[سماء المحبة]

أهلين مس دلع
هههههههـ لا مو مخربينها فالينها يمكن حسب بالنا ملاهي مو جامعة خخخخ ههههههه يلا نعيش ما بقي من شبابنا بكرا ينتظرنا اللهد وحنندم ع الساعات اللي قضيناها من دون ما نستمتع بوقتنا بس دا ما يمنع نهتم بدراستنا ماشاء الله شلتي مجتهدة << من جنبها ههههههاااااي
اللهم آمين تسلميلي ياقلبي ع الدعاوي الطيبة .. ونورتي الموضوع كنت مقررة اذا شفت محد متحمس ولا رد اوقف L
انتِ خليتيني اكمل وانا تعبانة وراي سفر يسعدكِ ربي ..
بقية الاحداث : بعد ما طردتنا المراقبة كملت ضحكتها هي والجيش اللي معاها اللي ما اعرف ايش دورهم وربي يا بنات يضحكون لمن يمشون يكملون هروجهم فلانة تطلقت وفلانة خلفت ما يكفيهم جلستهم بالمكتب خخخخ المهم جلسنا 5 دقايق حسينا انهم راحوا ولا راح يرجعون رجعنا لقاعتنا الحبيبة ولمن رجعنا طبعاً رجعنا للعب وجاء دروي يركبوني بالكرسي وفعلاً ركبوووني وصاروا يدفوني بعدين قالت لي توت تبغى تشيلني انا حسب بالي انها تمزح وكول شوي تقول ابغى اشيلك قلت لها عادي شيليني انا مستورة خخخخخ والله البنت كان من جدها وتشيلني من يداتي ومن رجلي تشيلني روزي وفيمتو تطالع فينا وتضحك وانا ازعق وخايفة :cat82: اعورهم مو كويس البنت تشيييل يضرها :cat71: وهم ما عليهم ويضحكون ماشاء الله عاجبهم قلت لهم يلا كيف تنزلوني جاوو بينزلوني اللي كراسينا تنكمش فلمن حطوني تعورت بس يلا عوار وراح الحمدالله بس قاعدة اتخيل ترجع المراقبة وتشوف المنظر وهم يشيلوني يااااي هههههههههه مررررا لا .:cat57:
المهم ضرنا نسولف ونضحك الا اطالع بالساعة الا جات 12 L سلمت عليهم وانا طالعة خفت انو تخلص محاضرتي واذا رجعت ماالقاهم فودعتهم وانا طالعة الا توت تقولي طيب حضنة توت انسااانة يا حوبي لها رقيقة وتخاف ع اللي تحوبهم :cat74: خصوصا اذا في سفر وتدعي كثير انو ربي ما يفرقنا ورجعت حضنتها هي وفيمتو وروزي :040: باقي الموقف مشفر خخخ ودقري ع المحاضرة خلصت المحاضرة في اقل من نص ساعة اتصلت ع فيمتو طلعت فاضية ورحت لها جلسنا نسولف توت وروزي عندهم محاضرة وانا وفيمتو بالقاعة اللي جنبهم نسمع كلام او فلسفة الدكتورة قالت لي فيمتو يلا نروح نتوضا ونصلي كنت ع وضوء وراحت هي توضأت ولمن رجعت صلينا مع بعض وخلصت وصارت تضحك اقولها ايشبك تقولي شايفة صندوق المايك كنا نلعب فيه بقاعة ثانية وكان يطلع اصوات ومش عارفة ايش وبعدين فتحنا شاشة العرض وكنا نتخيل لو نمسكها وترفعنا لفوق خخخخ ( شاشة العرض الورقية ما اعرف ايش تسمونها لمن نزغط ع مفتاحها تنزل بشويش ولمن نبغى نرجعها نزغط المفتاح فترتفع بشويش ففيمتو تتخيل انو لو تمسكنا بيها وهي تطلع خخخ ) قلت لها طيب انتِ جربي وانا بعدك اجرب ههههههههههههه والله خوفي تطيح علينا قالت يلا احنا الاثنين قلت لها لااااااا تطيح بقوة علينا المهم انا وقفت واقولها تخيلي تصوريني مع الشاشة قالت وفعلاً صورتني اول صورة ما زبطت بعدين لبست النظارة الشمسية وزبطت مرررة وصارت تعدلي ياقتي وصورتني ياااااااااااااااي طلع رهيب مررررررا وطلعت الصورة تجنن وكان تعليق فيمتو تقولي كأنك من نجوم هوليوود وتقولي الا اصورها نفس التصوير وعجزت اصور كووويس الا ع دخول توت و وروزي وتقولهم فيمتو صوروني كووويس ولا قدروا يصورونها نفس التصوير اللي تبغاه خخخخ تحطمت الا تطالع بالساعة تلقاها الساعة 1 وكانت عندها محاضرة سلمنا عليها ووصلناها للمحاضرة كالعادة نخاف يضيعون صديقاتنا ههههههههه وبعدين رحنا لقاعة ثانية علشان روزي وتوت يبغون يصلون قلت لهم يلا لين تخلصوا انا بروح اجيب شيء واجيكم قالوا فين فين قلت لهم رايحة وجاية ورحت للكفتريا كنت بعزمهم ع بطاطس مقلي بس يا خوسارة كان ما فيش خصوصا انو اخر يوم قلت يلا اعزمهم ع شراب ليندا بالرمان يثلج ع صدورهم وطلعت لهم واعطيتهم انبسطوا بس ما شربنا مع بعض جات سيارتي وجات سيارتهم وهم ما لحقوا يودعون فيمتو مزبوط فصاروا يودعونها من عند باب القاعة وهي تأشر تقولهم انتظروا شوي بس ما قدروا L ..
وانتهى داك اليوم تمنيت ن'ول اكثر ع قول صديقاتي بالماسن دا كوله اللي صار في ساعة او اقل من ساعة خخخ
عاد اذكروا الله قولوا ما شاء الله ع صديقاتي ههههههههه

واذا شفت ردود حلوة اكيد اوافيكم بإذن الله باخبارنا + حسافر ودعواتكم ليا دحيين اجازة الربيع اذا رجعنا ان شاء الله احكي ليكم .. بس تقريباً لو صارت احداث حلوة J