[شهد الوليد]

عذرا على التأخير !
لـكن واجهني ظروف
وفرمت جهازي ونا كاتبه جزء سادس
وقفلت معي لأنه طويل وقعت كم اسبوع ما كتبت جزء سادس
لكن رجعت اكتب الجزء !

( الجزء السادس )

العم خالد : يلا ادخلي

دخلت ترف المجلس وجلست بعيد عنهم واخذ العم خالد الوصيه من ابو زيد وعطها ترف تقراه
ترف
/
عجبا امرك يا ابي ..!
/
ترف وقفت : إلي تبونه يصير ولي مكتوب بالوصيه يتم
العم خالد ابتسـم وترف استأذنت ومشت عنهم وراحت غرفتها
/
دخلت ترف غرفتها ورمت نفسها على سرير وبكت
وكان بنفسها الف سؤال .. استغفرت ربها لأنه شي ما يستاهل
فلوس لا راحت ولا جت
وراحت تتوضا وتصلي وتدعي لأبوها
/
فـلوس لا راحت ولا جت
لـكن وش حرقة القلب
لاعطيت وآحد ما جاب طاريك إلا لمصلحه !
فعلا عجبا امرك يا ابي
/

بالصاله
فهده : يمممممممممممممممممممه يمممممممممممممه يمممممممممممممه
ام فيصل من المطبخ : قمممممه
فهده ضحكت وراحت عند امها
فهده : يمه ترف لها ساعه فوق وأخاف ارقا فوق والقها تبكي ونا اكره اشوف احد يبكي اتلخبط
ام فيصل : خلاص لا نزلت لها الف حلال .. وتعالي ودي القهوه لخوك طلال بالملحق وطقي الباب قبل لا تدخلين
فهده : طيب .. وليه الخدامه ما توديه
ام فيصل : تعرفين اخوك يشك فيها
فهده : يااربيه يا كثر الخدمات خلي اي وحده تودي له يمه تكفين اطق مشوار للملحق لمااذا ؟
ام فيصل :..امسكي بس ونتي ساكته واخوك يشك بكل الخدمات
فهده : الله يعين زوجته .. وخذت الصنيه واتجهت للملحق " بنساه " فتحت الباب
....... : كح كح .> ونزل راسه
فهده تنحت
....: احممم
فهده بفهواه : وين اخوي
..... بإستغراب وبنفسه تستهبل تسئل عن اخوها وداخله كذا من دون عبايه صدق مافي حيا : وشدراني
فهده استوعبت على نفسها : ااا ها ااا .> وحمر وجهها وحطت الصنيه وركضت جوا
........: هههههههههههههههههههههههههههههههههه
.......: نواف سلامات ليه تضحك ؟
نواف : هههههههه ابد طلال .. احم ههه عن اذنك
طلال : هيه وش قصتك ومن حط الصنيه هنا ؟ ..
نواف بنفسه يوه اقوله اخته بذبحها : شغلتكم يعني من
طلال : اها .. اجل الله مع ـك وخذ الدله مانبيها
نواف ضحك وعارف طلال مايحب شغل الخدم ولا حتى يجبون شي
نواف : لا شكرا اخاف فيها سم ولا شي .يلا فإمان الله
/
همسه
نواف صديق طلال الروح بروح ’
/
عند ترف
ترف صحت وراسها مصدع على اذان العصر
وناظرت الساعه وبنفسها
ترف : اوف كل هذا نوم شكلي اكلت 2 حبات وهـ بس احلااا نومه ولله
و قامت صلت فروضها ونزلت
عند الدرج كانت فهده بترقا
فهده : اوه بدري توا ناس توك تقومين
ترف ضحكت مجامله : كنت مصدعه ولله
فهده : سلامتك
ترف : الله يسلمك
فهده : اوكي يـلآ تعالي نتغدآ
ترف : نعم لا مابي اخوانك فيه وهم بعد ابوك
فهده : لا ابوي مو موجد مسافر
ترف : طيب اخوانك
فهده ملت : طيب اوكي على راحتك
ترف مشت ورقت فوق وفتحت الاب
بصالة الطعام
ام فيصل : فهده وين ترف؟
فهده جلست على الكرسي : ممم عيت تقول مابي اخوانك فيه
فيصل : ليه بنكلها .. قولي لها مو موجد إلا فيصل بتجيك ركض
فهده : هههههههههههههه اصلا شكلها ما تواطنك بعد موقف المطبخ
ام فيصل : خلاص فيصل رح للملحق ويجيك غداك هناك
فيصل : لا يمه ما احب اكل بلحالي
فهده : يااربي
فيصل غمز لي فهده وفهده فهمت
فيصل ضحك : إوك إلي تأمرين عليه يمه ..
