع المكتب وهي منهاره بالقو وما قدت
ترفعه أبد لأنه حاسة بالعجزف داخلها .. مستقبلها ولا خراب بيت الحرمة ..!!؟؟؟

وتمت تقول حسبي الله ونعم الوكيل .. حسبي الله ونعم الوكيل .

المساعد : عصب وقال مين اللي حكالك هيك ميييييييييييين ؟؟

قالت : أنننننننن وما قدرت تكمل من القهر والدموع الي بللت نقابها ..!!

قالها : مين مين أولي وهو متأثر ويبى يساعدها بأي شكل ؟؟
مين مييييييييييييين ..؟؟

قالت : أنور

المساعد :أنور ها .. والله لفرجيكي فيه هلى .. اومي معي ..!
ومشى قبلها والشر بيطير من عيونه..!!

قالت : وين ؟؟؟
المساعد : ع قاعة الامتحان ..
" ووصلوا القاعه " .... والموظف هذاك يترقب من بعيد ويقول فخاطره
هادا شو بدو هلى .. وليش اجى معها ؟؟؟

المساعد : يأشر له من بعيد ، انه تعال بدياك شوي

الموظف : أهلا أستاز عمر ..!!



المساعد: مارد عليه وقاله : ممكن تشرحلي حضرتك من وين عم بتجب القوانين ؟؟!!
امتى نزل قرار منع النقاب ..!! آااااا ‘ ولا ليكون انتى عم توصلك المعلومات أبل الاداره ؟؟؟
أول أحكي ولا هلى خلص ‘ ما صار عندك حكي ..!!

الموظف : يطالع سلامة بنظرات حقد ..!!

المساعد : يلا بسرعه فوتها ع القاعه .. ولا والله بخرب لك بيتك عند المدير ..!!

وإزا اسمعت مره تانيه انك اعملت هيك .. تأكد بأنو آخر يوم الك هون ..!!
فاهم ؟؟؟!!!



سلامة : اطالع وعيونها تبرق ووناسه وشكر وامتنان لله ثم لهالريال وتقول فخاطرها

"ومن يتق الله يجعل له مخرجا ويرزقه من حيث لا يحتسب "



الموظف : من ورا خاطره اتفزلي القاعه ..

سلامة : لفت صوب المساعد وقالت مشكور مشكور يزاك الله خير .. ماعرف
كيف أشكرك والله ما عرف ...؟؟
المساعد : يا بنتي أنا ما عملت غير الواجب وفي أي وئت تواجهك أي مشكله
لاتترددي الادار بتهمها مصلحة الطالب بالدرجة الأولى ...
فوتي يا بنتي ع القاعه وموفئه يارب ويبتسم لها ابتسامة الأب الحاني ...



وحدرت سلامة القاعه وامتحنت ويابت أعلى درجة فالكلاس ..!!
وفعلا " ويمكرون ويمكر الله " ..

ومن ذاك اليوم ما تعرضها لها الأستاذ بشي .. لانها صار يعرف إن الاداره فصفها ..!!



"وقت امتحان الفاينل"





مهره : أووووووو بدا الهم ..

سلامة : هههههههه دومج جيه كسوله ..

مهره : اطلعها بطرف عينها ولا فه بوزها شبرين عدال ع الناس الشاطره ..

سلامة : اطالعها بابتسامة كبيرة ونظرة محبة وحنان .. شدي حيلج فديتج
أبى درجاتج تكون احسن الدرجات أوكيه ؟؟؟

مهره : نزلت عينها وابتسمت وقالت حاضر عمتي ...

سلامة : مهره متى بنحط لنا جدول الفاينل ؟

مهره : امممممم ماعرف .. انتي شو رايج ؟؟؟

سلامة : أنا أقول لو ...........

وقاطعتها مهره : هلا والله هلا وهي اطالع الصوب الثاني ..

لفت سلامة تبى اطالع منو إلا تشوف روضه ... وقالت هلا وغلا بروضه ..

روضه : مرحبا بنات .. اشحالكن ؟؟؟

مهره : الحمدلله بخير وسهاله من صوبج ؟؟

روضه : ما شي الحال ..

سلامة : بلاج عسى ما شر ؟؟

روضه : لا تشغلين بالج ما شي مهم ..

مهره : ويهج ما يبشر بخير شو سالفتج ؟؟

وفجأة دق فون سلامة وقالت : عن اذنكن شويه .

روضه : أبغيج فسالفه ولكن أباها تكون بينا بدقلج الليله اوكيه ؟؟

بس لا تخبرين سلامة ؟؟

مهره : على هواج .. اترياج

روضه : عيل من رخصتج بسير البيت وبينا اتصال ...

مهره : أوكيه . .



