صباح القشطه اللي توها مصنوعة لاجلك
من النشار والا من شغل مصنع حلاوى التاج
ومساء يدي ليامن غرت لامن صافحت يدك
مساء اللمسات تشبه يوم اوصف لمسة الديباج
مساك انتي مادام انك عشقتي فلان من قدك
ومن قده مدام انه عشق وحده على المنهاج
مساء قلب تشرب بالغلا مايقدر ايهدك
لو اعطوه الجزاير عن هوا غاليته ماماج
ذبحتيني بكلمه بس لبى مزحك وجدك
عليم الله قلبي من معاليقه قفز مهتاج
لاني مااتصور يد غير ايديني تشدك
قسم بالله لاقصف بيتهم في طايرة ميراج
-----------------------------------
* مِن أرْوقَة أحَد الْمنتديآت ،
للِكاتب : عَاشِق الّثُريا .