[M A H O O Y]

يا شين الواحد إذا كان نعسان وهو يتفرج على أنيمي ! كنت محملة حلقات بالليل وجالسة أتفرج الساعة 12 والناس نيام وأنا اللهم لا شماتة ولا كأن عندي دوام باتسر ! عاد انا وبنات فصلي متفقين بنسوي فطور جماعي وأرسلت السواق جاب لي (ورق عنب) من سعد الدين يوم خلصت جيت أنام قمت صكيت اللمبات ومتأكدة دقيقتين بأغمض عيوني وسأطير في عالم الأحلام ! وأتقلب يمين يسار فوق تحت ، قعدت نص ساعة واااااع ما قدرت أنام ! عيوني مفتحة على الآخر يا ربييييه :_: المهم ف الأخير نمت عاد متى مدري ، وبسبب ذلك ما قدرت أقوم من منبه الجوال ! قمت الساعة 5 ونص وأمي تصبِّخ الباب قمت تروشت لبست رتبت شنطتي على هذا الجدول : وأخذت ورق العنب وعلى السيارة أول مرة أجلس ما أسوي شيء ولا أحفظ قرآن ولا أذاكر امتحان طايرة مفهية ع الآخر ! وصلت المدرسة كانوا البنات جالسين برا بالساحة على طاولة سلمت عليهم وسفطت عبايتي وطيران ع المبنى . . المهم صفوا الناس طوابير كلهم وبدت الإذاعة ومحد من البنات متكرم يصف قدام دايم يتذابحون على آخر صف يعني يعلمون الي يسوون الإذاعات إنه محد يسمعكم -_- كر كر ولين أنا طلعت بالإذاعة كلهم يتفاعصون على الصف الأول عشان يضحكون علي وبعدين رقوا الناس الفصول ، هذا فصلنا : : عطتنا الأستاذة درسين وخلصنا قبل ما تصفر بربع ساعة ! ما شاء الله الوقت فيه بركة . . ومُصرة علينا عادت الدرس 67954 مرة لمن طلع من أذاني ! خلتنا الأستاذة كل بنتين يسمعون لبعض ! عطتنا الدرس وكذا وآخر الحصة جلست تسولف معانا ! هع هع جلسنا نسولف عن تفكير الأطفال وإنه الحين انقرض شيء اسمه (براءة) كانت الأستاذة غايبة وجت عندنا أستاذة احتياط . . دفينا الطاولات الي ب نص الفصل وتربعنا كلنا على الأرض ويلا بسم الله طبعا 3 جايبين ورق عنب زيي وحدة منهم موب اسمها وهج الأمل ليش تقلديني :@ كر كر وحدة من البنات جايبة دفتر ذكريات حقها بسادس إبتدائي . . وتقرا عليهم وش كانوا كاتبين لها طبعا أنا ما كنت معاهم بسادس فما تحمست ><" بس وهي تقرا شيء كاتبته لها وحدة معانا بالفصل لمن كانوا بسادس اسمها نفس اسمي (مها) . . فجأة وهي قاعدة تقرا كم من بنت قاطعوها وكلموا سميّتي - مهااااااا يا شرييييييرة كاتبة لي نفس الكلام بدفتري الي ف البييييييت :@ - خييييير أنتي تكتبين لي زيهم نسخ ولصق ! - غششششششاشة ! والبنات كر كر كر كر كر والبنت وجهها أسود المهم قمنا وقعدنا نرفع الحوسة الي من ورانا ! وحدة جايبة كيكة منحوسة الغطاء حقها كب عصير على الأرض وقلب صحن ورق العنب حقي آآآآآآآ ما قلت لها شيء وكتمت غيضي ، فجأة جت تصارخ علي ! - مهاااااااا ليش تحطين صحنك هنا خييييير ؟ هنا طفح الكيل ، طلع من أذاني دخان والباقي مُشفر باقي الأكل صفيناه في صحن كبير وعطيناه العاملات ، طبعا 10 بنات طلعوا من الفصل وعذرهم للأستاذة إنهم يشيلون الصحن الفسحة فصل (ب) - احنا (أ) - بعد عندهم فطور جماعي كانوا تحت ف الساحة ! رحت جلست معاهم شوي بما إن صديقتي عندهم ><" طبعا طول الوقت كلي بس أنا خلاااص ما أقدر أحس معدتي فاغصة رئتي ما أقدر أتنفس من الشبع قمت من عندهم قعدت أدور الجماعة حقتي لقيتهم جالسين عند واحد من الجدران طبعا أنا إنسانة شريرة وأحب أروع الناس خذيت وحدة شريرة زيي ورحنا عند واحد من أحواض الزرع ! كانت فيه نبتة لمن رفعتها طلعت مستعمرة (حلزونات) يمكن توصل 50 وحدة ! شلت وحدة بمنديل وأول ما قربت من البنات وشافوا إيش بيدي ما