السلـآم عليكم ~ هاذي احلى ايميل وصلني من ماميتو العزيزة { المــوقف مثــل ماقالتــه "صديقتي " لي... كنت معزومه انا ونـوره صديقتــي علــى عشى في واحد من المطــاعــم معا بنت خالتي وصديقتــها ،،.. دخلنا المطعم وشفنا البنــات كانو حاجزين لنا طاولة على الزاوية ينتظرونا ،، طلبنا ولحقناهــم .... وعلى الطــاولــه: سحبت "نوره" منظرة الجيب الصغيــره من الشنــطه ،، وتأففت واهي تجووف ملامحها منعكــسه على المنظــره ،، مسحت طرف خشمها بغضب :اوووووووف ياربي خاطري لو اقــدر اشيــل خشمي من مكــانه ...ياربي ..!! استغفر اللللللله ،، ورمت المنــظره على الطاولــه ...وطــلع صوت قووي ،، خــلى الكــل يلتفــت علينــا ،، ... تكلمت صديقة بنت خالتي واهي تشووف ملامح رفيجتي ..!! البنت : اشفيه خشمج ماجوف فيه شي !! غطت نوره خشمها بيدها : شنو مافيه شي،،جووفي شلــون احسه مخرب ملامح ويهي .. "وفركت خشمها وكأنها تبي تشيــله من مكــانه ".. البنت : انا الصراحه اجووفه عــادي ...حمدي ربج .. انتي احسن من غيرج البنت كان صوتها هادي وملائكـي ،، ولما قالت لنوره حمــدي ربــج ،، كان لصوت كلمتها رنه اقووى من الــرنه الي طلعت من المنظره لما رمتها على الطــاولــه ،، ألتفتت نوره لي : أقولج ريمووو بجم اتوقعين عمليات التجميل ؟! ...!! أبتسمت لها وقلت لها المبلغ الي مر على بالي ،، سحبت نوره "بودره من شنطتها ومررتها على طرف خشمها " :اوووف والله تعبت ماتم طريقه ماسويتها ابي أعــدل منه مافي ... جوفي شلوون كنه شاق ويهي نصين ...اوووف " وطقت بريلها الأرض" ..اتعرفين لو عندي هالمبلــغ ماترددت ..سيده دفعته وصلحت هالبــلوه ..بس من وين لي .. طوول الوقــت واحنا في المطــعم ونــوره ماوقفت عن التأفف والعصبيه ،، انا كنت متعوده عليهــا وعلى حركاتهــا ،،بس افتشلت في صديقة بنت خالتي .. يعني اكيد بتقوول عن نوره انها ساذجــه ..وسطحيه..!! وتافهه بعد... وانا ادري انها سطحيه ،، واهتمامها في شكلها وبس ،، ماقوولكــم انها مو جميله ،،نوره الله عطاها ملامح جذاابه ،، بس عيبها الوحيد الي اهي تقوول عنه في "رسمة خشمها" وكانت دايما تتحندى على هالمــوضوع ،،لدرجة ان كل مره تفتح فيها الموضوع ،،اذني تتصكر أوتمتيكيا عن كلامهــا ،،، بس شاسوي صديقتي واحبها ومظطره اتحمل مواضيعــها ... طول الوقت ونوره كانت تغطي خشمها بطرف يدها ،، لما تتأكل أو تتكــلم ،، أذكر كلمتها تترد دايما في بــالي ..(انا شلون اشيل أشين شي فيني في ويهــي ،، يعني لو الله ماعطني ملامح عاديه وخشم عادي ،،جان والله احسـن ،، ) ودايما كانت تقول انها بتضحي بأي شي مقابل "خشم"مثالي ..!! عادي لو تغير بياضها ..او بشرتها الناعمــه،، او عيونها الوسيــعه ،، او ويها المدوور ,,أورموشها الغزيره،،او ...!! الي أهــو ..بس تحصل الخشم الي تبيه .... طبعا احنا كملــنا أكــل ،،ونــوره ،، ماكملــت كلام عن مأساتها ...فقررت أغير الموضوع وكلمــت البنت الي معا بنت خالي ... انا: أجــوفج خذتي كدس ميــل ،، عندج عيال صح ..!! البنت:اي عندي ثلاثه ،،بنتين وولــد .. انا:الله يخليهــم لــج .. اهي قالت 3 وانا اجوف الي عندها بس وجبتين..!! بس ماسألتها ..!!.. مرت دقايق ،،قبل لاتقــول وعيونها على الباب ،، :اكاهــم عيــالي ..يــاو @@ @@ للحــظه الكــون وقف... وكأن كل شي تجمــد،، حتى نوره وقفت عن الكــلام ،، وحسيت بالألوان تختفي منها ،،وعيونها طايره على المــدخل ..!! ادخــلوا ،، ثلاث يهال ماتتجاوز أعمارهم الثلاث والسبع سنوات .. دخل الولد الأكبر وعكازه قبله ،، يمشي بخطوات ثقيــله ،، بطيــئه ،،والألم على ويهه ..!! والثاني ،، دخــل بكرسي "ويل جيــر" .. والإعاقة واضحه في ملامحــه .. أما البنت الثالثه الي كانت على جتف ابوها ،،فكانت الوايرات مغطيتها ... وايرات في كل مكان من خشمها ..وملفوفه على جسمها ،،وبيد أبوها جهاز صغــير.." أبتسمت البنت ،،وسلمت علينــا ومشت لعيــالهــا .. واحنا الصدمــه شالتنا ،،والهدووء مغطي الجــو كسره صوت بنت خالتي واهي تقوول ...(الله يهداج نوووروو ،،يعني كان لازم تتحجين عن مأساتج البايخه اليووم ،،جدام أمل ...مالقيتي إلا جدامها ..!!) وتمتمت نوره بصووت مب واضح :شفيهــم عيالها ..!! نزلت بنت خالتي عيونها للأرض: مثل ماجفتي ولدها الأول فيه قصوور في القلب ،،وجسمه ضعيف ،، وضموور في ساقه ،،..وولدها الثاني ،، عنده تخلف عقلي ،، وماقدر يحرك نص جسمه ،، وبنتها الصغيره ماتاكل إلا عن طريق خشمها بالمغذيات .. (واهني عرفت ليش ماشرت إلا وجبتين )...!! ألتفتت على نوره ،، وشفت لمعــة عيونــها ...!!لمــعة ألم...لمعــة ندم ...لمــعة حمــد وشكــر لربهــا .. ومن يومــها ماسمــع على لسانها إلا الحمدالله ،، ولا اسمع اي كلمه عن شكلها او خشمها ..!! }