الجزء الثاني
(حياتي غير....مع تحيات قلبي)
الريم:لابس بجوووف بنات اعمامي سلامة:آهااااااا
........................
(سارة قاعدة تكلم تلفوون فرحة من شلتهم المشتلة<<أو مثل ما تسميهم ريم فزعتي طبعا الفزعة من ضمنهم 5 دفشات و وحدة دلوووعة مادري شمدخلها المسكينة معاهم)
فرحة:و الله كان يهبل و لا ضحكتة خياااااال ................ كنت يمووووت من الحيا
سارة:ترى والله ان كلمتيه بنطردج من الشلة
فرحة: أصلا أنا كلمته من زمااااان و خلصت
سارة: يا ال%^&*)*&^% يعلج كل امراض الدنيا صج ما تستحين على ويهج .....أنا كنت خابرتج رقلة و هبلة بس طلعتي مو هينة.......و قوليلي عنه هال%^&^%^& أكثر
فرحة: طول بعرض...خشمة سيوووفييي...شعرة أسود ...ناعم و سيييدةو...و عيووووووووونة ذيك العيون الي تشبه عين الشاهين......و دمة خفييييف زي الماي...... عمرة 16 سنه.....,اسمة حمد
سارة :امحق وصف حتى وصفج مثل ويهج...أحس هالامواصفات قد مرت علي
فرحة:لا عاد الا هاي بعدة عنه و لا تكلمينه ترى أغار
سارة:عدال يالغيرة لا تموتين علينا لا يمط لج عرج ...... عاد مو ميته على حبيبج هذا بو عيون الشاهين مالج
فرحة:باي اصلا انا المينونة الي قاعدة اشكيلج همومي
سارة :هين يا فرووووح ان ما فضحتج عند الشلة
..................................
(و جاااا يووم العزيمة و ريمو موصدقة خبر راحت و طلعت لها ملابس لبست قميص احمر فيه كسرات زي مال الحمل يعني زي الطقة المكسيكية تحت الصدر في حزام عرض ديور و لابسة تنورة بيضة غجرية حطت جلوووس أحمر على كرزي و كحلت عينها و حطت مسكرا و شادو خفيف احمر و بعدين قالت شعري بسويه عند نورو و مسكت شنطة ال في الشيري و لبست عباية حلوة مطرزة بالوردي و فتحة يدها عودة و تغشت)
(الساعة 6راحت مع سلامة ....و نوصفلكم سلامة الي كانها رايحة عرس كانت لابسة قميص عاري من فوق يعني من غير اكمام بيج كله عليه شيفووونو نازل منه لولو و عيله وردة بيج من الشيفون و لابسة معاه تنورة سودة ومسوية ذاك البف الي جنة برج ايفيل لابسة ذاك الكعب<<أعزكم الله....الي جنه برج بيزا المائل و كان بيج عليه وردة و مكياجها كنه عرس بتان )
( يوم اوصلو لبيت بو راشد الي كان حلو و كبير و منسق بطريقة حلوة الرياييل كانو في الميلس و الحريم بالصالة بس ريم كانت جاية من وهل فكان كل عيال أعمامها و أعمامها موجودين يعني كل العيلة الكريمة فبسرعة زي الينيه تسحبت و ركبت الاصنصير و لغرفة نورة و سلامة قعددت عادي و لا كان شي سااااير و ريييحتها كل عطر و عبايتها مرصصه)
الريم:يا هلا بحبيتي القاطعة الي ما تتصل و لا تسلم نورة الكورة
نورة (و هي تعدل شعرها):اهلين بالقمر الي نور البيت
الريم:منور بجودج يا حلوة ... نوير سويلي شعري بما ان عندج ذوق صبري بعج وردتي الي ابيج تحطينها في شعري
نورة(بحيا):مشكورة.....تعالي اسوي لج
(قعدت نورة تسويللها سوت شعرها كيرلي و ردت قدلتها علي و رة و حطت وردة على جنب)
الريم:و الله انج ذوييييييقة مشكوووورة ....الا وين دانية
نورة:مادري بغرفتها
الريم:أكيد تحاتي كرشتها حامل.....متظرتها تولد علشان يوصل موديل جديد اصورة)
( تدخل الجوري الي كانت كاشخة)
