[عَ ـــبرآت]

goody
آآآآآآآآآآآآآآه ياغوودي وربي جيتي على الصميم ...
انا برضوا سجلت بجامعة مكة لاني من سكانها
بس عدد هااائل مرررة الطب انقفل من اول يووم ..

بس صحبتي ماشاء الله نسيتها بعد القدرات والتحصيلي 91.91
وانقبلت طب .. غريبة انتو ...؟؟! سجلي عندنا >< بس خلاآص خلص
وربي يقهر حتى انا كرفت سنتين علمي وجيبت نسبة 97 الحمد الله
والله مرة تعبت نزلت مع القدرات والتحصيلي تخيلوا ..كم ..؟؟ 84

المهم :
شموول ماقبلوني في الخدمة ..قفلت من اول يوم ..
وانا موعدي ثالث يوم من ايام التسجيل ...

000000000

دخلت الجامعة امس على موعد تسجيلي ويدي على قلبي والله تخيلي كل الاقسام العلمية اتقفلت من يومين
يعني انا مالحقت من ثالث يوم ..
اضطريت اروح الاقسام الادبية لقيت الاعلام والخدمة وعلم المعلومات مقفلة ..
قولت خلاص بروح جغرافيا مع اني مادرستوا لاني علمي بس بغامر
برضوا قبلي تقريبا 30 طالبة وقفل كنت بدرس جغرافيا علشان في من ضمنها مواد موجودة في الخدمة اقدر استفيد منها .. >< مو عشان سواد العيون
خلاآص انا مرة اتحطمت حولت تاريخ قبلي وحدة وقفل عليها تخيلوا
والله اننا قاعدين في حالة قلق وبعدين الدكتورة تقولي بسرعة لو سمحتي قرري اقولها انا مقررة لكن كل شوي تقفلون شئ وين اروح بالله ..؟؟!
بعدين رميتها شريعة تخيلي اكرف سنتين وبعدين شريعة والله حرام ظلم لأنو كله يمشي واسطات
وبس ناوية اني ادرس ترم وبعدين احول خدمة

يمكن خير لي لمن قفلت الخدمة لأني استخرت كم مرة ....

محتاجة فزعتكم شوي ونصائحكم وربي اني مرة هلكانة وطول الوقت بكاء من القهرر