[sweetbutterfly]

حكيت لريشة إحساسي أبكتب عن غلا الأحباب
و أبي أرسم من الخافق عسى تحلى له الصورة
أبرسم لوحة أحلامي أبي تتحقق الأسراب
و لا تتحقق أحلامي إذا مالاح لي نورة
وطن حبي له بفكري خيال (ن) ثانية ماغاب
إذا يطري علي اسمه تهل حروف منثورة
و في حسنه سهى فكري و قلبي دفتر الإعجاب
كتبت اسمه على سطري و فاح الحرف بعطوره
و من قايد قوى عزمه تعلمت العزم بإيهاب
إلامنه غزى غازي غدا لأجدادي اسطوره
نعم بنت (ن) و بعزومي أخلي كل عدو يرتاب
ورثت العز من جد (ن) وفى للدار في طوره
لجل عين المليك اللي تزاحم حوله الكتاب
و كل(ن) يرسم أحلامه و كل (ن) يثبت بدوره
و أنا لي جيت ابنثرها يرطب دمعي الأهداب
و أشوف الدمع يسقيني قبل ما تكمل الصورة

للشـآعرهـ آلمبدعهـ سبيكهـ ( سبيجهـ ) آلشحي