وهذي بعد منقولة والكلام منقول المدخل ضحيت اليوم بالفطور و كوب الكوفي حقي < مو لله بس لا صار وراكم سفرة مثل كذا بتسحبون ع الكوفي و اللي جابوه طبعاً مو لله ، سويناه كنموذج للفطور الصحي و حطوا عشرة خطوط تحت صحي ، بمناسبة انهاء وحدة التغذية الكريهة الساحة الخارجية و من هنا نشوف المنصّة نشاط خاص بالبيئة ، لكل شعبة أصيص خاص و كلٍّ و شطارته أصيصنا المسكين ، مو حار قلبي الا هالوردة ان شاء الله ع السبت نجيب خوياتها معاها تكسر خاطري < لوحة خاصة بفريق معيّن الدور الأرضي مخصص للإدارة و المعامل و غرف الإجتماعات و الثاني و الثالث الفصول و القاعات ، تمنيت كل القاعات مفتوحة عشان أصورها من داخل بس خيرها بغيرها معمل الفيزيكس معمل الكيمستري يلا ع الدور الأول يا حلوين المصلى الممر ، طبعاً صاير زحمة لأن فيه شعبتين صار نظامها نظام تنقل و بيستفيدون من فصولهم بأشياء ثانية ، فقاعدين يصبغون و يحوسون و اللي استفدناه تضيق الممر أكثر من ضيقه أول كلاسي ، ههههه حوسة و علب ماي و كتب و اللي تبون الله يصلحهم هالبنات بس < طالعة منها الساحة المسقوفة ، هذي مقررين يسوون فيها مكتبة هالسنة أحسن قرار اتخذوه بحياتهم كلها لوكراتنا الحلوة هووووب الدور الثاني و أخيراً هالدور شي لا يوصف بأيام الشتاء ، مطر و هواء و هدووء خاصة انه قاعات و تكون أغلبية الوقت مقفلة أما الحين أعوذ بالله حر و شمس و كتمة كلاس الإنقلش ، ههههههههههههه عندهم طفولة متأخرة أجل ورود و فراشات هاه .. بس و الله اني أحب هالمكان قروبي كان ودي أصور كل القاعات بس أغلبيتها كانت مقفلة للأسف رجعنا لتحت مرة ثانية ركن الدعم الفني و يظهر في الصورة فريزرنا العزيز ملجأ العسكريمات و الغازيات و كلش الممرات عند الباب < كل الدنيا ممرات أهم شي بالموضوع كله الساحة المغلقة هالساحة في حال كنا فاضين ننزل لها و بأوقات الندوات الجماعية نتواجد فيها أما الندوات المخصصة لشعب معينة فتكون في قاعة التدريب و فيها بعد نلعب باسكيت بول و نقرا و أنواع النفسيات تطلع راعوا الحوسة نهاية دوام و الحالة منتهية ، أجل كيمياء آخر حصة ياللي ما تخافون ربكم دفعة جديدة للمزروعات غرفة ال" Big Boss " المديرة فمان الله هذي كانت صور مدرسة الثانوية الثانية بالخبر (التعليم المطور- مقررات)