يآآآآآي فكرة حلوة باقولج اول يوم لي في المتوسط اللي كان امس !! صحتني امي الساعة خمس و ثلث ، رحت خذيت دش غسلت اسناني ، تريقت و سويت شعري ، جات الوصالة الساعة ست الـآآآآ عشر " على قولة رفيجتي افتتح المدرسة " المهم وصلت كاانت المدرسة فااضية حد ابوهة ، سوولي فحص مال الخنازير طلع مافيني و الحمدالله ، دورت صفي حصلته و دشيت حجزت كرسي اخر كرسي في الصف حطيت اغراضي وطلعت انطر ربعي عند باب الـأدارة ، عاد وانا انطرهم ياتني مرة عودة قالتي ردي ورة ؟! ماعطيتهة وجه وتميت مكاني ، يات كره ثانية وقالتلي نفس الحكي ، كمان ماتحركت ، بعدها جات استاذة كان عبالي انها المديرة قالتلي اوقفي ورة ، رحت وقفت ورة عقب يات رفيجتي مع امهة دليتهم صفهة وقعدت شويتن معاها ، عقب جاتهم مربية صفهم فأنقلعت صفي ، يووم كنت بادش انصدمتتتتت لـأن كان مكتوب فوق اول 1 لكن ملصوق ورقة اسامي مكتوب عليهة اول 3 !!! انصدمت سمبل دشتخذت اغراضهة وبدأت رحلة البحث عن صفهة الحقيقي سألت مشرفة مناك وين اول 1 قالتلي آآآخر واحد على يمينج ، حصلته وكان مكتوب فوقه اول 3 و الورقة مالت الـأسماء اول 1 دشيت وجان احصل بنت جيرانة قعدت وراهة ودشت معلمة الفصل عطتنة محااظرة طويلة عن الخنازير ، بعدها بفترة يات المعلمة اللي كانت تقلعني وانا مومعطتها وجه و قاعدة تعرف بروحهة اتقول : اسميي ................ مديرة المدرسة !!! جان تصير عيني كذا ---> من دوون مبالغة !! قالت تعليمات وعن الزي وطلعت ، عقب يابو القائمة مالت الـأسامي كان ثلـآآثة الـأرباع اللي قالتهم مو موجودين في صفهة ، و أنا وحدة كان اسمي مو موجود في قائمته ، جان تقلعنا المشرفة من مكانة ، وتبدأ رحلة البحث عن صفنة الحقيقي الحقيقي "" حصلته وكان اول 1 لكن ملصوق ورقة اول 3 - لوووول - غيروو الـأوراق و دشيت الفصل ، ردت مربية فصلنة عطتنا المحاظرة نفسها عن الـأنفلونزاا ، ياقلبيييييي صدع راسي !! عدت اول 3 حصص مب بسلـآم ، جا وقت الفسحة ، ركبت فوق حق رفيجتي خذيته ونزلنة نمر على بقية الشلة ، حصلنة كرسي فاضي قعدنا عليه ، كلينة وبعدها قمنا كللللللللللللله غبار على المريول !! رفيجتي نفضته لي ~ عقب كنت باروح الحمام مشان اعدل شعراتي بنات الثاني و الثالث كانو ماليين الحمام كنهم نمل على سكرة ، عقب خلصت الفسحة تواعدنا انا و رفيجتي على الحمام الحصة الخامسة ، رحنة حصلنة بعض قعدنا نسالف سوييت شعري وسوت اهيه شعرها ، وطلعنا رديت الصف ، بعدها كان عندنا اسرية حصتيين طفش استغفرالله طرستنة المعلمة واحنا نص نايمين نص صاحين ، طق جرس الهدة و طلعت لكن المشكلة ماعرف مكان الوصالة جاان اوووح ورة عند ابعد باب و اهية واقفة جدام و ارووح عند الباب ماحصلهة وارد عند الباب الرئيسي معاندة ماتحرك ، تخيلوو من 1 ليي 2 دار راسي بعدها جاتني الوصالة و علمتني ويين توقف ركبت السيارة و كنت طبعاً آآخر وحدة وصلت !!! ردييت البيت و بكذا انتهى يومي الـأول ،، لي بااك ~