ماشي البارت الثاني
زي ما يكون لامم كل اللي على حبل الغسيل ولابسه على بعضه وبقيت متاكدة انه ما عندهمش في البيت مرايات وان امه واخته عندهم عمى الوان البيه لابس قميص اصفر وبنطلون ازرق وبلوفر اخضر وفوق كده كله كرافته من النوع عديم الالوان يمكن كان لونها ابيض ايام الانجليز وهو وارثها من جد جد جده قلت في نفسي: مش مشكله بيقولوا الراجل ما يعبهوش الا جيبه واهو يبقى العريس ملون زي التلفزيون الملون مشرق كده ومقبل على الحياه هو صحيح اذنيه مخاصمين راسه خالص واسنانه بيحبوا بعض اوي لدرجة انهم راكبين فوق بعض بس خلقة ربنا يعني المهم العقل والشخصيه واول ما دخل بابا راح واقف (اسم الله عليه مؤدب يعني)وانطلقت امه تعرفه زي ما يكون في برنامج مسابقات الدكتور سامي علاج طبيعي قام هو مكمل تقديم المحروسه امه:وبتقلد قنانين كمان! ايه الهبل ده بأه !! هما كانوا عاملين برنامج مواهب والا هو مقدم على شغل في مسرح اطفال ! بابا عداها وقال له: ااه اهلا وسهلا اتفضلوا وبص لماما بصة معناها ايه الخيبه اللي انتوا جايبنها دي المشكله ان العريس انطلق يحكي على صولاته وصولاته في عالم التقليد والخيبه امه منشكحه ومبسوطه اوي على انجازان ابنها في الحياه وفجاه بص في الساعه وبص لبابا وقال: يا عمي ممكن اسال سؤال وتجاوبني بصراحه؟
ابويه رد علي بقلق: ايوة يا بني خير ان شاء الله ؟
قال:هو التلفزيون ده بيشتغل ولا لا؟
بابا فوجئ بكده وقال: بيشتغل يا بني بيشتغل.
فجاة البيه المحترم راح قايم وفتح التلفزيون وقعد يقلب في القنوات لحد ما جاب قناه فيها مباراة لنادي الزمالك وبابا وماما قاعدين مذهولين وبعد شويه بدا يتحمس مع اللعب ويعلي صوته ويقول: شوت يا عم ايوه يا عم ايوه كده ياااااااااااااه الحكم ده مابيعرفش يحكم (وبابا وماما قاعدين) ماما حبت تحرجه بالذوق كده وقالت:
خلص البارت الثاني وفي ثالث بس الثالث الاخير ومثير مش هكتبه الا لما تردوا
