SMS : [ وَقُرْآنَ الْفَجْرِ إِنَّ قُرْآنَ الْفَجْرِ كَانَ مَشْهُودً ]
* الرد طوووويل .. الي بتقراه تقراه ع رواقه عشان تستوعب المعنى لآن الرد حوسه حبتين السلام عليكم الله يبآرك فيك تصدقين عاد ماتوقعتهم يفوزون خصوصا عقب مهزلة التحكيم الي صارت بالنهائي ==" >> كني شطحت شوي ؟ مم تقريبا ً .. الي فهمته ككل من الموضوع انو سبب تأخرنآ وتخلفنا ع قولتك هو الكوره ؟! صدق او لا تصدق لعبه هي سبب تخلفنا :) ! حبيبتي خلينآ نكون واقعيين :) سبب تخلفنا الكوره ؟؟ سسوري ماتدخل مزاجي انا وصديقاتي من 2006 ع ايام كأس العالم بآلمانيا وحنآ متعصبين آخر شي .. ولـ 2010 نفس الشي .. ومن ذاك الحين وحنآ فل .. وحده مننآ حفظت القرآن كامل ماشاء الله وهي تتابع 3 دوريات عالميه !! ولا صارت متخلفه عشانها متعصبه !!؟ مرت علينا دوريآت " استثني الدوري السعودي الي ماشفنا خير منه " كثيره فرحنا وزعلنا ، بكينآ وآحتفلنآ .. اللاعب الفلاني اعتزل نزعل لاآنه خساره للفريق فلان راح لفريق ثآني آحسن فكه دايم ينكبنا :) >> شطحت مره ثآنيه سوري ههه معك ان بعض وحطي مليون خط تحت بعض همهم في الدنيا الكوره ؟ طيب لييه ؟؟ وش الي وصلهم لكذا غير الفراغ ؟ الفراغ ؟ وش سبب فراغهم ؟ ليه مايتتوظظفون ؟ بقولك ليه ياحبي :) محمد وفهد مع بعض من المتوسط .. محمد دايم آشطر من فهد ويتفوق عليه بكل شي ,, دخلوا علمي مع بعض .. تخرجوا مع بعض ، محمد طلعت نسبته 99 وفهد المسكين طلعت نسبته 86 ! ع نفس الجامعه راحوا مرت فتره ورجع محمد للنت عشان يشوف قبلوه ولا لا مع آنه كان مرتاح طول الوقت بسبب نسبته المرتفعه ! بس لا ! OMG! فهد قبلوه وآنآ لا ؟؟ Whyyyy ??! الواسطه ياروح روحي :) بدونها ماتعيش بزمنآ == وما اعمم بالطبع !! طيب محمد شيسوي ؟ لا شغل ولامشغله .. ولايقدر يكمل نصف دينه لآنه مو متوظف ولا راح يقدر يصصرف ع الحرم المصون واولادها مستقبلا ! راح يقضي طول الوقت مع عزابيه عاطلين زيه في الآستراحات وغيرها وشي يجر شي .. وانتم فاهمين قصدي ! المشكله قبل لاتكون بالشعب الي مايلقى حلول للبطاله المشكله في الي فوقنآ >> الحين بقوم الصبح ع المباحث ع طول ههههه بدل هالملايين ماتروح للبنآن العزيزه ، :) ليه مايعطونها هالعاطلين ويوظفونهم ؟ ولا صح .. اللبنانيين آكشخ وآزين .. وخلي غيرنا ياخذ من خيرنا :) اجل آغنى دوله مصدره للنفط ، شركه الكهرب في العاصمة ماتقدر تلبي حاجة الناس للكهربا بذا الحر ؟ وش ثآني ضايقتني من بعض الردود .. معروف ان الفيفا تنبذ الشسمه الخلافات السياسيه والدينيه بالكوره وترفض الحملات الدينيه من اللاعبين وغيرهم >> طراه سالفة كاكا ايام النصرانيه ومدري وش بعد هههه وبعض اللعيبه في المنتخبات العالميه مسلمين وعطوا صوره حلوه بهالمونديآل :) زي المانيا فيها 2 مسلمين ! واحد منهم سجل هدف اهلهم لربع النهائي ع ماظن او انه آهلهم لدور الـ 16 مو متأكده :) المهم آنه يوم سجل بعدها بيوم حرمه المصون اعلنت آسلامها عقبال عايلتها كلها مو شي نفرح له ؟ ماشفنا الآلمان يرمون عليهم صناديق طماطم ع قولتك :) مع آنهم مسلمين :) ! صنديق الطماط هذي ع آيام القناة الآولى ومسلسلاتها السامجه ..، كثير جماهير يحترمون الفرق العربيه والآسلاميه .. ولنا في تركيا خير دليل ع آيام يورو 2008 ياما وقفوا وصفقوا لنآ .. زي ماقالت وحده من البنات هنآ .. مباراه الجزائر وآنجلترا كانت خرافيه .. حتى مباراه الجزائر وامريكا.. اذا استثنينا بس آنبراشات الجزائرين حبتين ع الآمريكان .. >> احسن هههه ولما مصر سجلت 4 ع البرازيل في كأس القارات !! البرازيل سيدة كره القدم العالميه !! صح خسروا بس عقب آيش ! شفنا الجماهير توقف وتصفق لهم وترفع القبعه آحترام لهم ولروحهم القتاليه وشجاعتهم مو آي آحد يقدر يسجل ع البرازيل >> آلا شنايدر >> برا ههه الروح الرياضيه عندهم شي مقدس ومو كلهم طبعا ! لكن الآكثريه مو زي الي عندنا الحمدلله والشكر كأنهم داخلين حرب ! هناك الفريق يخسر ب 4 ب 5 .. وتوقف الجماهير تصفق ! هنا يخسر بواحد كأنهم خسارنين حرب طقاق وحاله وجزم "الله يكرمكم وقرف " ليه ؟ البعض فاهمين الكوره غلط الله يهديهم !! :( وبالنسبة لرفض البعض ان البنت تشوف الكوره .. ترا من جد هذي مو حاله .. كل ماسوينا شي قلتوا لا ولا وعيب ومدري وش ! صح بعض البنات يتبعون سياسة آشجع الفريق الفلاني عشان فلان وعلان هذي ماتسوى شي ولاتعتبر مشجعه .. ومافي براسها كوره آبد.. فـ ياليت البعض يفرق بين الي تتفرج ع الرجآل بس ! والي تستمتع بالكوره مع آهلها وآخوانها وصديقاتها ومسألة ان الفريق آجنبي وكافر ==" ياحبايبي ترا راس مالها لعبببه ! تعرفون وش معنى لعبه ؟ يعني بكرا افوز افرح يوم يومين وخلاص .. اليوم آخسر آتضايق بنفس اليوم وبكرا ولا شي آهم شي نستمتع .. مو هذا آحسن من بعض الآشياء الي يضيعون فيها بعض البنات وقت فراغهم ؟ _ _ " ميوزك 24 ساعه ع آذنها . . بلاك بيري مايطيح من يدها .. نت 24 ساعه لا يودي ولايجيب وبدون فايده .. وكلامي هذا مااعممه للكل :) ولكل قاعده شواذ .. مم اكثر شي ايجابيه في كورة القدم بنظري :) اجتماعنا عليها :) تلقين الآب والآم والآخ والآخت والدنيآ كلهم مجتمعين ومتحمسين :) مو ذا آحسن من آني آنطق ع النت لوحدي بغرفتي مسكره علي ؟ @@ .. سوري جاي كلامي حوسه وهكذا تخبرون المواصلين كيف يصيرون وشي ثآني الكلام مو كله رد ع الكلام الي كتبته M A H O O Y .. M A H O O Y الله يعافيك يآرب ويعطيك ع قدر نيتك يالغلا آسلوبك مره حلو ورايق ويفتح النفس للنقآش ! وتذكروا اختلاف الرأي لايفسد للود قضية دمتم بخير وسلام والله يبارك لكم جميعا بشعبان ويبلغكم رمضآن ع خير وصحه وعافيه