[وردهـ {ح} ـمرآ]

^

إحم

ليش أني بالذات يعني ؟! :sg.6:

لو كان الخبر السيء ينافي الخبر السعيد اللي وصلني . . ؛

[يعني قالوا لي خبر و فرحت به . . بعدين قالوا لا مو إنتي المقصودة أو فهمنا الخبر غلط أو شي من
هذا القبيل]

يمكن أزعل شوي . . بس بعدين دايركت يجي على بالي إن هذا الشي مقدّر من قبل الله عز و جلّ . . ؛

و مالي نصيب فيه . . و يمكن يكون فيه خير لي و أني ما أدري . . !

أمـا لو كان خبر سيء بعيد عن الخبر السعيد . . و ما ليه دخل فيه . . ؛

راح تصدر مني نفس ردّة الفعل بس زيادة عليها إنـّي راح أتذكر الخبر السعيد . . ؛

عشان ترجع لي فرحتي و ما أتضايق و لا أفكـر في الخبر السيء . . !

أمـا سالفة إنه يضيق يومي . . لـا أبداً ما أحب أخلي شيء يعكر يومي بكبره . . ؛

كل ما أجي بفكـّر . . أرد أدوّر لي شي ثاني أفكـّر فيه أو أشغل نفسي به . . !

يعني خاصةً في سوالف المدرسة . . البنات لمـّا ينقصون درجات أو شيء من هذا القبيل . . ؛

يضلون طول الأسبوع يندبون حظهم و مزاجهم متعكر . . أني أبداً ما أحب هالشي . . !

أحاول أنسى . . و الحمد لله إني وايد مؤمنة بالقضاء و القدر . . يعني أي شي يصيدني دايماً أقول:

{قدّر الله و ما شاء فعل} . . و أتيقن إن هذا الشي فيه صلاح لي . . و الله إن شاء الله راح

يعوضني في وقت غير أو بشي غير . . !

إلا إذا كان الخبر السيء خبر وفاة أحد عزيز عليّ أو شي من هذا القبيل لا سمح الله . . ؛

أكيد ردّة الفعل راح تكون غير =)


ترى كل اللي قلته مو تصنّع عشان أبيّن روحي بصورة حلوة . . أبداً كل إللي قلته فعلاً أسويه و يصير

و ربـّي شاهد علي


يمكن أكثر موقف يدل على هالشي . . لمـّا مرضت و ما قدّمت امتحان العرب النهائي . . ؛

الكل زعل عليّ من أهلي و رفيجاتي . . و بعضهم لاموني ليش ما قدمتينه . . ؟ !

ألحين اسمج ما راح يطلع في الجريدة . . و يمكن تخسرين البعثات و غيره . . !

و كانوا البنات دايماً يقولون لي أشياء و إيحاءات سلبية و محبطة . . !

لكني ما اهتميت لها . . يمكن صج أفكر شوي . . ؛

بس دايركت أنهي هالتفكير . . الله قدّر هالشي و صار . . خلاص . . !


أحس روحي قرقرت وايد


و مثل ما قلتين إن شاء الله ما نصادف مثل هالمواقف في حياتنا ^^