[M A H O O Y]

هلَـآ بكْ جُمـآنْ . .
منورة الحِتَّة . .

:

* مـآذـآ اخترت ..! أحب المدرسه .. أم لآ احب المدرسة

 

 

 

 

أحبهَـآ طبعًا ,

* لمـآذا ؟

 

 

إحسَـآس الشخص إنه مرتبطْ بدَوآمْ كلْ يومْ ويشوف النَـآس ويغير جو ويشغلْ وقته بالمُفيد هذا أسعدْ شيء ، وطبعًا فيه أسباب كثير ثانية لكنْ راح أقتصر على هذي . .

* صار لك موقف حلو في المدرسه ؟ طيب قولي وشو

 

 

موقفْ حلو مممممممم ، ما أدرِي وش المقصدْ من السؤالْ بس فيه هذول الموقفين :

سطحْ المدرسة مكان محظور على الطالباتْ . .
وكُل ممنوع مرغوبْ كالعَادة . .
قبلْ العام (أولى متوسطْ) لمن خلصت حصص الجمعيات انتشرتْ الحوسة بالمدرسة . .
فقررنَا أنا ووحدة من البنات نطلعْ الدرج ونرقى للسطح . .
المُهم طلعنا وجلسنا نتفرج على البيوتْ الي حولنا وندورْ . .
طبعًا باقي الشلة تحتْ ، يستنونا عند الدرج . .
- مبنى المتوسط والثانوي مفتوح على بعض ، يعني يطل الدور الأول على الثاني والسطحْ فيه من تحت شبابيك فأي أحد يطلع ممكن الناس تشوف رجوله -
لأنْ لو طلعنَا كلنا بيرتاعونْ الناس وشْ هالقطيعْ الي يطامر فوقْ وثمْ تكتشف المُساعة وترمينا وحدة وحدة مع السطح . .
قررنا أنا والبنت ننزل (طفشنا) ، أولْ ما فتحنا باب السطح وجينا ننزل طليت عند بداية الدرجْ . .
إلا وفيه عامِلة (شغالة) حقت المدرسة جالسة على أوّل درجة ، والمدرسة زحممممة مرة والأسياب طافحة من البناتْ . .
صديقتي الخبلة كانت تبي تنزل ، معطتها مع شوشتها لأن لو فكرتْ تنزل وشافتها الشغالة راحْ تعلمْ . .
طليت بطرف راسي لقيت البنات يسحبونها ويقولون لها تجي مدري وش تسوي ، وهي تخيلوا وش تقول:
"أستاااااذة فلااااااااانة"
بغييييييت أنزل أشرحهَا ، المُهمْ قامت نص دقيقة وما صدقتْ أنا طمرت الدرجات كلها وانجرحت يدي من الرجة ,
رحنَا الفصل وقالت لي وحدة من البنات السالفة ،
الشغالة كانت تنادي وحدة من الأستاذات لأن يوم فتحنا باب السطح دخل نورْ الشمس منه . .
وهمْ أقنعوها إن فيه مويه مكبوبه بالفصل على الأرض يبونها تجي تمسحه - الله لا يعاقبهم خخخ -
عادْ قامت وهي تسحب رجولها ، أو بالأصح هم طيروها . .
المُهم رحت تسدحت بالفصل وقدامي 3 بناتْ كل وحدة معاها قارورة مويه (علامة الجودة ذاك الوقت) . .
فجأة جت بنت طايرة ودخلت الفصل بغت تقلع الباب:
" بناااااااااااااااااااااااااااااااااااات الشغالة جايه"
طبعًا ما فيه مويه ع الأرضْ ، فدايركت البنات الي قدامي فتحوا قواريرهم وكبوا موية على الأرض . .
- وحدة من البنات كانت قارورتها فيها ثلجة طاحت مع المويه خخخخخخ -
دخلت الشغالة ووجها مفعص من التعصيب ومسَّحت المويه وطلعتْ . .
والحمد لله تمت المُهمة بأمان . .

