[!..الـ ج ـود..!]

محمد بيروح خلآص ويودع اصحابه عالسريع ..
فايز:ساامحني محمد والله مادريت انها خطيبتك ..
محمد:آآه منك بس تصدق وش ودي ؟
فايز:ادري ودك تقطعني تعضني يااخي والله مااقدرت اتمالك نفسي
محمد:وشهو ؟؟ اقول انطم انطم
مشعل:عن شنو تتكلمون
محمد:مو وقته هالحين بروح ..
..
يبوسهم محمد ويودعهم ..
.. الخ ..
وراح محمد ..
...

مشعل:فايز وش السالفه الي بينك انت ومحمد وخطيبته ومدري وشهو
فايز:وااااااااي يامشعل وربي وربي ملالالالالالاك عالارض ..
مشعل:وشهو ومن تقصد ؟
فايز:خطيبة محمد واسم على مسمى .. اسمها دلع ..
مشعل:ياويلي بس .. ووين شفتها طيب ؟
فايز:والله ياطويل العمر كانت بالمطار ومادريت انها حبيبة محمد قمت ورقمتها وبالصدفه جاء محمد وشافنا ويا بعض وعصب وزعل ..
مشعل:مالك داعي صراحه
فايز:ياهوووو والله لو دريت انها حبيبة محمد كان لفيت من جنبها ولا حتى اطالع .. بس وربي خقق
مشعل:لو كل واحد يفكر ان كل بنت يشوفها اخته كان المجتمع بخير
فايز:عايش سني يااعمري قبل لااتزوج وانحبس لااقدر اطالع ولاشي
مشعل:عيش عمرك بس وش تقصد انك مابتطالع وتنحبس هذي زوجتك قدامك مستحيل تطالع بأي وحده غيرها لآن سبحان الله بعض الرجال من كثر مايحبون حريمهم يشوفونهم ملكات جمال
فايز:ان شاء الله اكون من هالنوع..
مشعل:اشك والله
فايز:تخيل دلع وش كانت لابسه ..
مشعل:فااااااايز حرام عليك تعتبر هذي حرمت خويك انت ترضى احد يتكلم عن خطيبتك كذا
فايز:خلآص يارجال فكنا ول ..

...
محمد بالطايره تذكر هدية دلع .. وحااب يفتحها ..
بس قبل لايفتحها جلس يتآمل بالورقه وبخط ايدها ..
بعدين فتحها لقاها [ ساعه ] بس مو اي ساعه ..
ساعه غااااليه جداً وفخمه وشيك .. محمد اندهش من حلاوة هالساعه ..
جااء بيلبسها الا لمح شي مكتوب خلفية الساعه طلع حرفه وحرف دلع .. m d - love
وعجبته جداً جداً واستانس فيها حيل وكان وياه خويه عامر .. >>خلوني اوصف لكم عامر ..
[ عامر واحد مثقف شايف نفسه شوي محترم عمره ماتلقف عشان كذا ماسأل عن الساعه ولاهمته طويل ابيض وسيم جداً ويلبس نظاره .. وفوق كل هذا ثقل ]
محمد:عامر عامر
عامر:نعم ؟
محمد:شوف هالساعه
عامر:ماشاء الله حلوه وذوق
محمد .. يوريه مكان الحروف : تشوف تشوف ..
عامر : ام ودي ؟؟ ولوف بعد ؟
محمد:هذي خطيبتي معطيتني الساعه هديه
عامر:ماشاء الله عسى ـآ الله يخليكم لبعض ..
محمد:تسلم تسلم عقبال مانفرح فيك
عامر:شكراً
محمد:نظارتك عجبتني ..
عامر:شكراً
محمد:عفواً
عامر:ماراح تشتاق لخطيبتك ؟
محمد .. يكلم نفسه يازينك ساكت: الا والله بس الله يصبرنا
عامر:امين ان شاء الله >> يلقى جرح على ذراع محمد .. :سلآمات وش ذا
محمد:لآ ولاشي بس من زود المحبه >>ويوريه الجرح الي سواه
عامر:احبك دلع ..؟ من جد منت صااحي مجنوون
محمد:والله احبها وش اسوي
عامر:سااحرتك عشان تجرح نفسك .. ولا لايكون تحدتك معروفين بنات هاليومين
محمد:عاامر اسكت بالله وش ساحترني ولا تحدتني اصلا يوم شاافت هالدم والجروح زعلت مني
عامر:طيب دامك عارف ان هالشي بيزعلها وانت ماترضى عليها ليه تجرح نفسك ؟
محمد:احبها والله احبها
عامر:الله يشفيك ولا يبتلينا
محمد:دام حبي لها مرض ماابي دواه
عامر يهز راسه ويبتسم :الحمد لله والشكر

