السلام عليكم و رحمة الله و بركاته
قضية نسمعها كل يوم !
بنات الثانوي !
يا ما نسمع كلام عن بنات الثانوي
قلة أدب
مافي احترام
أسلوب واطي
لبس مو عدل
لسانهم طويل
ووووو .... الخ
اتهامات توجه لبنات الثانوي
و تشمل الجميع
بالطبع بالطبع ان مو الكل سواء !
و بنات الثانوي مو سواء
و مجتمع الثانوي مجتمع رائع
أنا بالسنة الأولى من الثانوي
قبل أدخل الثانوي كنت خايفة
خايفة من بنات الثانوي و شنو يسوون !
بس لمن دخلت
حسيت ان مجتمع ثااني تماماً !
مجتمع رائع و جميل
بنات الثانوي مو قلة أدب نفس ما تقولون
في فئة منهم جذي عشان بيقولون ان كبروا
بس ما يشمل الكل
أغلبهم يعاملونج باحترام و أدب
بس مو تعاملينهم بقلة أدب
و تقولين عقب ما احترموني !!!
احنا عندنا مبدأ الاحترام أهم شي
مو أسوي شي تقعدين تصارخين بويهي
و تهينينني جدام البنات
عقب تقوليلها مو محترمة و تحولينها عالإدارة !
صج فيه بنات يلبسون مريول ضيج !
مخصر عليهم
و لا حاطين ميك آب
بس ترى هذولة مرات يكونون أكثر ناس محترمين
بس انهم يبون يظهرون نفسهم
مو معناته تقللين من احترامهم !
المشكلة نظرة الكل لبنات الثانوي
على انهم قلة أدب لا أكثر !
و يعاملونا بلا أدنى احترام
و باحتقار تام
جنه احنا و لا شي
فيه أبلات يعاملونا على ان فاهمين
بس فيه ابلات يعاملونا بنفس خايسة !
شييي ينرفززز
يخلونا احنا ما نحترم نفسنا غصب
بنات الثانوي أفهم ناس
عامليهم بعقل
و احترام
تلاقين منهم أشد الاحترام و التقدير
أترك لكم المجال
للتعبير عن آرائكم
fkJJJNj hgeJJJNk,d Z !
الموضوع الأصلي :
بنـــآت الثـــآنوي ~ !
||
القسم :
مـعـنـا أنـتِ مـحـاورة نـاجـحـة
||
المصدر :
منتديات بنات دوت كوم
||
كاتبة الموضوع :
حروف