توّك تحس !
توّك تحن !
توّه امتلى صدرك حزن..؟
توّك تلاحظ غيبتي..
يا للأسف، فات الزمن !
وينك من أول ما دريت..
توّك صحيت !!
توّك وعيت !!
توّك تناديني بـ وله..
وينك وأنا ما بين ايديك !؟
كنت أرتجي منك الحنان
تذكرني وإلا انت نسيت ؟
كنت بس ابيك تحسني
وتحبني، وأبقى معاك..
ما كنت أبي أكثر،
تخيّل !
بس أبـ تنفس هواك..!
كنت أنا بس اللي أحب
كنت أنا بس اللي أحس !
وانت بعيد.. عن دنيتي.
كلي معك.. ومنتَ معي !
الروح عيت تلتقي !
[ توّك تجي ! ]*
غنيتها وفـ صوتي يتكسر وله...
باقي حنين بـ شهقتي،
وبـ صدري يتناثر تعب..
غنيت لك..
[ وش ترتجي،
عقب السنين.. وش ترتجي !!
ترجي الفرح..؟ ]*
وين الفرح !!
صوتي من الهم انجرح..
ما بيك، ارحل..
بس تعبت !
خذ كل شي مني،
وروح...
خذ ذكرياتك والجروح...
وخلني جذي... أرحم كثير،
من قلبك اللي ما يحس
من قلبك اللي ما يحب !
توّك عرفت..!
إني أبي صدرك سما،
وإني أنا ودي أطير..
وفـ داخلي طفلٍ صغير..
وده تلوّن عالمه،
حب وحنان !
وده يلاقي فـ دنيتك
كل الأمان !
بس انت قلبك ما يحس،
فاقد حنانه من زمان !
توّك تعرف..؟
إني حمامة ولك أطير..
وانك جناحي..
اللي تكسر بالوهم،
وإن الألم قربك..
وبعدك كان... هم !
وإني كثير أوله عليك..
وإنك أبد ما يوم جيت..!
الحين تطلبني أجيك..!
وينك وأنا كلي أبيك..؟
توّك تجي..
اهديها لك،
مع كلمتين..
ماعدت أحبك، ابتعد..!
ماعدت أبيك،
لا تفكر، أرد..!
ارحل،
وخلني في سكات،
توّك تحس..!!
توّك تحس..!!
اليوم أنا إحساسي مات،
اليوم أنا ما عدت أحس..!
منــشر عبر المنتديــآت