...
دلع .. بالبيت وطفشانه وزعلانه ومالها خلق حق احد ..
وحبت تتصل على خويتها نوف منها تفضفض لها وتشوفها ومن زمان عنها
دلع : الوو
نوف:هلا يااعمري هلا يااقلبي هلا ياروحي
دلع :يووو يو وش بقيتي لي هاا ؟
نوف : يالبييييه من زمان عنك ياادوبا وينك مااصدق اتصلتي وسألتي
دلع:تعرفين انشغلت
نوف:انشغلتي ولا حبيب القلب اشغلك عننا
دلع:هههههههه يمكن
نوف:طيب يادوبا ماتنلامين ., ايوه اخبارك طمنيني عنك من جد لك وحشه ..
دلع:وانتي اكثر ياعمري من جد مشتاقه لك ..
نوف:يالبيه واخبار حبيب القلب
دلع:آه بس آه
نوف:شووووووو سلآمات
دلع:يمديك تجين عندي ودي افضفض لك ..
نوف:حبيبتي والله اوكي مو مشكله .. بعد المغرب وانا عندك ..
دلع:يالبى قلبك يانوف من جد انك طبقتي مثل الصديق وقت الضيق
نوف:ياشيخه حاسه فيك واحنا خوات ونحتاج بعض
دلع:الله يخليك ان شاء الله يلا حبيبتي لاتتآخرين بعد المغرب وانتي عندي
نوف:ابشري ابشري بس جهزي صينية الحلا
دلع:ولايهمك بس جيبي معك القهوه
نوف:طيب طيب يلآ ياقلبي بدك شي ؟
دلع:سلآمتك ..
نوف:الله يسلمك بيباي ..
دلع:مع السلامه ..

...
تنزل دلع لامها بالصاله كالعاده ..
ام دلع : حيا الله دلع
دلع:هلا
ام دلع:شفيك ؟
دلع:ولاشي
ام دلع:ساافر
دلع:ايه
ام دلع:الله يصبرنا اتصلي على امه وواسيه
دلع:وشهو يمه الي يسمعك يقول انه بسم الله عليه بعد عمر طويل مات
ام دلع:بس سنه مو شوي عليها بتصل عليها وانتي بعدي
دلع:اووكي
ام دلع .. تتصل
ام دلع:الوو
ام محمد:هلا هلا .. هلا وغلا حيا الله ام دلع
ام دلع:هلا فيك ياام محمد شلونك يالطيبه عساك بخير
ام محمد:الحمد لله بخير انتي شلونك
ام دلع:بخير الله يسلمك
ام محمد:الحمد لله وش اخبار عروستنا دلع عساها طيبه
ام دلع:الحمد لله جنبي تسلم عليك والله
ام محمد:الله يسلمها ويسلمك
ام دلع:وسعي صدرك يااختي ولايكدر خاطرك بعد سفرة محمد
ام محمد:والله ماتتخيل البيت من دونه احسه موحش ..
ام دلع:المفروض تستانسين انه بيروح ينجح ويدرس
ام محمد:الله يوفقه ياارب
ام دلع:دلع تبي تسلم عليك
ام محمد:جبيها والله اني مشتاقه لها
دلع:الوو ..
ام محمد:هلا والله وغلا
دلع:هلا فيك خالتي لك فقده والله
ام محمد:وانتي بعد ياابنتي مشتااقين لك
دلع:تشتاق لك العافيه ..
ام محمد:شخبارك يابنتي
دلع:الحمد لله على كل حال
ام محمد:متضايقه عشان سفرة ولدي موو
دلع .. يحمر وجهها وتنزل راسها:ههه اي والله
ام محمد:يلا حبيبتي لاتتضايقين ولاشي مو رايح هالسفره الا عشان ينجح ويمشي زين ويخلص بسرعه وتتزوجون
دلع .. تستحي :الله يوفقه
ام محمد:امين وياك حبيبتي ..
دلع:تسلمين
ام محمد:ومبروك عليك النجاح والتخرج
دلع:بدري خالتي نسيت وتوك ذكرتيني
ام محمد:هههههههههه اعذريني والله اصلا مادريت الا قريب مع محمد وكنت ناويه ابارك لك
دلع:الله يبارك فيك وتسلمين ماتقصرين
ام محمد:الله يسلمك حبيبتي
دلع:يلا يالغاليه مااطول عليك توصيني شي ؟
ام محمد:سلآمتك حفظك الله
دلع:الله يسلمك مع السلامه
ام محمد:فمان الله
..
وتسكر دلع ..
ام دلع:سلآمات وش فيه وجهك حمر ؟
دلع:شوي سوالفها تحرج
ام دلع:ههههههههههههههههه
>>تقوم وتسوي حلا وتنتظر نوف تجي ..