SMS : على قدرِ طمُوحنا نحصدْ !
. . أهلاً . . وانتهى مشوارْ شهر أحس عندي كلاام كثييير أقوله مدري ليش أحسهم شهرين جد حاسَة بها الشيْ ؟ أنا أحسهمْ 3 ونصْ . . ما ننلام امتحنا 6 وانتوا 8 امتحاناتْ -.- بالنّسبة للمناهج أنا بعد أحسها أحلى بكثيييير عاد خصُوصاً الفيزياء حبيبِ القلبْ ~> ما أدري المنهج أحلى وإلا المعلمة :p الأحياء طولْ عمره فيه أشياء من هنا وهناكْ . . لا مليتْ أحب آخذ كتب صديقتي وأقرأها أحس فيها أشياء الواحد يستانس يتعرف عليها بس المهم ما يحفظها يُوه أنا في نعمَة من ناحية المعلماتْ الله يوفقكمْ والنعم يا حكيمَة . . رننند يا فتاة اسمي حَكـايا مُو حِكاية =( المعنى يختلف بقوة المهمْ لا مُو مختارة جغرافيا أبي أحس إني علمي صحْ لووول حركات أيام زمان قرصة الأذن الحين المادة سهلة ومالها داعي وتخطئين ! على الأقل جيبي لنفسج سمعة حلوة كم أسبوع وبعدين خربيها قد ما تبين بالنسبة للأكل فلاحظت إني أنا بعد زاد كلي عن المعدل الطبيعي بشكل كبيير وياريته أكل صحي . . انطباعي عن كل مادَة بعد مرُور شهر كامل على الدراسة : - الرياضياتْ : الوحدَة ما مميزة جداً ، بس تظل حلوة والمادة جددداً مريحَة وأحلى شيْ لا حليت التمرين أول وحدة معلمتنا ما عليها كلام نفس تبع العام المـاضيْ عذبناها بقوووة بسبب مشروع انجاز صايرين ما نحضر ولا حصة تقريباً >< وكل يوم نروح عندها استاذة اشرحي لنا . . وجمعت دفاتر عشان تحط درجات عطتنا كامل مع ان كان عندي 6 ورقات فاضية ! تقول راعيت بنات انجاز عشان ضروفهم بسْ هالمرة وتمتحنا بأيام ثانية وتأجل امتحانات للكل بس عشانا لو الود ودها كان طردتنا من مشروع انجاز هذا - الكيمياء : على كثر الكلام اللي سمعته انه كيميا هالعام اصعب من الماضي ومعلمة هالعام أفشل من الماضي بس لما جربتها طلعت ممتازة جداً . . صحيح تعصب بدون سبب وهذا يرفع ضغطي ويخليني أرد عليها . . بس ممتازة فعلاً والمادة والمنهج حلويييييين بقوة - الفيزياء : هذا توأم الرياضياتْ من تغيرت معلمتنا وأنا قلبي يبرد في هالحصة أسلوب ممتاز ومنهج ممتع وأفكار جميلة - العربي : المنهج كالعادَة كئيييبْ وفيه كمية حفظْ . . بسْ أسلوب المعلمة رووووعة ! يعني صارت لي 14 سنة أدرس ما قد شفت دراسة للغة العربية أحلى من كذا إنسانة نااادرة وتحمس وتحفز غير عن اننا بدينا بأشعار المتنبي وهذا وحده يكفي حتى أعشق الحصَة . . - اللغة الإنجليزية الأساسية + مهارات : هههههه لا تعليق تقييمي للمادة 0 / 10 -.- معلمة أفشل مننا . . وبأسلوب أفشل ! نطقها فاشلْ وتدريسها أفشل . . المادتين معلماتهم أسوء من بعض ما أكره مادة كثر هالمادتين بسبب هالمعلمات اللي مالهم خبرة أبد ! الله يرحم العام الماضي =( بس تعبت ما مشتهية أتكلم عن البقية بس هذا وطني المنهج ممل بس المعلمة إبداع ؛) والدين المنهج ما فيه شيْ والمعلمة شرحاً جيدة بس معاملة صفر ! الرسمْ مادة مريحة أستمتع بها كثيير وبكذا انتهيت من الثرثرة نلقاكم في الحلقة القادمة * باقي أسبوع على سفرتي . .
مُشتَاقة لي يا جميلَة . . ؟