أسبوع × أسبوع × أسبوع
في أحلى أكشن يا ناس
راح منبهدل الي ما يتبهدل يلا معانا
يا ناس قولو
بداية أكشناااا عشتواااا
........
(أول ما وصلوا كانوا الريم و سارة نايمين و الجوري معاهم من كثر ما صاحوا أما راشد و دانية طول الطريق ساكتين على ان دانية زعلانة على راشد و دقيقتين و تصلاحوا و لا كان صار شي)
دانية:هوووووووووووووووو قوموا يا بقر
سارة(و هي تفرك عينها):ايش فيج يالمتسببة
دانية:يلا انقلعوا برع وصلنا
سارة قامت تشوف يمين و يسار
(انزين أشرحلكم المزرعة و ما فيها أول شي الفيلا الي فيها غرف تكفي الكل و لل
بنات غرفة و الشباب غرفة و لكل المتزوجين غرفة و غرفة ال
بنات هناك معدلينة ال
بنات ليكون مكان الراحة فيه ديجي و تلفزيون بلازما و كل أنواع الترفيه هذي عن الفيلا و في مطابخ خاررجية و ميلس خارجي و خيمة و من صوب اليمين هو صوب الغزلان اليد عندة غزلان الريم و في بعد قفص الدياي و قفص الارانب و في كلب حراسة و في المعيز و الا حصنة و الريم عندها فرس و مع ويها مسميتها عيون الريم و سارة مسمية فرسها شارو خان هههه و الصوب الثاني مزارع خضار ما خضار و را المزارع في مكان مهجور محد يقربه لان عليه وايد كلام و في صوب المراجح و الالعاب حق اليهال بس بما ان الحين ما في غير جوري فجوري بس هي مستوليه عليه في بعد مكان مخصيصينه حق الباقي و غير غرف الخد ما خدم و في مسبح بعد و قعدات خارجية)
(نزلو الريم و سارة ركض على غرفتهم)
(غرفتهم الطابق الثاني غرفة كبيرة وايد مسوين مكان حق الرقص و الديجي و و مكان مسويين هوم سينما و معام كراسي عجيبة الي شكل و الي أشكال ثانية و مكان ملصقين لثلاث أسرة مالت النوم و مكان الاكل و في طاولة بار و راه كبتات مصففين الحلويات و في تحت ثلاجة و غرفة التبديل الي بروحها ما شاء الله و مكان خاشين الاشرطة و الغرفة وردية فوشية على ألوان وايد عجيبة و في مكان جلسة سوالف يسومنها قسم فض فض و غير الحمام أعزكم الله و ملصقيييين صور و في الكتبة لان في فسم دراسة يعني الغرفة منسقة بشكل غريب و طبعا هذي الغرفة كانت تنسيق الريم و سارة)
(أول مادخلت سارة ركض على صورة شارو خان مادري ايش فيها عليه و راحت و تبوس الصورة)
سارة:فديتك و الله أموااااااح أحبك يا قلبي
الريم :هي يالخبلة تهالي هاج نصيبج يالبرميل شريت قميص عليه صورة شبيهج
سارة(تشوف القميص):أنا أشبه مالت عليج
الريم:ههههههههههههههه
(و دخلت منيرة و راها نورة و ركض يحضنون الريم)
منيرة(و هي تحضنها و تبوس فيها):فديج يا بعد قلبي ياليته فيني و لا فيج
الريم:لا تفاولين على نفسج (و عطتها القميص)شوفي القميص عليه شبيه سارو
نورة:ليش خوفتينا عليج جذي ها
(أوصفلكم لبسهم الريم لابسة بودي من غير أكمام بنفسجي و مكتوب عليه كلام بالاصفر و تحته قميص نص كم أبيض ساده مع بنطلون أسود و رافهة شعرها و بس حاطة كحل أما سارة الدبة لابسة نفس ملابس الريم بس الفرق ان بدوها أصفر و الكلام بالبنفسيجي أما نورة لابسة بودي وردي كمة طويل لانهم بالشتا و مع بنطلون جينز غامج أما منيرة لابسة فستان رمادي بو قطن كم قصير عليه صورة كرز مع برمودا بيضة لاصقة على الجسم منيرة مسوية عجفة في شعرها اما نورة ففالة شعرها)
(و تدخل اليازي)
اليازي(واقفة و متخصرة و بمياعة ماصخة):يلا
بنات جارند ماذر تقول نزلو تحت تبيكم
سارة(و هي تقلدها): يا مصاختج نازلين أوف حومتي كبودنا..يوم انج ما تعرفين تدلعين لا تدلعين لانج ماصخة حلي الدلع لاهلة
اليازي(و تزود مياعة):أووووووووووووووووووووووووف ما يلووووووووووووووووووووووووووووق عليج
(حمد كان توه مار يبي يروح غرفة الشباب الي ينامون فيها)
سارة(بنفس طريقتها بس الفرق ان سارة لايق عليها): وييييييييييييييييييييييييييع عتينا مقفاج و احنا جايييييين
(اليازي طلعت)
(و كلهم ضحكوا لان سارو كانت طريقتها بالتقليد عجيبة)
(و نزلو تحت بالصالة)
اليدة:
بناتي الحلوات تعالو أبيكم انتوا تسوون القهوة و الحلو اليوم
الريم:انشاء الله
سارة:بس اذا في تسمم أحانا مو مسؤولين
نورة:تعالو ترى منور سبقتنا
(اليازي قاعدة جمب أمها و بكل دلع أوصفلكم شكلها لابسة عباية مفتوحة و مبطلة الازرة و مبين بنطلونها الجينز السكني و البودي الي من غير أكمام الاحمر و الشيلة قاطتها بس جذي تأدية واجب و و يها ملطخته مكياج)
اليدة:اليازي قومي ساعدي ال
بنات
اليازي:وييييييييييخ بعدين ريحتي تسير كلها طبخ وييييع
(كانوا كلهم قاعدين بالصالة)
(حمد يساسر خالد)
حمد:أووووف ترفع الضغط ...
خالد:أنا كثر ما عرفت
بنات ما شفت وحدة ماصخة مثلها ما يلوق الدلع عليها و لا تفهم شتقول
(حمد تذكر سارة و هي تدلع و كان مسجل صوتها )
(ترى معروف عن سارة صوتها وايد حلو)
(حمد قام من مكانه)
(بطل تلفونه على صوت سارة:عتينا مقفاج و احنا جايييييين)
(مستغرب ان ممكن يكون الدلع لايق عليها بهالطريقة حس نفسه مخنوق حس حرارته مرتفعه )
(مسجل صوتها يبي يسمع عمه بو محمد بس اكتشف ان صوتها عاجبه)
(معقوله في وحده صوتها بكل هالزين مو مسغلته و لا بكل هالدلع ما تدلع)
(و في المطبخ الداخلي)
منيرة:سارة جيبيي السكر الناعم
الريم:مناير قلبو نبي كرك اجا كرك
سارة:وين السكر الناعم مالكم
منيرة :صبري أدور
نورة:ريمي تعالي سوي الدريم ويب
الريم:أوكي
(و قاعدين يسوون و مشغولين و حالة)
الريم: ملل سارو أطربينا
سارة:ما يطلبه المشاهدون يلا اطلبو نشيدة أغنية قصيدة و بأي لغة تبون
الريم: نبي نشيدة امانة
سارة :أوك