فهد : فيصل بروح معك
فيصل: اوكي يلا

ومشو فهد وفيصل وراحو للملحق

ام فيصل : يلا فهده قومي نادي ترف

فهده قامت بسرعه وراحت غرفت ترف

بغرفة ترف
فهده : يلاا ترف انزلي تغدي
ترف وعيونها على الاب : قلت لك مابي
فهده : ولله اخواني مو بصالة الطعام بس انا وامي بنتغدى
ترف وقفت : أوكي يلا
نزلو ترف وفهده واتجهو لصالة الطعام وسمو بالله
.........: السلام عليكم .. اووه موب بعادتكم تتغدون من دوني
ترف دعست على رجل فهده
فهده غصت : اهــــــــــ يا نذله اهــــ يعور متوحشه حشى مو رجل
ترف من بين اسننها : اجل مافي اخوانك هاه
فهده : ولله موب طلال إلي كنت ابيه يدخل فيصل
ترف : لا بعد
ام فيصل : تعال يمه اجلس هاذي بنت خالك
طلال جلس وعيونه على ترف
ترف شوي راسها يدخل بصحن الشوربه من كثر ماهي مدنقه
طلال : شخبارك ترف ؟
ترف : ..............
طلال علا صوته : شخبارك ترف
ترف : ............
طلال لف على امه : يمه طرمه ولا صقهه ؟ وشفيها ما ترد
فهده : ههههههههههههههههههه..كح احم ههههههههه لا البنت تستحي هوع
ام فيصل ضحكت : لا ولله بس شكل البنت تستحي
ترف كانت بنفسها تتحسب على فهده ومن الخجل شوي وتبكي
طلال : اها اجل مع الأيام بتتعود
..............: فهييييييييد مخلتني منطق برا ساعه كل هذا تنزل صاحبة السمو
ترف رفعت راسها لأنها عرفت إهي المقصد
فهده : اوه ههههههههه نسيتك ولله
فيصل سفه فهده وجلس
ترف اخيرا تكلمت بصوت مبحوح : عن اذنكم
ام فيصل : ترف يا بنتي ما كلتي شي
ترف : الله يسلمك عمه بس شبعت
طلال وفيصل ناظرو صحن ترف مالمس شي
فيصل : هههههههههههههه ايه شكلها كلت وغرفت من جديد هع بس ما شاء الله نظيفه المعلقه
ترف حمر وجهها
طلال : خلاص فيصل .. يلا قم نروح مطعم شكل البنت ماتت حيا
فهده : يمه وين عهود ؟
فيصل : تسئلين عن عهود يعني ما تعرفين كل يوم لازم مطعم
طلال : يمه ليه معطيه الحريه التآمه لعهود
ام فيصل : هاذي بنتي وواثقه فيها
فيصل وطلال ضحكو بستهزاء ومشو
ترف : فهد وينه ؟
فهده : قبل لا تجين فيصل بروح الملحق وفهد قال بروح معك وراحو وشكل فهد قعد بالملحق وشفتي فيصل دخل والحين فيصل وطلال راحو
للمطعم و
ترف : بس بس بس .. قلتي القصه كآمله قولي فهد بالملحق وبس
فهده : لا ولله وبتقولين وش يسوي بالملحق و وشوداه هناك
ام فيصل ضحكت ووقفت : الحمد الله
فهده : بالعافيييييييييه
ام فيصل : الله يعافيك
بسيارة فيصل
فيصل : فهد وين تبي تروح ؟
فهد يفكر
طلال : مالقيت إلا تسئل بزر بقولك الحين ودني ملاهي
فهد : لا مابي ملاهي ابي امي
فيصل : ..............