+

بقولْ موقفْ صَار لي بأولى متوسّط [سنة الشطانة ] . .
احنا بين الابتدائي الصفوف العليا والدنيا مثلْ المبنى ، المهم أسيابه صغيره وضيقة مرآ بالكآد يمشون 3 جنب بعض >< . .
قررنا أنا والشلة الكريمة - كنَّا أكثر من عشرة - إننا نتسلل من الصفوف العليا للدنيا عبرْ هذا المبنى الضيق . .
لكنْ ما بغينا يعرفون هوياتنا ويكتبونا تعهد ولـا مخالفة بسبب كثر ما اقترفناه سابقًا وكتبناه . .
المهم محدثتكم العبقريَّة اقترحتْ عليهمْ إنهم يلبسون العبايات (عباياتنا عَ الرَّاس بقرار من المدرسة ) . .
نلبس العبايات ع الكتف ونطق اللثمة بالطرح . .
ولكم أن تتخيلوا الشكل . .
بات وومن شكلْ غير ، والله دراكولـا ، أشكالنا تخرعْ ، وكل وحدة لثمتها أحلى من الثانية والعكس صحيح . .
طبعا المبنى من جوا كان مفخخ ومليان غرف معلمات . .
فقررنا إننا نركض بالأسيابْ لما نوصل . .
تخيلي إنك معلمة جالسة بالغرفة ومن الباب شفتي أشياء سوداء تركضْ بعباطة . .
لمنْ قربنا نوصلْ لنهاية الطريق وتجينا ذيك الأستاذة !
شكلها صغيرة وحليوة يبعث عَ الطمأنينة ، لكنْ نظراتها الخارقة ما تبعث ع الطمأنينة أبدْ . .
وصوتها الحاد كذلك . .
و آآآآآآآآآآآآآآآآآآآآآآآآآآآآآآآآ . .
طبعًا أنا بالتسلل كنت آخر وحدة من كثر ما أنا شجاعة وأحمي الفريقْ من ورا . .
فلما خرعتهم الأستاذة كنت بالمقدمة بالنحشة . .
وصرنا نركض أسرع مما كنا نركض واحنا ندخل . .
ونركض نركض نركض . .
وأخييييييييييرًا باب الخروج والفرج وناسة ، طبعًا الأستاذة كانت تركض ورانا خخخخخخ . .
و . . . . .
كان عندْ باب ، كان فيه درجة صغيرة وقسمًا ما يتعدا ارتفاعها 3 سم . .
مدري وش الدعي منها . .
ع العموم ، تكرفست محدثتكم فيها بالعباية خخخخخخخخخخخخ . .
والجيش الي ورا حوالي 10 بنات طاحوا فوقها >< . .
حمدتْ ربي ذيك اللحظة إني مو نحيفة عشان ما أتكسر صدق . .
قعدنا منسدحين نص دقيقة عَ بال الأستاذة ما توصلنا (ما كانت تقدر تشوفنا لأنها بلفة - أحد فهم؟ -)
المهم أول ما وصلتنا في جزء من الثانية تفرقْوا الباتماناتْ وكل وحدة متبرية من الثانية وتخبت وفصخت العباية والطرحة . .
وتوتة توتة خلصت الحتوتة . .
وللأسفْ مشروع التهريبْ ما نجح :_: . .

* صار لك موقف محرج في المدرسه ؟ طيب قولي وشو

 

 

يمكنْ هذا تعتبرونه مُحرج :

دايمًا أوصل للمدرسة الصباحْ بدري قبل الطوابير بربعْ ساعة . .
المُهم وأنا أهجولْ بالمبنى تحتْ جتنِي وحدة من البنات قالت لي أستاذة الإنجليزي تبغاكْ . .
رحتْ عندها كانت في واحد من الفصول ومعاها كمْ بنت . .
وأنا واقفة أشوف وش تبي معطتنِي وخذتْ كم بلونة كانوا معاها وتحشرهمْ بالبلوفر حقي >< . .
أنا مرتاعة مدري وش السالفة ، ويسحبونِي وحطونِي بغرفة المُساعدة الي يطلعون منها البنات ع الإذاعة . .
طبعًا بالطريق حسيت عيونْ الناس دخلتْ بذا البلونات من كثر ما همْ مرتاعينْ . .
وأنا أهوشهم وش السالفة؟
قالوا لي أنتِ بديلة وحدة بالإذاعة ما جت للحين . .
ما شاء الله علي فزعة غصب عني . .
كان فيه بنت برا تقرا قرآن . .
لمن خلصت دفونِي البنات برا ، قلت لهم "وش أقول؟" قالوا اطلعي وصارخي:
" آآآآآآه يا بطنِي آآآآآآآآه"
كانت قُبعة البلوفر علي ومغطية عيونِي ما أبي أشوف أحد أخاف أنفقع من الضحك . .
المُهم إني طلعت وصرت أقول:
" آآآآه يا بطنِي هههههههه آآآآآآآه يا بطني ههههههههههه "
بعدين طلعتْ وحدة من البنات وجلستنِي على كرسي . .
كانت لابسة بالطو وسماعات طبية فاستنتجت إنها دكتور ، ووحدة وراها مدري وش محلها من الإعراب . .
والدكتور يحط السماعات على ذا البلونات الي كانها دوالي . .
والي وراه تقول:
"يا دكتتتتتتتور عالجْ بنتي عالجها"
فاستنتجت إنها أمي ، وأنا جالسة بس أنتظر أحد يطلع ويمعط شوشتي عشان أستنتج إنه أخوي . .
المُهم أنا مغطيه وجهي بقبعة البلوفر وميتة من الضحكْ . .
ويسألني الدكتور "وش يوجعك ؟" أقوم أنا أتنح مدري وش أقول . .
تقولي البنت الي وراه الي هي أمي "قولي بطنننني" ، بعدين أقول "بطننننني هههههههه"
وهكذا ، عاد الكتور طلع البلونات وكل بلونة مكتوب فيها صِفة شينة ومدري وش . .
طبعًا لمن خلص الدكتور (الي هو البنت) وطلع كل البلونات أنا قاعدة أطالع جوا البلوفر مسسسستانسة إنه خلص . .
وأول ما خلص المشهد صاروخْ على الطابور حقي . .
ووجهي لونه رمادي . .
والحمدْ لله مر اليوم ع خير عقبْ ما عايرتني نص المدرسة على شكلي الصباحْ . .

* كم صـآحبـآتك ؟

 

 

 

 

كثيييييييييييييييييييير ، ما عندي صديقات مُحددات . .

* انتشرت ظاهرة الشلل بين اغلب المدارس عندك شله ؟ طيب كيف كونتيها ؟

 

 

كانْ عندي شلة قبل العام وكنا أهبل شلة وما فيه أحد ما يعرفنا ، بسْ خلاص الحين تركتها . .