[وردهـ {ح} ـمرآ]

[بسومتي الجميلة]



الله يساعدنا . . وش نسوي بعد !
المصيبة إنها كانت تبي تاخذنا ثلاث حصص . . ما أدري شلون كنّا راح نستحمل !
أشوة معلمة الاحتمال أنقذتنا منها

امم . . ما أدري وش هي حصة المهارات !

إي حصة الفيز جميلة . . لكن على حسب المعلمة . . !
كان ودنا تدرسنا معلمتنا اللي تعودنا عليها من أول كورس و هي تدرسنا . . ؛
معلمة فلـّة و حصتها تصير وناسة و ممتعة . . !
هذي المعلمة حصتها هادئة و تغلب عليها الجديـّة المملـّة =$

تسلمين بسومة ع الرد الجميل . . ؛
الله يسعدج

/

[عزيزتي قطوف]



ههه . . صلـّي ع النبي . . أي هادىء !
صفنا أبو الفوضى و جد المشاغبة

اسألي المعلمات عنـّه . . ما يسكتون لا في شرح و لا اختبار . . كله سوالف و تعليقات ما لها أول و لا تالي !

هالأيام يبون يكرمون الصف المثالي القدوة . . و طبعاً مستحيل يكون صفنا !

هم ما كانوا يصكون الصفوف . . ما قاموا يصكونهم إلا لأن البنات ما يلتزمون بالطابور . . ؛
يعني عادي تلاقين الطابور مخلص و البنات توهم نازلين . . فقاموا يصكون المبنى كله عشان يلزمونهم يحضرون الطابور . . و احنا الضحية . . ألحين الجوّ معتدل بس بعدين بيصير حر و شمس . . !
أتمنى يغيرون هالنظام الفاشل في الأيام الجاية !

أصلاً ألحين ما في طالبة تسترجي تتأخر عن بداية الدوام . . صار الطابور مثل الحصة ملزومة تحضرينه . . ؛
تخيـّلي . . عطوا البنات إلا دايماً يتأخرون الصبح إنذار !
و في كذا يوم منعونهم يحضرون الحصة الأولى . . سجلوهم غياب فيها رغم إنهم موجودين في المدرسة !

حتى إحنا نحب الأحياء . . بس مو لهالدرجة . . !
و الله نعاني من كثر الحصص إلا تاخذنا فيها . . لاعت جبدنا منه . . كرهتنا فيه !

علوم بيئة . . منهج مشترك لكل الصفوف في هذا الفصل . . علمي / أدبي / تجاري !
محتواه كله يتعلق بالبيئة . . الكائنات الحية ؛ الأغلفة و البيئات ؛ دورات الحياة ؛ مصادر الطاقة ؛ المشاكل البيئية و غيره . . !
المنهج سهل خاصةً لبنات العلمي . . بس دسم بشكل كبير كله حفظ × حفظ !

ههه . . نوصي بعضنا ع الخرطي . . !
محد يفتح الكتاب
ما نصدق نلاقي يوم نرتاح فيه ^^

قطوف . . مرورك أسعدتني كثيراً . . ؛
منورة

/

[شهد]

أني بشكل عام ما أحب الكيمياء و لا أميل له . . ؛
تعقدت من الدرجات إلا أجيبها فيه !
الوحيد إلا جبت فيه درجة حلوة هو مقرر توحيد المسارات في أول كورس لي في الثانوية
بس المقرر إلا درسته ذاك الكورس كان ممتع و أحس إن مقرر هالكورس بعد جميل ^^
إن شاء الله أسوي فيه زين ^^

شكراً ع المرور و الرد