طلال : فهود امك سافرت
فهد سكت ولف وجهه على شبـآك
فيصل : يـنرحم !
طلال : من جـد
ببيت ام فيصل < بغرفة ترف <
كانت منسدحه على سرير وتفكر
طق طق
ترف : مين
فهده : ترف افتحي
وقفت ترف وفتحت الباب
ترف : عسى خير ؟
فهده بغصه : عمي طارق
ترف : وشفيه ؟
فهده : بجي ياخذك
ترف : نععععععم ؟ ليه انا شرطي كان اجي اسكن معكم بشرط مع عمتي شمه !؟ ليه ياخذني مو عشان وزعو الورث بقمون يلعبون فيني
طررررررررررررررررررررررراخ
/
ردلي قبل الكف
كف
/
ترف بعد ماعطها عم طارق كف رفعت راسها وناظرته
/
رفضت انزل راسي
لجل مايبين انكساري
رفعت راسي بشموخي المعتاد
وتحديت هــــــــمي
/
ع / طارق بعصبيه : يلاا روحي لمي اغراضك انتي واخوك بسرعه
ترف مشت ووقفت لما سمعت صوت فهده
فهده : عمي ليه بتاخذها ليه ؟
ع / طارق : انا عمها ولا عندي اولاد وهذا جزاي ابي اريحها < وفراس اصغر وآحد لـكن دوم ينآدونه ابو فراس <
فهده عضت على شفايفها وتدري عمها فري بس شكله ناوي على ترف
ترف بعد ما سمعت كلام عمها مشت وانهارت دموعها ولمت شنطتها ونزلت
ولقت (فيصل, طلال , فهده , عمه شمه,فهد) موقفين بصاله
ابو فراس : يلا ترف سلمي ع عمتك وبنتها والحقيني لي سياره
راح ابو فراس لي السياره وترف حضنت عمتها
ترف : عمتي تكفين مابي اروح مع عمي
ام فيصل من بين دموعها : لا تخافين يا ترف موب مسوي لك شي
فيصل : يـمه دآم وقفت علينا انا وطلال ناخذ لنا شقه
ترف تكلمت بسرعه : لا خلاص..يلا فهـد
فهد راح بسرعه وضم فيصل ولحق ترف
بسيارة ابو فراس
ابو فراس : تـرف اياني وياك ترفعين صوتك على بناتي ولا تنادين الخدامه تسوي لك شي وطلعه من البيت مافيه
ترف عقدت حوجبها
ابو فراس اعلا صوته : فهمتي
ترف : اصـلآ قبل لا تقول .. ما يعلا صوتي إلا إلي يعلا صوته علي .. ونا اخدم نفسي بنفسي وذا طلعات من البيت ما اهتميت
ابو فراس بعصبيه وقف السياره
ترف ارتعش قلبها
ابو فراس : يــــلآ انزلي
ترف رفعت عينها على شباك وتنهدت
ونزلت
فهد نزل ورها واخذ شنطته لـجل ما يتعبها وهي خذت شنطتها
ودخـلو البـيت او بالأحرى قصر كبير اكبر من بيت ترف بمرتين
وترف اعجبها منظر الخارجي بس مابينت لأنه عمها كان ينظرها
ودخلو القصر وكانت عائلة ابو فراس متجمعين بصالة
أم فراس
وريم وريما وفراس
ريم 22 اخر سنه جامعه
ريما 19 ثاني جامعه
فراس 9 ثالث ابتدائي
ابو فراس : السلام عليكم
ام فراس + ريم + ريما : وعليكم السلام
تقدم ابو فراس وترف مشت وراه وفهد ورها
ابو فراس : ريم وريما وفراس هاذي بنت عمكم محمد الله يرحمه ........... ترف ........... وهاذا اخوها فهد
ريم مشت عند ترف وريما ورها وسلمو عليها
وفراس سحب فهد وراحو لي غرفة فراس
ام فراس بلكاعه : ووين بتنوم ؟
ريم : ماما يعني وين بتنوم مثل ما اتفقنا عليه
ابو فراس : يـعني وين بتنام بسـطح وياله بتحملها
ترف اخيرا تكلمت
ترف : طيب دامكم مو متحمليني ليه بعتو بيت ابوي ؟ .. ولا تبون تذلوني !
