[وردهـ {ح} ـمرآ]

يا هلا باللي عطلـوا و بطلـوا . . ؛
و بالإجازة استهبلوا . . ؛
و للمساحة نوروا

<~ لا تصدقون أعماركم عاد
ترى خلاص ما نبي نشوفكم في المساحة
لأنكم ما تبون تسمعون طاري المدرسة


:

شسمه مبروك عليكم الاجازة يا شعب عمان <~ أحس بشعور فرحتكم
خاصةً و إنكم مريتوا بفترة امتحانات صعععععبة و متعععععبة واااايد

شسمه . . شلون يعني يخبرونكم درجاتكم الفاينل ؟!
تدرون احنا نقدم الامتحان و المعلمات سواء من مدرستنا أو من مدارس ثانية
يصححون و ما يدرون هذي ورقة أي طالبة !
إلا إذا كان خطها مميـّز -مثلي-
+ حتى لو عرفوا الطالبة مستحيل يخبرونها ! !
التصحيح يتم في مكان معين بالوزارة -التصحيح المركزي-
و أوراق الامتحانات ما يكون عليها أسماء الطالبات بل أرقام سرية خاصة بكل طالبة ! <~ أحسكم تقولون وش هالتعقيد !
يعني باختصار . . ما نشوف درجتنا إلا في الشهادة
و بعدين إذا حبـّوا المعلمات يطلعون على درجات طالباتهم
يروحون يشوفونهم من قسم التسجيل ^^


و الله شعوري . . وش أقول لج . . !
مزيج من الفرحة و الوحشة !
فرحة لأني حسيت روحي كبرت و راح أتخرج و أدخل الجامعة . . ؛
و بدخل مجتمع جديد و حياة جديدة عليها راح ينرسم مستقبلي
و وحشة لأني راح أشتاق للمدرسة و مقاعد الدراسة و بنات صفنا بشكل فظييع
ما تتخيلون شقد راح يوحشوني البنات . . تعودت عليهم . . عشت معاهم أحلى أيام الدراسة . . عشنا مع بعض سنتين ع الحلوة و المرة
يـالله هذي حال الدنيا . . كل وحدة بتروح في طريق بتشوف مستقبلها و حياتها . . ؛
بس شي أكيد إن احنا راح نبقى على تواصل مع بعض

:

[بوشاشا]

ألاااي
إنتوا اللي تحددون جدولكم ؟!
ونااااسة . . لو يمنحونا هالفرصة . . ؛
جان غيرت في جدولنا ما بين أربع مواد . . ؛
مادتين عاطينهم مدّة تكفي و زيادة و الثنيتن الباقيين مو كافيين أبداً ><"


:

[زبيب]

ستايلج للصيف "أنتيكة" :هيهي:
ليش "أبجد هوّز" تبعكم . . راح تظلون تشتغلون عليها في الإجازة ؟!
و إلا شنو السالفة ؟! :sg.9: