لمسات عائشه ايه شغلهم ثقيل ثقيييل بعض الناس يجوزلهم .. !! مااذكر شفت مكياج لبناني عندهم بس صديقتي تقول مسويه عندهم وجايزلها ..
الليزر اذا تبين بس الشنباات خخخ انصحك فيه بقوووووه
انا قصتي قصه ..اول شي سويته في الاستشاري الي في الثلاثين كم جلسه ..بعدين الدكتورة راحت لفرعهم الي في المصيف .. ورحت المصيف كم جلسه .. مجموع الجلسات 5 جلسات وماحسسسيت انه خف ابد .. نفسه هو اياه ماتغير ..!!! وكنت مرتاعه لانهم يشيلونه بموس .....!! تخيلي وجه وبموس وش بيصير ..!!
ومن ثاني جلسه قب وجهي حبوب 
>>تذكرت ذيك الايام .. حبوب حمرااء تجلس اسبوعين ثمن تبقى اثارها اسبوعين ..وترووح .. ومايمدي استانس الا اروح الجلسه الي بعدها ..!!
والله وجهي ذيك الايام يضيق الصدر ..!!
تركت هالعياده..حسيت انهم ماديين وهمهم الفلوس بس..
رحت للدكتورة اقولها شوفي طلع لي حبوب .. قالت : عادي شي طبيعي ..!! وشو طبيعي !! انا بشرتي مافيها حبووب ليش تطلع !! قالت: اصلا بشرتك تحتاج تنظيف ..!! وكل ماجيت تقولي لازم تاخذي موعد للتنظيف واسفهها .. والي تعمل لي الجلسه الممرضه ..!! الدكتورة بس تشرف عليها !
تركتهم ..
ورحت لمركز اباس د.شهلا .. في القدس اظن او الحمراء قبال فرايديز مااعرف وينه بالضبط بس مدحوها لي ورحت لها مع انها بعيده عننا مره ..
هاوشتني قالت ان وجهك حساس والليزر يبغاله تعقيم قبل وبعد ..سالتني كانوا يعقمون وجهك؟ قلت لا
قالت خلاص الحين لازم اعطيك دواء رواكتان 7 شهور وانا بسويلك الليزر قلت طيب نشوف !
خلصت 7 شهور العلاج .. باقي اسبوعين ..
وسويت عندها جلستين ليزر .. الحين وجهي تغير 180درجه ..الحبوب اختفت ولا نص حبه ياااارب لك الحمد
واسوي الليزر واطلع يحمر وجهي يووومين شي طبيعي بس ماتطلع ولا حبه ... تكثر معقمات وتتوصى لين اشرق بريحته ..
وتشيل الشعر بمقص صغيير مو موس وهذا مريحني كثير اقل شي ما تغلظ الشعرهـ
بس انها اغلى من المركز الي قبله !! مع ان الاستشاري متخصصين في الليزر !!
الاستشاري يسوونه لي ب150 وشهلا تسويه ب300
>>>قصه حيااتي خخخخخخ
بس اذا بتشيلين الشنب احس عادي ماله دخل ليش تطلع حبووب!!