ابو فراس بعصبيه : لا ترفعين صوتك على عمك .. وحنا جبناك عندنا وبعنا بيت ابوك لجل ما تجبين لنا العار
ترف : انا بنت محمد وتربية ابـوي و أمي .. وكل وآحد يناظر الناس بعين طبعه
ام فراس : اسكتي يا قليلة الأدب وأحترمي عمك
ترف ناظرت ام فراس بطرف عينها ورجعت ناظرت عمها وبـبرود : المهـــم وين بنام
ريم : مكانك بسطح
ام فراس تنادي الخدامه : ميري ميري
ريما : لاء انا بدلها
ابو فراس : لا اقعدي خلي ميري تدلها
ريما :بدلها لأني قايمه قايمه
ابو فراس :بكيفك
ريما راحت لي ترف ورقو فوق لسطح
بصالة
ام فراس : ريم روحي شوفي وين ريما طولت وهي فوق
ريم : مآمآ تلقينها نامت
ام فراس : واخوها صغير فهيد وينه ؟..
ريم : اشوف فراس اخذه لـ غرفته
ام فراس : زين روحي خذي فهد ووديه لـ اخته بسطح وذا شفتي ريما عندها خليها تنزل
ريم : تيب
رقت ريم عند فراس وخذت فهد وراحت السطح
ريم فتحت الباب
وترف وريما وفقو والمكنسه بيدنهم
ريم : رررررررررريما وش تسوين تنظفين مع هاذي؟
ريما ارتبكت : ها لا وش انظف بس هي قالت وين المكانس وجيت اعطيها اياه
ريم ماصدقت بس مشتها : طيب ريما امي تبيك تحت
ريما بنفسها ايه هين : طيب
ونزلو ريم وريما
ترف : اووف يعني بقعد انظف بالحالي اهـ يا ظهري .. شكل محد يدخل هنا
فهد : ترف
ترف : هلا ابوي
فهد : ابي انوم
ترف : طيب < راحت نفذت السرير من الغبار ورتبت المخده وحطت فوقها طرحتها
ترف : يلا نم
فهد : لا وع
ترف : افف.> وراحت جابت عبايتها وحطتها فوق سرير
فهد : طيب شلون اتغطى
ترف : اصـــلآ حر
فهد : طيب..ترف اساعدك
ترف : لا نم بس
نام فهد وترف قامت ترتب وصففت اغرضها واغراض اخوها
ولـحسن الحظ كان فيه دولاب وتسريحه وكمدينه و سرير إلي نام عليه فهد لـكن وآحد احسن من لا شيء
ترف : وهـــــــــــ وأأأأأأأخيرررررررا خلصت
ودخلت تتحمم
ببيت ام فيصل
بصاله
فهده : يـمه بروح لخالي الحين
ام فيصل : لا الوقت متأخر
فهده : لا ساعه 9 عادي
ام فيصل : بكرا روحي الحين لاء
فهده : يمه ولله موب متأخره بعدين بيتهم كلها لفه واوصل لهم < كان بيت ابو طارق بعيد بنسبه لي بيوت خوالها لأنه كلهم جيران
ام فيصل : قلت لك لاء
إلا يدخل فيـصل
فيصل : سلام عليكم
ام فيصل + فهده : وعلـيكم السلام
فهده : هلا وغلا بإخوي هلا إلي بالقصايد تعجز تشعر فيه
فيصل يضحك : فهده يا زينك ساكته اجل هلا إلي بالقصايد تعجز تشعر فيه ؟
فهده : اف جامل
فيصل : طيب طيب وش تبين ؟
فهده : ودني لـ بيت خالي طارق
فيصل : نو نو نو .. توني راجع من الأستراحه وتعبان < فيصل تذكر شي و بعصبيه : ووووووووووين عهود ؟
فهده : اللهم سكنهم مساكنهم
ام فيصل : فيصل وشفيك معصب وتصارخ ؟ .. عهود طالعه مع صديقتها
فيصل : فهده دقي على عهود بسرعه
فهده مسكت جوالها ودقت على عهود إلا ينفتح الباب وتدخل عهود
وكل إلي بصاله لفـو
فيصل وقف بكل جبروت واتجه لي عهود وعطها كف
فهده : فيييييييصل وشفيك
عهود : ..........