الجوووري:الريم جوفيني يا الله صوريني اليوم انا حلوة
الريم(و كانت ةجايبة عدتها):تعالي يا أمورة أصورج
( الريم منسجمة مع التصوييير .... الا يدخلون منيرة و سارة)
سارة:منور وهقتينا مع العيايز
منيرة:شسوي كانو يسألوني عن وصفات الاكل الي سويتها في اخر عزيمة
سارة:و لا هاذي أم ريلج كلة تمدح فيييج حشى مطيرتج السما......ملاك مو منيرة
منير(سكتت)
سارة:ايش فيج لازم تستانسين اليوم حبيب القلب بيوصل
منيرة(بسرحان): اي
سارة:أدري انج مو هامج بس رضيتي علشان جدتي
نورة:و هو بعد رافض .... يقولج ما يبي يتزوج
الريم:ليكون متزوج وحدة مناك علشان جذي رافض
سارة: بس اصلا لو تزوج مليووون برطانية و لو تزوج انجلينا جولي بعد ما تطلع مثل منور القمر
نورة:و انتي الصاجة
الريم:اصلا هو منو علشان يرفض منور و شاف خشمة في المنظرة هالفلبيني
سارة+نورة:ههههههههههههههههههههههههههههههههه
سارة(و هي تضحك):الله يقطع ابليسج شلون جبتيها
(و كل هالوقت كانت منيرة زي الثلج ما همها اي شي ...منيرة بنت على نياتها و تسكت عن حقها و كان طول عمرها البنات يدافعون عنها فهي متعودة انها تنجرح من امها و اختها)
نورة:بس عيب عليكم تطنزون على اخوي الفلبيني ههههههههههههههههههههههههه
(سارة كانت مطقمة و يا ريموووه..بس سارة كانت تبي تلبس قميص سوبر مان بس أمها زفتها و خلتا تلبس زي الاوادم)
(أما منيرة كانت طالعة نعوووومة لابعد الحدود كانت رافعة نص شعرها و حاكة شباصات صغيرة فضية وردية على ورووود و مخلية قدلتها و لابسة جلابية كشخة وردية و حاطة ميك اب وردي خفيف و في ايدها حنة)
(نورة كانت لابسة قميص كينزو بو رقبة لونة بيج على رمادي مكتوب علية بالوردوع الفوشية و وايد ألوان كينزو و كمة طويل و لابسة جينز ازرق غامج و جوتها ..أعزكم الله ...كان فضي المسلطح(كلمه من تاليفي يعني مسطح) و شعرها مثل منيرة)
الريم:الا منووور وين أختج الهايفة
منيرة(من غير نفس):قاعدة تحت
الريم :أبي أنزل مين تحت...عيال اعمامي ماراحو
سارة:لا لاتنزلين كل جيش عنتر تحت لسة ما راحو...اللزقة أنا و منور بالموت شردنا
الريم:و شلووون يعني اليازي قاعدة تحت ...هي مو كاشخة
سارة : جنها مرت أبووووج عطرها واصل لين آخر الشارع و مطلعة قدلتها و مو متغشية....على الاقل سلامو متغشية
الريم و نورة (فاجيييين جلجهم و عيوووونهم شوي بتطلع)
الريم:ما تستحي ....منور روحي عقلي اختج...انا كنت أقووول سلامة هذي الهايفة غطت عليها
منيرة:عادي أمي تخليها
سارة:هي لو عليها أصلا ما كانت تحجبت و لا لبست عباية ...بس يدتي واقفة فويها و عمتي مثلها
منيرة(متضايقة):غيرو الموضوع
سارة : تعالي نروع عند الفيلة دانية رشوود تحت مو عندها
(راحو عند دانية الى كانت لابسة فستان أسود مال حمل و كمة من فوق قصير زي القوس صاير و مكياجها جدا خفيف ماحاطة غير جلوووس وردي و بودرة و مسكرا و كحل من برع و داخل و بلاش وردي و بس)
الريم:الله الله شنو هالشياكة ... تبين توقفين قلب راشد و لا شسالفتج
دانية(استحت شوي): أصلا أنا موقفة قلبة من زمان
سارة:ترى الريم ما تبيج انتي منظرة الي في بطنج عشان اتصورة..عشان جذي تمدحج
