اليوم صارت لخوي هشو ككآن ينزل موضوع في منتدى عن طبخته مع اخويآه فقلت ابنزله زي مآهو منآك من منتدى آخوي : تخبرون اليوم نزلت موضوع الكبسسه عالفجريه فقلت ياولد واصل مابقى شي عالدوام ومنها تلحق على مواقف السيارات بدري واتحمس وامشي الساعه 6 ودوامي 7 ونص << من الدووفرهـ والله المهم وصلت تقآآطع دايما دايما حوادث المهم اني وقفت عالتقاطع وبجنبي راعي فوورد .. طالعت يمين مافيه احد طالعت يسار فيه باص جاي مسسرع انا احسب راعي الفورد منتبه شوي يوم الباص خلاص مابينا وبينه شي طلع راعي الفورد ومشى ويصير الحادث قررييييب مني مابيني وبينه الا مسافة مترين والله لو مقرب شوي كان رحت معه .. وقسم بالله جمدت مكاني وماني مستوعب وش السالفه الا يوم راحت الاغبره واحصل راعي الفورد داخل السيارة مايقدر بنزل واوقف عنده على طوول واحاول افتح الباب ماقدرت وافتح الباب اللي على جنب واسحبه واطلعه .. والرجال منصدم مايدري وش اللي صار .. يقول وش صار وش السالفه قلت له سلامات ماتشوف شر .. تحس بشي قال الم بصدري واتصل على الاسعاف والمرور واقعده داخل البآث فآندر حقي والله الضربه قوييية حييل على باب السواق وجهه دم وثيابه وحالته حاله .. واعطيه مااي يشرب واروح لسيارته واجمع اغراضه وجولاته واوراقه واحطها بكيس واعطيه وجت الاسعاف وخذته .. اووف والله ياهالموقف ماراح انساه .. عاد انا مطفوق سرعه ودايما عند الاشاره اذا واحد مشى مشيت معه بدون ماانتبه بس هالمره شكل امي داعية للي عالصباح مدري وش اللي خلاني اناظر يسار بس اللي ابي اقوله ان الحديد يتعوض بس بني آدم مايتعوض .. < لا يغركم آخوي حكيم والانسان مايعرف متى يومه .. < زد الله يكفينا الشر ,, وياكم الموقف المضحك اللي حسيت اني سويته ان الرجال قبل لا يقعد بسيارتي كان يتحرك ويمشي منصدم وانا احاول اهديه واقوله يابن الحلال مايصير تتحرك انت جاية الضربه عليك .. يقول مافيني شي مافيني شي وانا اكرر عليه لمين عجزت .. لأني انا مآخذ دورة في الاسعافات الاولية والطواري وعندي خلفيه على هالشغلات .. المهم اني عجزت منه واسدحه له سالفه خلته يبرك قلت يالغالي انا حضرت حادث قبل كذا والرجال نزل ومافيه حتى خدش واحد مافيه بعد نص ساعه طاح واغمى عليه وطلع عنده نزيف داخلي الرجال انصدم وقال الله المستعان وهو اللي يروح لسيآرتي ويقعد ههههههههههههههههههههههههههههههههههههههههه << هالله الله من مسعف