فيصل : تسئليني اسئليها الكلبه وين كآنت
ام فيصل راحت لي عهود وضمتها : فيصل وشفيك انت البنت راحت مع صدقتها
فيصل : كذابه ما راحت مع صدقتها
عهود : .........
ام فيصل : عهود تكلمي وين كنتي
فهده : إلاا راحت مع صدقتها ونا كلمتها وكانت بسوق .. وقلت لها توقف عند محل عشان بسئله عن شي
فيصل استغرب وسكت وبنفسه : شلون بسوق ونا شايفها بالأستراحه استغفر الله العظيم بعدين انا لمحت ما دققت بالوجه
عهود رفعت راسها وناظرت اختها
فهده راحت سحبت عهود ورقو فوق
بغرفة عهود
فهده : عهود تكلمي وين كنتي ؟
عهود وقفت ودخلت الحمام وصكت على عمرها وفتحت الدش
فهده راحت عند باب الحمام : عهود بتصرفك هذا ماراح تهربين بتقولين يعني بتقولين ..> ومشت وصكت الباب بقوه ورها
ببيت ابو فراس
طلعت ترف من الحمام وهي لافه الفوطا على جسمها وتفاجئت إنه الفراش تغير وصار بدال السرير سريرين
مشت ترف عند سرير الثاني ولقت ورقه منوطيه وشالتها وقرتها
/
ترف انا ما راح اقول من انا
بس ريما دقت علي وقالت انه يبي لك سرير ثاني
لأنها دخلت ولقت فهد نايم على سريرك
ورحت شريت لك وهم بعد شريت لك فراش
والمبات انا ركبتها شفت مافي لمبات
لا تقولي كيف دخلت وسويت
لأنه عمي وزوجته وبناته طلعو يتمشون
وقبل لا يطلعون دقت علي ريما
وتركت مفتاح البيت ودلتني للمكان إلي حطته فيه
على عموم .. نوم عافيه
/
ترف : من هذا ؟ .. معقوله من اولاد عمتي فيصل ولا طلال لا هو قال عمي ما قال خالي ! .. يالتني اعرف منهو عشان اشكره .. الله يسعده يارب
تنهدت ترف ولمت شعرها ولبست بجمتها
وسندت راسها على مخده ونآآآآمت وفكرها شاغل بصاحب الرساله
/
ببيت ديم تحديدا غرفتها < من زمآن عنها هـع
ديم مرتبشه بدفتر تكتب الأسماء إلي بحظرون
ديم تكلم نفسها : اووف من بقى .. ياربيه من ساعه 12 الظهر والحين ساعه 3 العصر ماكتبت إلا هذولا .. ممم بعدين بدري زواجي خيي بعد 3 شهور ... ممم يوه من زمآآن عن توفي < ترف > بدق عليها
مسكت ديم جوالها ودقت على ترف
ترف بصوت كله نوم : الووو
ديم بإستغراب : ترف نايمه ؟ بعادتك ..مثل الدجاجه تقومين الفجر وتنومين بعد صلاة العشاء
ترف عدلت جلستها وبصراخ من شوق هع : ديييييييم ديموووووووووووو دم دم دودي وحششششششششششششششتيني قد الكون
ديم تستهبل : بس انتو ما تدرون
ترف : هههههه يا حبي لك .. ولله اشتقت لك
ديم : سبحانه اجل اشتقتي .. طيب وينك ليه ما تدقين ولا شي
ترف : لا ولله ادق بس انتي مقفل جوالك
ديم : هع ايه انشغلت
ترف : ايوا شخبارك ؟
ديم : تمآآم انتي وشلون شخبارك ؟ .. وعسى عمانك ماسوو لك شي انتي اشري وافجرهم
ترف : ههههههه لا الحمد الله كل شي تمام
ديم : أكيد ؟
ترف : أكدين
ديم : وهـ ابي اشوف اشتقت لي فيسك
ترف : حتى انا ولله .. ايه صح وشلون افنان ؟..