دانية: ريوووم سمعيني ترى الجوري كنتي ماخزة راحتج....بس الحلو القادم ما راح اخليج تصورينه و تحطينه في فلكر و بعدبن يعطونة عين و ترى انشاء الله بيطلع حلو مثل أبوه..فأنا أغار مابي البنات يجوفونة و يقولون حلو مثل أبوة
الريم: من زينج و من زين و من زين ريلج الي جنة ماليزي جايبينة مادري من أي جزيرة...و بعدين مو على كيفيج أنا بسال جسووووم الماليزي يخليني
سارة: و بعدين شنو يقولون حلو مثل أبوه ......ههههههههههههههههههه
(الا يرن جوال دانية و كان راشد)
دانية: جاب سكتو خلوني أرد
الريم:اي حبيب القلب ما تقدرين تصبرين
سارة: اي والله و بعدين قيس يزعل من ليلى
(و ردت دانية)
راشد:هلا بالقمر الي منور بيتنا
دانية(مستحية و ويها متقلب سار اشارة مرور و حشت ويها عن البنات):شلونك حبيبي ايش تبي
راشد:بعد هذا سؤال ترى انا سالت جوجو(دلع الجوري)و قالتلي ماما لابسة فستان اسود و سايرة كانها أميرة...صج هالكلام أبي..أشوفج
دانية(استحت):بس البنات عندي الريم و سارة
راشد:عادي اقلعيهم برع...و اذا ما رضو خليني أنا أجي أطردهم زي الحمير
دانية:ههههههههههههههههه لا تخاف و لا يهمك ...أنا باقلعهم برع زي الحمير
راشد:كنت أنغشمر .....أصلا بروح ألحين الميلس قبغيت أقولج ان تقدرون تنزلووون..و بعد ما تخلص العزيمة ..باتهنى بشوفت دانة بيتنا
دانية:الا جاسم متى بيوصل...
راشد :أفا بدل ما تسالين عني تسالين عن هالفلبيني الخايس.....بيوصل(يجوف ساعتة)الحين الساعة 7 ونص ..جاسم بيوصل بعد نص ساعة و أنا و الشباب الصايعين بنروحلة<<يقصد حمد و خالد
دانية: أوك باي
راشد:باي ماي هارت
(سكرت دانية عن راشد)
سارة:كنتي تبين تطردينا يا تنكر الماي
دانية:كيفي غرفيتي و لما حبيبي يطلب مني أنا ما أرفض له طلب
الريم:عاد لا تموووتين يا جولييت
دانية:يلا طوفو قدامي نزلو تحت لان الشباب كله راحوو
سارة:زين ما سوو..
الريم:اي والله فكونا
(نزلو تحت)
(أوصفلكم كانو العيايز قاعدين يسولفون كله في الصالة و عاد سوالفه فلانة مكاتت فلانة تطلقت فلان انتحر حشى وايد يحبون الكدر)
( و كان البنات قاعدين في الصالة الثانية...بس ترى العزيمة مو عايلية يعني كل ه نااااس وااايد بس البنات انا قصدت العوانس و حديثات الزواج هع)
(الريم..سارة..منيرة..نورة..دانية..قاعدين مع بعض و دار بينهم ذاك الحديث)
دانية: الحين المفروض رشوودي و الشباب الصايعين يكونون في المطار
الريم: حلوة الشباب الصايعين
منيرة:ههههههههههههههه بس ليش؟؟
سارة: لان كله طايحين فر بالشوارع و المولات يقطقطون بهالارقام..لاوم نعلم جدي عليهم
نورة:شوفو مناك اليازي جمبها وحدة...بس مين هالوحدة
(تتذكر هالبنت الي حنب اليازي..الحين تذكرتها)
(تقرب الريم من سارة)
الريم:سوسي شوفي هذي ايمان ..السخيفة
سارة:ها. ...صدج من قال الطيور على أشكالها تقع ..طلعت رفيجة يازيوه
الريم:همممممممممممممممممم
(عند اليازي و ايمان)
اليازي:شوفي الريم شو لابسة كلش مو حلو
ايمان : و انتي الصادقة
اليازي:اليوم شفت خالد
ايمان: صدق ابي اشوف هالخالد الي ماخذ عقلج
اليازي:فدييييته طالع وايد رزة و كشخة بالغترة و العقال
ايمان:ابي اشوفة
اليازي(بتفكير): تدرين عندي فكرة عجييبة بنخلي الريم تتوهق و نخلي جدتي و جدي يزفونها
ايمان:تكلمي
(و في المطار)
