خـذني لـ صدرك....شتتني وجمعني
ادخل متاهات صدري واحترق فيني
ضـيع أنت فيني وأبي منّـك تضـيعني
في غــابةٍ تحترق فيها عــناويني
خذ ما بدا لك .. حلالك ! ... لا تراجعني
بعض الطلب ينهي اللذة وينهيني
هات . انفجر شوق , إزعل وارجع اصفعني
سو شي ... أي شي ... إلا إنك تخليني
أنت الوحيد الذي بالحــيل جـــــوّعني
بالحيل ... بالحيل ... لين ارتجت سنيني
وش يمنعك دام ما كو ... شي يمنعني
ينده لك ... الجمر ... والنفنوف ... وايديني
أرجــوك في طــبع غيري لا تطــبعني
ماني ملاك الطهارة ... لا تبريني
غلطــان كانك عن الــزلة مرفـــــعني
النار في داخلي ... من بعض تكويني
إيه اشتهيـــتك ! وصمتي مو بنافعني
لو الزم الصمت ... تفضح حاجتي , عيني
للـريح قـط الــورق , للنـــار واتبــعني
أمّا أنت ميّت معي , وإلا أنت محييني
الشاعر فهد عافت