ديم : بخيرات .. سعودوه متهبل عليها يهلوس فيها اف ما عنده إلا افنان
ترف : ههههههههههه الله يسعده .. ديم خليك على خط فيه احد يدق علي
ديم : لا انا بصكر الحين بروح اتغدى وأدق عليك
ترف : أوكي .. بالعافيه
ديم : الله يعافيك
ترف صكت من ديم بعد ما صكت جت بترد وشافت المتصل لقته ناصر وسفتهه واغلقت الجوال
وراحت تتوضا وصلت فروضها وقرت كم جزء من القران بعدها قومت فهد يصلي الفجر و الظهر و العصر ورجع نام
وهي رجعت انسدحت تفكر شلون تتخلص من ناصر وغفت !
طق طق
ترف صحت ووقفت : مين ؟
ميري : ميري
ترف : أدخلي
دخلت ميري وحطت الفطور وطلعت
ترف : اوه زين عبروني .. وراحت تقوم فهد يفطر وقعدو يفطرون بعد ما خلصو لمت الصحون وحطتها عند الباب
وجلست على سرير وقرت لها كتاب " المفاتيح الـ 10 للنجآح " وفهد كان يلعب بالقيمبو ولف على ترف
فهد : ترف
ترف : همم
فهد : طفشششت ابي انزل
ترف : لا اقعد .. لا تنزل
فهد : بروح العب مع فراس
ترف : قلت لك لاء اقعد العب ولا نم
فهد : اووف < ولف للجدار وقعد يلعب لين نام
ترف من الممل خلصت الكتاب كله وتذكرت إنها اغلقت الجوال ورجعت تفتحه ولقت رساله من ديم
/
هين ترفوه اغلقتي الجوال من زينك مابي اكلمك
/
ترف : ههههههههههه يا حبي لها خلني ادق عليها شكلها زعلت جت بتدق إلا اتصل ناصر
ترف : اوووف ما يمل برد واشوف وش يبي
ترف : الووو
ناصر : ليه اغلقتي الجوال ؟
ترف : مالك شغل
ناصر : طيب انا برا عند باب عمك طارق انزلي بعطيك شي
ترف : على كيفك انزل متى المعرفه ؟..
ناصر : بتنزلين ولا أدخل عند عمك و اوريه !؟
ترف بتردد : عادي < وصكت بوجهه
طق طق
ترف : مين
ريما بصوة وآطي : ريما
ترف راحت فتحت الباب : هلا ريما
ريما : هلا بك .. اخبارك ؟
ترف: تمام .. إلا من هذا إلي جاب السرير ؟
ريما : سرير ايش؟
ترف : كيف سرير ايش !
ريما : مدري عنك
ترف راحت خذت الورقه وورتها ريما
ريما : ولله مالي دخل بسالفه ولا قلت لي أحد
ترف استغربت وسكتت
ريما جت بتتكلم ودخلت عليهم ريم
ريم : ريما لي ساعه اناديك اثرك عند هاذي
ريما : طيب وش تبين ؟
ريم : ايه ابوي يبيك تسوين القهوه لأنه الخدمات ما يعرفون يسونها
ريما : قهوه بس لأبوي ولا جاء احد ؟
ريم : لا جا وآحد اسمه ناصر بن عبد العزيز وهـ يهبل ياريما يجنن
ريما : اوف أمدآك تشوفينه
ريم : كنت بالحديقه ورن الجرس ورحت فتحت وشرعت الباب وشفته وصكيت على طول ودخلت بسرعه بس ولله ماكنت ادري
ترف بتفاجء: ناااصر ؟
ريم و ريما لفو على ترف وبصوة وآحد : تعرفينه ؟
ترف تلخبطت : هاه لا ما اعرفه
ريم : اها طيب .. يلا ريما بسرعه سوي القهوه
نزلت ريما و ريم ورها
وترف جلست على سرير وأنهمرت دموعها
/
هاذا جزء السادس وتوقعاتكم ؟
وإن شاء الله قريب بنزل جزء السابع اليوم بإذن الله