( جزء الثامن )
مسكت الظرف وقلبته تدور على اسم
ولقت مكتوب ( ناصر..)
ريم تتثاوب : ريما اتركي الظرف تلقينه حق ابوي وتعرفين ابوي ما يحب أحد يدخل بشغله .. المهم انا بروح انوم < تقلب بعيونها > بدك شي ؟
ريما حطت الظرف على الطآآوله : هممم صح يمكن .. لا سلامتك نوم العافيه
ريم راحت وريما رجعت تاخذ الظرف وراحت على طول غرفتها
بسياره
...( بعصبيه و قهر) : تدرين عهود أخر شي توقعته تسوين كذا ولا مو بس تكلمين تقابلين أهـ بس خساره حبي لك ولله خساره
ولا من القهر تسحبيني لي السياره وتقولي خن نتفاهم هنا .. لييييه ماقلتي له اني انا إلي حبيتك وبعت إلي يبوني !
عهود ببكي : يزيد تكفى خلاص .. خلااااص
يزيد ضحك : خلاص ؟.. خلاص عقب ايش ! بعد ما شفت الخيانه بعيوني
عهود : ........
يزيد بحزن : بس جاوبيني حبك لـي كآن صدق ..؟
عهود نزلت راسها : لاء يا زيد كنت اعتبرك اخ وبس
يزيد تنهد : كنتي تلعبين ؟ على الحبلين !
عهود : .....
يزيد : مابي منك جوآب..أنزلي ونا اليوم ناسيك
/
شـفتها مع رفيق الدرب فوآز
وأنطعن القلب بالخيانه
والقــهـر !
أني توي دريت إنها بالهوى كذابه
ما قول غير !
الله يجآزيك بفعالك ونا اليوم ناسيك
/
نزلت عهود ويزيد راح ~
/
يزيد مشكلته حنون وعلى نياته
وهـو عمره 25 ولد خال عهود
< سعدون ..
ويشتغل دكتور جراحه
/
ببيت ام فيصل
بعد ما طلعو الحريم ام فيصل كانت قاعده على اعصبها ساعه قربت 4 وعهود توها ما جت
ام فيصل : حسبي الله عليها من بنت .. تأخرت وين راحت .. ياخوفي يجي اخوها وهي ما بعد جت الله يستر
فهده نزلت من الدرج وسمعت امها تكلم نفسها وراحت لها
فهده : يـمه فيك شي ..؟
ام فيصل : اختك عهود ساعه قربت 4 وهي ما بعد جت
فهده ضحكت وجلست على الكنبه : يـمه يعني اول مرا ؟
ام فيصل : داريه بس اخوك فيصل قال لو جيت ساعه 3 وما لقيتها موتتها على يدي
فهده : اهـآآ..فيصل موب جاي إلا المغرب
ام فيصل : لـيه ..؟
فهده : دق علي قال قولي لأمي انا رايح الشرقيه لـ شغل وراجع على المغرب
ام فيصل : وتوك تقوليلي ؟
فهده : هع توني اتذكر
ام فيصل : وطلال
فهده : يـمه وشفيك نسيتي مسافر جده..بعدين يمه الحين بسئلك انا امهم ولا انتي ؟
ام فيصل ضحكت : ايه ما شاء الله عليك انتي تعرفين بالهبيت كل صغيره وكبيره
فتحت عهود الباب ودخلت للصاله وهي وجهها مصفر وجلست على الكنبه
فهده بخوف : عهود وشفيك..فيك شي ؟
ام فيصل بعصبيه : توك ترجعين الساعه قربت 4 !
عهود استغربت من طريقة امها اول مرا تسوي لها كذا بالعاده تجي على اذان الفجر ومحد يقولها شي وسكتت
ام فيصل : عهدوه جاوبي
عهود ببرود : وصلت فجر لي بيتهم وغصبتني انزل وقعت شوي وهذاني جيت
ام فيصل صدقتها : همم لا طيب .. اجل يلا تصبحون على خ ـير ...
فهده : ونتي من اهله
بعد ما رقت ام فيصل عهود لفت على فهده
عهود : كــله منك
فهده بستغراب : ليه وش سويت ؟
عهود : لا ولله يعني ما قعتي فوق راس امي وقلتي تأخرت عهود ومدري وشو
فهده بعصبيه : عهود لو انا ابي اشوش امي عليك كان قلت لها سالفة الأستراحه وثانيا تعرفين فيصل وش قال عشان كذا امي خايفه
عهود وقفت : تيب عن اذنك بروح انوم
فهده انقهرت من برود عهود .. ومن بين اسنانها : نوم العافيه ما بعدها قومه
عهود : وشو وشو
فهده سفهتها وراحت
|| بعد مرور 4 ايام بالمستشفى ||
ترف كانت جالسه على الكرسي وفهد على سرير وتمسح على شعره وتقرا عليه
/
دخلت بغيـبوبه
ومرت 4 ايام
وعيوني مشتاقه تلتقي بعيونك
قـوم يا روح ترف
قوم واروى قلبي العطشان
قوم وسمعني سواليفك
فهد
القلب داعي لك
والعين جفها النوم