[ɴσɴα ♥]

.
.
هلا حبيبتي تفوق الووووصف

انا بصراحه مالي بالجامعه او الكليات او التخصصات
يعني كل واحد وميوله وبصراحه ماحبيت اخش اي منهم
عشان كذا دايركت خشيت معهد ، واخذت دبلوم
وحبيت افيدك انك اذا كنتي سعوديه فـ ما انصحك تخشين
اذا كان نيتك تتوظفين لأن للاسف للاسف للاسف الشديد
هذا القسم غير مرغوب فيه ومو معطينه حقه نهااااائي وماحد يتوظف على طول
انا شفت لك موقع ثاني بدون ذكر اسم بنات يشتكون كثير ولهم سنوات كثيره
متخرجين ولا حصلو وظايف ولا لقو اي وظيفه تدعم تخصصهم وحبيت اقولك !
واقتبست لك كلآمهم ..

البنت الاولى ،

بنااااااااااااات ايش هذا خوفتني انا خريجة خدمه اجتماعيه من سنه وعندي امل اتوظف لانو حابه تخصصي لاكن انصدمت لمن دخلت على موقع المدنيه ومالقيت التخصص وانصدمت اكثر لمن قريت الردود ولقيت بنات من 7 سنين مالقوا شي ليش كذا والله حرام تخصننا ماله قيمه كذا مع انه مهم في جميع المجالات لاكن وش نقول للاسف لاحياة لمن تنادي والمشكله لمن اقول لااحد متخرجه خدمه اجتماعيه يقولون وش ذا التخصص تخيلوا القهر حتى مو معترف فيه والله قهر وحرام وظلم

 

 

البنت الثانيه

أختي متخرجة من كلية الخدمة من9 سنوات وإلين اليوم مالقت وظيفة بمسمى أخصائية إجتماعية ومن وقت ما تخرجت الديوان ماأعلن إلا مرة وحدة ولما الديوان كلموها طلعت الوظيفة في دار الملاحظة والراتب 2000 ريال بس ولازم تنام مع البنات داخل الدار بس الوظيفة ماتجيب همها وتنازلت عنها وطبعا إنتم تعرفون معنى التنازل عن وظيفة حكومية يعنى مالها حق بالوظائف الحكومية وصديقتها كلموها البنت من الرياض وطلعت وظيفتها في نجران في المحكمة والراتب 2000 ريال بس وتنازلت عنها وطبعا البنت كانت طالبه الوظيفة داخل الرياض بس معروفة حركاتهم يبغون كل البنات يتنازلون وأصحاب الواسطات أولى من غيرهم بس الحمد الله أختي موظفة في غير تخصصها ومرتاحة يعني هونوها وحاولوا تدورون خارج نطاق التخصص ولا تفكرون في الديوان المرة الجاية بطيرون البنات لليمن علشان يتنازلون ......

 

 

البنت الثالثه

السلام عليكم الحمد لله يعني مو بس انا . 8 سنوات والى الان ما ني لاقية وظيفة لا واللي يقهرني اكثر انهم صارو يوظفون المعلمات على تخصصنا ويفرغونهم يعني تجيك معلمة دين تصير متفرغة وماسكه ارشاد , على كذا لاقين احد يشغلون فيه هالوظيفة يعني احنا انقول علينا السلام

 

 

البنت الرابعه

اااااااااااااااااااه انا لله وانا اليه راجعون حسبي الله ونعم الوكيل والله يا اختي متسامحه انك من جد حطيتي على الجرح ملح وليمون بعد

 

 

الله المستعان ثمااااااااااااااان سنوات متخرجه من هالقسم اللي يسمونه خدمه اجتماعيه , من القهر اقول كذا , والى يومك ما حصلت وظيفة انا ما ادري وين المسؤؤلين عنا والله حراااام لا وازيدك من الشعر بيت ( زيادة مغثة يعني ) من تقريبا 7 سنوات نزلت وظايف على الديوان لاحظي من 7 سنوات يعني وقتها لي سنه متخرجه , الله وظيفه وانا اطير لك واخم لي هالجرايد من الفرحه بغيت اخذ مجلات بعد مو مصقه , المهم يوم فتحت والقا خدمة اجتماعية يا بنت تاكدي معقوله ( اقولك مو مصدقه ) واقرا واطير عيوني ( يا فرحه ما تمت صارو طالبن سنتين خبره من وين اجيبها ذي وانا ما لي الا سنه متخرجه قلت يا بنت لا زم اتوظف , والله واحاول منا منا والقالي بند والى ساعتك وانا على هالبند (1600 ) ريال ما زاد ولا ريال الى يومك وكل هذا اتحرى الوظايف تنزل علشان اذا طلبو خبره تكون معي 7 شهادات خبره مو وحده بس شكلي ببلها واشرب مويتها ( حسبي الله ونعم الوكيل , الله يرزقنا ولا يضيع لنا تعب ) ادري طولت عليك م بس والله من القهر ما لي الا الله ثم انتم الله يحلها من عنده

 

 

البنت الخامسه

نزلت لجميع التخصصات ولم تذكر تخصصنا .. إذا لهذه الدرجة تخصصنا مهمش ليه يحطون هالتخصص المشكله كرف ودراسه وبحوث وجبنا تقديرات زينه بعد جهد جهيد .. وفي النهاية مافي احد عبر تخصصك ولا شي ...

 

 

المهم ياحبيبتي انو الموضوع تعدى اكثر من 8 صفحات واهم يشتكون

وفيه اكثر من هالخمس بناات بس ماحبيت اقتبس الكل !!!
وحبيت افيدك مو اخوفك بس والله ماحبيت تدخلينه وتتحسفين
وقلت اقتبس لك الكلام الي قريته عن الخدمه الاجتماعيه
المهم اذا انتي حابته وتبينه خشيه
بس اتوقع في هالزمن لاتروحين ورى الشيء الي تحبينه
المفروض تخشين القسم المطلوووب والمرغوب ووظيفته مضمونه
يامشرفـات ياحلوات : مادري ليش احس ان ردي مو كويس وتحطيم * تحطيم
اذا ردي فيه شي غلط احذفو الشيء الغلط
والي يفيد اختنا [ تفوق الوصف ] خلوووه يمكن يفيدهآ
الله يعـين الجميع
.
.