معليش مُمكن ثانيه؟
مُمكن تسمعوني؟
مُمكن أقول إللي جوايه وأتكلم؟
إيه يعني مخنوقه من مشاعر هاجتْ
إيه يعني متضايقه من أحاسيس ضاعت
إيه يعني زعلانه علي لحظات جميله فاتت
خلاص!
للدرجه دي بقيت عبء عليكم؟
بقيت أنا إللي تعبتكم بهمومي
بعد ما كُنتوا بتجروا عليّا تحكولي وتشكولي؟
خلاص!
كرهتوني؟
مفيش أمل أرجعلكم وترجعولي؟
يـآآآآآآه..للدرجه دي بتكرهوني؟
وأنا بغبائي كُنت فكراكم بجد بتحبوني؟
وإن زي ما أنا فكراكم بتفتكروني؟
وإن مش دول الناس اللي في يوم ينسوني؟
لكن آه وألف آه
إكتشفتْ إنكم فعلاً نسيتوني
وقفتوا بالمحطه
وفي أول قطر ركبتوا وسيبتوني
مفكرتوش تسئلوا "هي فين؟طيب نستناها"!
مشيتوا بسرعه!
حتي مستنتوش أقولكم "هتوحشوني"!
وقفت وحدي أستني
يمكن ألمح خيالكم..بقايا ملامحكم
لكن للاسف!
أدركتْ متأخره إنكم فعلاً سيبتوني
كُنت ولا حاجه!
مُجرد "مصاصه" أخدتوا حلاوتها ورميتوها
ومشيتوا بعيد بعيد بعيييييد
عرفت دلوقتي ليه كرهتوني
أصل أنا من كتر أخطائي مش قادرين تسامحوني
من كتر كلامي مبقتوش تسمعوني
من كتر هدوئي مبقتوش تطيقوني
عايزينّي ملاك؟مش أغلط مثلاً؟
كلمه أخيره
بحبكم
صدقوني..أرجوكم صدقوني!
حبيتكم أوي أوي
ومتوقعتش في يوم تنسوني
إتخدعت؟
يمكن!
أصل الحياه خداعه
مش بترحم ولا بتواسي
نفسي بس في حاجه واحده
إسمعوني
إسمعوني
إسمعوني!
*مُجرد فضفضه عاصيه
ناتجه من مواقف مُكرره وأساليب مُكرره
وقلب مش قادر يستحمل!!