من ما فقد طلة بهاك وعيونك
حبيبنا سلطان طول غيابك
الشعب وأرض المملكة يحترونك
تبكي سمانا ما لفالها سحابك
مستوحشة عقبك وبعدك ودونك
من ليلة الرحلة ولحظة ذهابك
وقلوب عشاقك شعر يرسمونك
من ما يحبك من سماك لترابك
من ما فقد طلة بهاك وعيونك
من مننا في غيبتك ما حكا بك
من ما دعا الله يا غلانا يصونك
يدعون ويدين المحبة تشابك
وعمارهم لو تنفدا يفتدونك
الشعب من فقدك يمرون بابك
يبون بعيون الوله يلمحونك
يا كثر من لا ضاق وقته لجابك
عودتهم بالجود تمطر..مزونك
متى تجي متى نصوت هلا بك
متى الوطن يزين لونه بلونك
تشوف كيف الحب فينا رقابك
وتشوف كيف الشعب كله يبونك
أميرنا سلطان موجع غيابك
الشعب وأرض المملكة يحترونك