[وردهـ {ح} ـمرآ]

^

أول شي لا إله إلا الله . . محمد رسول الله ؛
أستغفر الله العظيم من كل ذنب عظيم !

/

وحشتوني كثيراً كثيراً كثيراً يا أحلى شعب مدرسي من بعد شعب صفي
يااااااااااااه ما تتخيلون أي قد كانت الفترة إلا مرّت . . فترة صعبة . . ؛
ضغط و قلق و محاتاة غير طبيعية
أخيراً خلصنا امتحانات المنتصف اليوم كان آخر يوم . . ؛
بقى علينا بس امتحان التقن -البرمجة بلغة- !
كنا راح نبدأ اختبارات من يوم الإثنين
لكن الحمد لله المعلمة أجلته لأن البنات راح يكونون بعدهم مسافرات . . ؛
لأن عندنا ثلاث أيام إجازة - جمعة / سبت / أحد-
تعويضاً عن عيد العمال

لكن وراي أشغال وااااااااااايد . . ؛
دفاتر مو مكملة . . بروجكت العلم و التقن . . ؛
و منتصف الفنون ؛
و أشياء أخرى

يـالله ربـّي يسهل !

/

اليوم كان فلـّة . . ؛
درسنا أول حصتين كيم + ريض . . ؛
الثالثة إبداع لكن اختبرنا فيها إنج إلا بعدها امتحان منتصف إنج . . ؛
الرابعة و الخامسة إبداع كانت راح تاخذنا معلمة الحيا . . جت و شافت ما في أحد في الصف . . ؛
لأن نص البنات طالع إلا بتسافر و إلا عندها أشغال و إلا هاربة . . فتيسرت
السادسة و السابعة فنون و المعلمة مسافرة قعدنا نسولف لنهاية الدوام
+ إن في مطعم جديد توهم فاتحينه . . ؛
و جى مدرستنا اليوم يمكن عشان الإعلان و الترويج
ما شاء الله البنات من بداية ما فتحوا للنهاية و هم يشترون . . ؛
يعني كانت فكرة المطعم سديدة

كان يوم فاضي بعد أسابيع من الضغط و اللوية !

/

بالنسبة للمذاكرة . . ؛
أيام الدراسة العادية أرجع من البيت أصلي و أتغدى و أروح أطالع تلفزيون أو أسوي شي ما شيات . . ؛
بعدها أذاكر في حالة كان عندي بكرا اختبار . . إذا ما عندي أقعد على النت
أيام المنتصف إلا طافت . . أرجع من المدرسة و دايركت أذاكر . . ؛
فترة المذاكرة تعتمد على حسب المادة و أي قد أحتاج فيها . . ؛
آخذ لي بريك لين حسيت إني محتاجة بريك . . ؛
يمكن أخلص ع الساعة 10 11 12 . . في حالة إني تعبت و ما كملت الكم المطلوب علي . . ؛
أنام و أقعد الصبح من وقت و أكمل مذاكرة أو عشان أعيد عليه
أما النهائي فدائماً أقعد من وقت ع الساعة ست أو سبع . . ؛
و أبدأ أذاكر - أني من النوع إلا يحب يذاكر الصبح و ليس الليل-
إذا كان للمادة يومين فأدرسها بتأني نوعاً ما يعني ما أواجه صعوبة أو ضغط كبير في الدراسة . . ؛
أما لين بس يوم و هي تحتاج أكثر . . فـالله يعين =$
-مشكلتي إني بطيئة نوعاً ما في المذاكرة- =$

/

الثانوية مرحلة جداً جميلة . . ؛
بالنسبة لي أحلى مرحلة دراسية مرت علي. . ؛
و ما أتوقع إن المرحلة الجامعيـّة راح تكون أحلى منها !
لأن الكل يقول الثانوي أحلى بوااايد

أما بالنسبة للسهولة و الصعوبة . . ؛
فهذا يعتمد على قدرة الطالبة نفسها و ميولها . . ؛
لين تخصصت تخصص تحبه و تحس روحها تقدر عليه . . ؛
بتعطي فيه و بتستمع حتى لو واجهتها صعوبات أو ضغوط

/

يعني إنتوا ألحين بتبدون امتحانات نهائية ؟!
يعني بتخلصون الكورس خلاص . . ؟!

عموماً بالتوفيق لكم كلكم . . ؛
ذاكروا زين عشان تجيبون درجات سنعة

/

هذا إلا تذكرته من السوالف و رديت عليها . . ؛
حمدوا ربكم ما رديت على كل بنت جان ألحين ردّي ما ينقرأ
هذا إذا قرأتونه

بسوم أخيراً غيرتين صورتج . . قمت ألخبط بينج و بين زبيب
طلعت سوالف الأسابيع إلا ما دخلتها كلها اليوم