لقيت ولا وحدة والجدار الي كانوا متسندين عليه صار فاضي طبعا ضحكت لمن طحت على الأرض رجعت الحلزونة والشريرة الي معاي جابت قارورة وحطينا فيها 3 حلزونات وورد وأوراق شجر سكرناها ويوم خلصت الفسحة طلعنا فوق بعد ما جننا المراقبات الي تحت وهم يهوشنا زي الغنم قبل ما تدخل الأستاذة حطيت وحدة من الحلزونات على حامل الأقلام حق السبورة وطلعت برا الفصل كأني ما سويت شيء والأسياب زحمة ><" وقفت عند باب الفصل وكل ما دخلت بنت طلعت وهي تصارخ دخلت الأستاذة ولحسن حظها عطتنا فراغ ولا استخدمت السبورة جلست على الكرسي ! طبعا الحلزونة موجودة أقصى اليمين الحلزونات الباقية مع البنت الشريرة جوا القارورة ! يوم سألتها وينهم قالت ف الزبالة ! يا ويييلي :_: التفت على حلزونة السبورة لقيتها طلعت من قوقعتها وتطل من فوق لتحت ! مت من الضحك عليها خخخخخخخخخخخخ كأنها ب فلم ! شكلها تروعت ورجعت جلست . . حوسنا الطاولات وجلسنا نسولف أو بالأصح نصارخ ! وما أخفيكم سرا أنا والبنات نتراجف برجولنا من تحت الطاولة زي البزران ! طبعا كان باقي دونات وحلى وقهوة قعدوا البنات عليها (شلة عجايز) قعدنا نقرر إذا طلعنا من المدرسة كيف نجتمع ومدري آيش ! واااااي أحبكم بنات فصلي :_: والحلزونة بدأت تتحرك ! دخلت الأستاذة وقعدت معانا على طاولة الإجتماعات حقتنا وقسمتنا قروبات بنتين نرتب خطوات طبخ البانكيك ! كل البنات خلصوا إلا أنا والي معي ="" ما ندبر شيء بالمطبخ جيت بأتفقد أحوال الحلزونة لقيتها قررت القرار المصيري وأقدمت على الإنتحار :_: طبت من متر كامل يمكن طرطاااااخ على الأرض ! مدري ماتت ولا لا ="" أخذنا درس الخطبة للمرة المليون خلال سنواتي الدراسية ! يوم خلصنا الدرس قعدنا نسولف عن الأستاذة عن خطة الفلفل الأسود الفاشلة ! كنت ناوية أجيبه وأسكر المكيف وأحطه فيه وأول ما يشتغل هق هق يفطسون البنات تقل صراصير مرشوشين بفليت ! بس خفت يدخل في عيونهم وأتورط ="" عاد أنا أبيهم يعاطسون فجربت على نفسي أول وأخذته وشميته لمن دخل دماغي ولا عطست ولا مرة ="" عاد الأستاذة علمتني على حركة فصل ثاني قد سووها ما حطوا فلفل حطوا ثوم وتعالوا شموا الريحة قررت إن شاء الله إني أسويها السبت ، وثوم مفروم بعد لزوم الكتمة السنعة يا رب يا رب يطلعونا من الفصل يحطونا بالسطح دخلت عندنا الأستاذة دقيقتين وطلعت بتسوي شغل ! الفصل المهستر ولا بنت جلست فيه كلهم افرنقعوا برا جت أستاذة ثانية حقت التفصيل وجمعت النص (الي قدرت عليه والباقي يفحطون بالأسياب) ودخلتهم جوا ! وهم يستهبلون ويطبلون ويصارخون ="" عاد كان عليها مناوبة في الطلعة فراحت وجت الأستاذة الأساسية وشوف يا تهزيء ، شبهتنا بالغنم وفضلت علينا النوق ف آخر الحصة جمعنا أغطية قوارير الموية ، تقريبا جمعنا 40 غطاء ! عشان مدري مين الي قالت 400 غطاء إذا جمعناها وديناها مدري وين يستبدلونها ب كرسي مُعاقين ويصير عمل خيري : الحمد لله خلص يومي على خير وتراني قاعدة أكتب الحين وأنا حتى ما فصخت المريول من الحماس عذرًا على التأخير المفروض يومي كان من زمان بس كنت مرة مشغولة ! ع العموم أشكر قطوفها دانية على الفكرة وكل البنات الي شاركوا وتعبوا وسلونا =)

المصدر: منتديات بنات دوت كوم

---

hkjphv pg.,km > > ! F d,ld hg]vhsd D

الموضوع الأصلي : انتحار حلزونة . . ! [ يومي الدراسي ] || القسم : مـدرسـة بـنـات دوت كـوم || المصدر : منتديات بنات دوت كوم || كاتبة الموضوع : M A H O O Y