اليوم كان أول يوم ، باقولكم كل شي
أمس رحت الفراش الساعة 12 ومارقدت إلا الساعة 4 وقمت قبل 5 !!
تميت طول الوقت قاعدة أقرا رواية ليمن صارت 6 ، عقب تجهزت ولبست عبايتي ورحت المدرسة ..
عند الباب الممرضة و معلمتين معاها واقفين ويسوون الفحص ،
دخلت المدرسة ، تميت أجوف وينهم ربعي بس مالقتيهم !!
كنت متفقة معاهم نتيمع عند المدخل ، لأني ماجفت أحد منهم رحت الصف
عند الباب جفت البنات كلهم في الاستقبال سلمت عليهم كلهم
صفنا هالسنة ( صندقة ) بس إنه مطورينه ويقولون مسويين فيه صيانات
طق جرس الطابور بس بما إن مافي طابور مربيات الفصل همه ياو لي صفوفنه
أول حصة كانت المعلمة تتكلم عن الانفلونزا والاحتياطات وهالسوالف اللي مالها نهاية
الحصة الثانية تمت تدرسنا ، وتقريبا كل الحصص كانت دراسة ماعدا المجالات والعلوم ماعطونه شي
خلااص كملت ، اللحين باسوي واجباتي وباجهز لبااجر