سلامه ردت وقالت : وين سارت روضه ؟؟
مهره :البيت ..
سلامة :بلاها جيه مختبصه ومضايجها .. قالت لج شي ؟؟
مهره : ها لا لا ما قالت شي ؟؟
سلامه : اطالعها بنظرة استغراب وقالت متأكده ؟؟
مهره .. هيه هيه متأكده ..
سلامه : انزين خل انرد لموضوعنا .. شو رايج أييج الليلة ونحط الجدول سوى ؟؟
مهره : بطلت عيونها وقالت : الليلة ؟؟!!
سلامه : هيه الليله ؟؟ شو عندج الليله ؟؟

مهره : نزلت راسها مستحيه شوي وقالت : امممممممم مشغوله الليله شوي ‘
شو رايج لو نخليها باجر ..؟؟

سلامه : " طبعها دوم ما تحب تحرج ربيعتها" فطالعتها بابتسامه وقالت خلاص ماعليه ..
شو الفرق بين الليلة وباجر .. وضحكت ضحكة باهته ..

مهره : هههه هي بعد ضحكت ضحكة باهتته وقالت خلاص عيل باجر إن شاء الله ..



الساعه : 7 المغرب ..



ترن ترن ترن .. مهره تشل فونها وتشوف اسم روضه ..
فردت وقالت : مرحبا الغاليه ..
روضه : مراحب فديتج .. اشحالج ؟؟
مهره : الحمدلله بخير .. انتي اشحالج ؟؟
روضه : انا وايد تعبانه وايييييييد وما لقيت حد يسمعني ويلست تصيح وتصيح ..
مهره : أفأأأأأأأأأأأأأ والله أفاااا وأنا مب ربيعتج .. ليش ما قلتيلي ؟؟؟
روضه : تصيح مب قادره تتكلم ..
مهره : شو السالفه ؟؟ دخيلج قولي ؟؟؟
روضه : لازم نتلقي ؟؟ ما ينفع بالفون ؟؟
مهره : حياج بيتنا حتى لو احينه ..
روضه : لا اخاف فيها احراج ولا ازعاج ..
مهره : خلي عنج هالخرابيط .. ويلا أترياج ...



ونص ساعه .. ويت روضه ..



ودخلتها مهره حجرتها .. وقالت لها خذي راحتج احين وقولي كل اللي فخاطرج
واعتبريني اختج اللي ما يابته أمج .. يلا أسمعج ..

روضه : تسلمين وما تقصرين ودمعت عيونها ..

مهره : شو الساااااااالفه ؟؟ تراج خليتيني على أعصابي ؟؟

روضه : ولد جيرانا طفرني .. ع الدخلة والطلعه أحصله فويهي .. وماعرف

من وين ياب رقمي بعد ويدق 24 ساعه ويلعوزني ويطرش مسجات كلها حب وغرام ..!!
اتخيلي لو حد شافها من هلي ..!!

مهره : انزين ليش ما قلتي لحد من اخوانج ؟؟
روضه : لااااااااا تبينهم يذبحوني ؟؟ انتي مينونه ؟؟
مهره : عيل شو بتمين جيه ؟؟ اتخيلي يسوي لج مصيبة ؟؟!!
روضه : بس أخاف ما يصدقوني هلي ويشكون فيني ..!! وبدى يعلا صوتها
وهي تقول : تعرفين شو يعني يشكون فيني ؟؟؟!!
مهره : انزين : هدي اعصابج .. وشو الحل عيل ؟؟
روضه : ماعرف . ماعرف ..
عقب قالت في حل ولكن باديج انتي بس ..
مهره : بايدي انا ؟؟؟ شوووووووووووووووو ؟؟
روضه : اسمعي للآخر ولا تقاطعيني أوكيه ..؟
مهره : أوكيه



....



ودار من بينهم حوار طويل .. انتهى ع اتفاقيه معينه ...





وفي اليوم الي عقبه ...



سلامة : مهره متى يناسبج أييج اليوم ؟؟
مهره : البيت بيتج حبيبتي .. حياج فأي وقت ..

وع الساعه 6 سارت سلامه بيت مهره ...



وفجاأ وهن يخططن الجدول مع بعض دق فون مهره .. وكان فونها
حذال سلامة .. يت سلامة تبى تشله عشان تعطيه الها ..
وقالت لها مهره : بعصبيه خليه خليه .!!
سلامه : باسم الله يلاج بس أبي أعطيج إياه ...
مهره : لا حظت انها انفعلت زياده عن اللزوم .. وقالت وهي مستحيه آسفه .!!
سلامه : مهره شو اللي ما تبيني أشوفه ؟؟ شو مخبيه عني ؟؟
ويهج مب طبيعي أبد ..؟؟
مهره : ها لا لا ما شي أبد ..

ورد دق التفون مره ثانيه وصار ويه مهره احمر وأصفر وواضح عليها التوتر..
وسلامه اطالعها وهي مصدومه ومستغربه ويت تبى تشل الفون بس هالمره
عشان تعرف منو ؟؟!!
سحبته من ايدها مهره ..!!
سلامه : اطاالعها بنظرة عتاب وخوف وتقول فيها شو السالفه ؟؟!!
مهره : تمت صاخه ..!!
وفجأة سحبت سلامة الفون من ايدها وشافت...........



يتبع // ~