[~ أشـواقـ اللـقـا ~]

السسلام عليكم ورحمة الله وبركااااااته ..

أول شي التأتأه مو مرض مزمن .. يعني تقدرين تتخلصين منه ..

التأتأه ممكن تكون فيج من أول .. و ممن تكون مستجده ..

و أكثر أمر يسبب التأتأه .. أن اللي قدامج يقطعونج في الكلام حييييل ..

علشان جذي يقال لما يتكلم الطفل لا تقعطونه خلوووه ياخذ راحته بالكلام ..

في فيديوات باليوتيوب تعالج التأتأه .. شفتهم قبل فترة حلوين ..

..

الحل طال عمرج :

تقرين بصوت عالي .. بس مو حيل .. لا كأنج تقرينها لأحد قريب ..

تتكلمين قدام المرايه كأنك تسولفين مع وحده ..

تسولفين مع خواتك الصغار ..

لا تسمحين لأحد يقاطعج .. وإذا قاطعج قولي خلوني أكمل لحظه .. وكملي ..


--


بالنسبة لسالفة الثقة بالنفس .. و أفرض رايي ؟

أول شي .. ما في شي أفرض رايي ..
الرسول صلى الله عليه وسلم و اهو الرسول و العلم اللي عنده أصح علم
لكنه ما يفرض رايه .. " لا أكراه في الدين " ..

اللي عليج تعرضين رايج و مو مشكلة تقبلوا ماتقبلوا .. المهم رايج قلتيه ..

و هالشي يحتاج كثرة أطلاع .. يعني مو معقوله بتقولين رايج بموضوع معين
وانتي ماعندج علم فيه .. إذا جذي ماراح يسموع لج لأن انتي تتكلمين من فراغ ..

و علشان يسمعونج أكثر .. أدخلي باهتماماتهم واقري فيها .. واطرحي الجديد منها ..
مره بعد مره بيسمعونج .. ..

و ترى كثرة الكلام ماهي ميزه .. حلات الشخص وسط ... لايكثر كلام و لايكثر صمت ..


بالنسبة لثقة .. محد بيعطيج إياها إلا انتِ نفسج .. واهي مكتسبه ..
كل يوم عطي نفسج رسايل اجابيه .. أنا متميزه أنا كلامي حكيم
و ابتعدييييييييييييييي عن الرسايل السلبية البعد التام ..

كثر ما عبيتي نفسج ايجابيه بتزيد الثقه .. وكثر السلبية بتزيدين سلبية ..


حددي اهدافج وانجزيها .. هالشي بيعطيج ثقه ..

تكلمي و كأنك ملكة .. و كأنك مميزه .. > الشي اللي خاطرك فيه سويه واقتمصيه


ربي يوفقج :)