[وردهـ {ح} ـمرآ]

--{ و عليكم السلام و رحمة الله و بركاته ~


يالله ما تتصورين شكثر هالشي يضايقني ><"
عن نفسي ما أحترم إلا كل ما قال شي قال بعدها و إلا قبلها و الله !
كل شي يقوله قال وياه و الله . . قسماً بالله . . و غيره !
أحسه إنسان كذاب و كله خايف إن الناس تكشف إنه مو صادق في كلامه !

أني لين سمعت حد من بيتنا من اليهال حلف . . ؛
دايركت أعطيه محاضرة أو كف خفيف يبين له إن تراك حلفت و أني جم مرة قايلة لك لا تحلف
و هالشي قمت أطبقه على بنات صفنا =)
يعني عالأقل إنهم قاموا يبطلون حلف قدامي . . ؛
أو لين حلفوا طالعوني بنظرة تقول:نسيت / سوري !
الله أحقّ إنج تحسين برقابته لج . . إنج تعتذرين منـّه من كثر ما تحلفين به !

قال الله تعالى في محكم كتابه العزيز:{و لا تجعلوا الله عرضةً لأيمانكم}
الله بجلالة قدره و عظمة سلطانه . . ينهانا عن الحلف لأقل الأسباب و أتفهها !
أوَ ليس من المخجل أن لا نأتمر بأمره و ننتهي بنهيه ؟ !
و علي بن أبي طالب يقول:{دع اليمين لله إجلالاً و للناس إجمالاً}

يعني من المؤسف و المخجل إن كل ما حد قال لنا: احلفي . . ؛
قلنا: و الله العظيم !
حتى على أتفه الأمور إللي ما تستاهل . . !

لو احنا نلتزم الصدق في كل شيء نقوله . . ؛
و مـا نشكك في كلام الغير و نثق فيه . . ؛
راح نتخلص من هالعادة الذميمة . . ؛
راح نتخلص من الحلف و من طلب الحلف لتصديق خبر ما !

يمكن هالشي صعب يتحقق في هالأيام . . ؛
بس نقدر نطبقه و لو على صعيد الأسرة و الأهل و الأصدقاء !

و الله يهدي الجميع ~


شكراً [مس أنا] ع الموضوع النقاشي المهم . . ؛
و إن شاء الله يحقق الفائدة المرجوّة ^^