حمد:شفت خلووود مرت عمي سالم شلون عبايتها
خالد: اي ادري و لا اليازي هاذي ما تستحي كل شوي تغمزلي و انا جاعد جمب يدي كنت بتوهق
حمد: اليازي عادي عندها عكس الباقي
خالد: اي والله الباقي كل وحدة تسحبت لين ما شردت فوق
راشد: يا عيال اركدووو شوي .. هذا جسووم البقرة وينه
(راشد طلع تلفونه يبي يكلم جاسم عطاه مغلق...الا تطلعلة ذيك الينية الي مبكسة و يها بالمكياج و الشعر طالع)
خالد:رشووود شوف الجيكرة الي مناك تاشر على جوالها يعني بطل البلوتوث
راشد:و أنا شدخلني
حمد: خلى نفشلها
خالد:يلا تعال
( راوحو صوبها)
خالد : هي انتي يالشيفة
البنت(عصبت):انت تدري انك قليل ادب... و بعدين انا ما ابيكم ابي الحلو الي معاكم
حمد:ترى هو متزوج و لو درت عنج مرته ...تمسح فيج الارض
البنت (تفشلت و راحت)
(راحو عند راشد)
راشد:وين اختفيتو
حمد:كنا نطردلك الجيكرة
خالد:اي عشان ما تبتلش فيها و تقص عليك
راشد:اشدخل
حمد: اسال مجرب و لا تسال طبيب
خالد:صح كلامه ياما ابتلشنا و توهقنا و صادنا يدي
راشد:يعد تعرفون يالي ما تستحون
(نرجع للبنات..اليازي تقرب من عند البنات)
اليازي(بمياعة):هااااي
الكل:هاي
اليازي:الريم يدتي تقولج خذي دلة القهوة الي بالمطبخ و وديها برع عمي جابر ينتظر قريب الملحق جنب النافورة العودة
الريم: بس عبايتي فوق و المفتاح عند الخدامة
اليازي: عادي بسرعة
الريم(مو مرتاحة):مع اني مو مرتاحة بس مو مشكلة بروح
(سارة تقرب من ريم و تهمسلها)
سارة:ريوووم ترى هالبطة مخططة تبي توهقج
الريم:مادري.. بس امري ل الله بروح
(و عند راشد بالسيارة و هم قريب البيت)
راشد:الحمدالله على السلامة
جاسم:الله يبسلمك
حمد:ما اشتقت لحبيبة القلب
جاسم(باستفهام و شوية عصبية): ما فهمت؟؟
خالد:يقصد منيرة بنت عمتي
جاسم(حس بشي غريب كانه كتوه عليه ماي بارد وحس بزعل لحال منيرة):شدخل
(و وصلو)
( و نرجع للبنات)
ايمان :شسويتي
اليازي:خليتها تطلع برع من غير عباية و اتصلت بواحد من الربع عشان يطلع و يتحرش فيها و بعدين اي احد يطلع و تنفضح
ايمان:و الله انج داهية
اليازي:ادري من زمان
( اطلعت برع و خذت الدلة معاها و هي واقفة تنتظر عمها .. سمعت صوت احدج يتكلم بالتلفون)
....:هههههههههههههه لا يا حبي.. انت تدرين اني ما اقدر على زعلج
(كان هذا خالد..اهني ريم توهقت و ما عرفت من وين تشرد شرق غرب شمال جنوب و خالد كل ماله يقرب صوبها)
(تسمر مكانه يوم شافها و حس بخجل كانت الريم صج طالعة قمر و هي زي الصنم مو عارفة شلون تتصرف..حس بنفسه و نزل راسه و لف عنها)
خالد (يكلم نفسه):هذي من بصراحة قمر... بس منو؟؟..مارة علي من قبل..بس مستحيل تكون الريم....بس الريم طلعت قمرررررر ..أحلى بواااايد من القمر
الريم(تكلم نفسها):هذا من وين طلعلي..ما لقا الا الحين يكلم تلفوون..و هالفاضية حبيبته ما لقت الا الحين تكلم
(و جا عمها جابر )
جابر:عسى ما شافج أحد
الريم(ما عرفت شلون ترقع):اي خاالد شافني بس صد بسرعة و انا ما عرفت شلون اتصرف تدري عمي
جابر: خلووود الاهبل زين بعد صد ....هالصايع ما اعرف شاسويله
(عطته الدله و راحت)
(رفيج اليازي توه واصل بعد فوات الاوان)
( ادخلت الريم من المطبخ الا تلاقي سارة تنتظرها)
و بس